如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 owenlee 於 2014-3-12 14:50 編輯
[題外話部份] 各位師兄你地好! 又係小弟 Owen仔呀! 相信大家當睇到一個咁無厘頭既標題, 都必定會抱住 WTF? 既心態入黎,但請放心呢個絕對唔係神貼 / 水貼, 只係小弟同友人 Muffy兄 play on words 諗出黎既無聊標題! 
就等我再解釋清楚一次個標題: 雨果 (Hugo) 農夫 (Entreq) 種植的樹莓 (Raspberry)!
再簡單D咁講: 樹莓 (Raspberry) + 農夫 (Entreq) + 雨果 (Hugo)!
咁樣講相信有唔少師兄已經明白我今次想分享既大約係咩, 但如果仲未明我講緊咩都唔緊要!! 我地立即進入正題! 
(前言) So where the F….k does it all start from?
大約係兩個幾星期前小弟托友人Muffy兄的幫忙和安排下入手了近期熱話之一的Chord Hugo, 而今次小弟所分享的組合亦都由Hugo既出現開始! (有關Hugo的介紹, 聽感 等等之前小弟已經寫左一篇小分享所以不在此重覆了, 詳情可按此)
小弟發燒資歷唔深,對比呢度好多大師兄小弟只係新仔一名, 由最初IPC直推已經大滿足,到後來玩捆綁大炸彈 (C4+DB2+PB2), 之後轉用一體機 (Ma8+平衡卡), 然後慢慢淡出隨身轉戰家用 CAS推耳牛, 再因為Hugo 既出現令我再一次投向 portable 既擁抱! 呢兩年反反覆覆咁去玩機同被機玩完一輪後, 感覺就係隨身系統上要追求音質好多時都要取捨方便性….. (當然現時有好多高階一體機都好有質素! )
所以小弟一直都好希望會有一樣產品 or 配件可以令現時市面高階隨身player實現到在不影響音質下可以做到無線/ 遙距控制! 咁樣就算係加DAC加AMP玩捆綁大炸彈都可以放係袋 / Backpack, 自己輕輕鬆鬆兩手fing fing咁拎住 remote 播歌選歌! 
而在最近這一個想法終於可以有機會實現了!!! 
====== 分隔線 (以下重口味內容可能令人不安或會恥笑, 敬請留意)=======
(介紹) So what the F….k are you talking about?
好啦關子好似賣得太多了, 簡單D講就係想利用Hugo 砌一套隨身化CAS , 概念如下圖:
成件事好簡單, Raspberry Pi 做source, 用USB in 比signal Hugo 作DAC+AMP部份出耳機!
其實CAS隨身化唔係什麼新鮮事, 在好多外國forum甚至係呢度都有不少師兄玩過! 但真正用於隨身系統的玩家實在少之有少, 鑑於真正能夠portable 的器材唔多, 而且大多數DAC 對於供電需求都好高 (12v or above), 要解決供電問題實在係一個大難題! 所以衡量完方便性 – 音質–重量後, 好多 portable CAS setup都唔易玩 / 玩唔過! 而小弟今次就係睇中Hugo的整體質素,而且在 體積和供電需求上(其實可以話無需求, 因為Hugo本身有內置電池) 各方面都好吸引, 便萌生起利用Hugo 實現CAS隨身化這一個玩法!
(買料) So what the F….k have you done!?
正當上星期Muffy兄興高采烈地開盒Hugo和分享不同Dap組合下的使用和聽感, 其實如此同時佢亦都係度陪我呢個癲佬去研究, 搵料同買料黎砌呢一套隨身CAS! 由構思到實行我地由三個大前題出發:
1. 穩定性 (OS+MPD)
Raspberry 到手後分別試用了不同主流的MPD (Wheezy-raspbian, Volumio, Raspyfi 1.0 同Rune Audio), 左試右試衡量過音質, 穩定性, 和支援性下, 最後選用了 Raspyfi, 優化後更順利播放到 24 / 192 和 DSD 64 等音樂檔, 雖然唔係完美既MPD 但已經是目前可選之中最好的選擇
2.使用 (方便性)
Raspberry pi 本身是沒有無線接收功能的, 所以我就參考了biid兄的流動CAS setup, 買了一個小 router 給 Raspberry pi, 利用 router的無線網絡經 lan 線接收指令, 達成無線遙距控制! 另外如何攜帶呢一套 setup 出街亦都係另一大難題, 主要因為正常疊羅漢形式捆綁下好難確保到 usb 線頭的固定 (因為hugo 的usb in 是用 micro usb 所以要用轉頭, 槓桿原理令 usb位好容易撞鬆撞甩) , 但好彩靈機一觸下又找到解決方案! (一陣介紹完成品是會再解釋)
3. 續航力 (電池容量+體積)
另一個使用raspberry pi 的原因是它只需要5v 1a (with usb drive 5v 2a) 便足夠運作, 市面上一般既手機奶媽都應付得到, 小弟就買左 Momax 8800mah 的雙輸出 (2.1a + 1a)奶媽供電給 Raspberry + router, 續航力大約有8小時, 同 Hugo 在使用high res usb in 的續航力相約
其他測試和小細節實在太多不能一一詳細列出黎, 總之前前後後個幾星期不停地失敗嘗試失敗嘗試失敗嘗試…..不停地遇上問題再解決再遇上問題又再解決!!..... 
雨果農夫種植的樹莓 MK.1 終於研發成功了!! 登登登登!! 
完!..................
.
.
.
.
.
.
.
.
.
.
.
.
.
.
.
.
.
MK.1 真身! (比較另類的捆綁方法, 咁樣放法主要因為需要有足夠空間比USB走線)
呢板野size 就大約係 30.5 cm 闊 24cm 高, 可以成塊放落一般斜咩袋 / 15吋電腦袋, 底部塊野名為 GRID IT! 十分方便和好用, 可以一次過捆綁哂set野上去, 而且仲好穩陣 (小弟親自在上落班時間下的地鐵車廂內進行各樣(被) 撞擊測試  , so far 都無出事 )
(廣告位: Gird it 於各大蘋果店有售)
(使用) So how do I F….king use it?
雨果農夫種植的樹莓 MK.1的使用方法: 所有正常操作 (選歌/播歌/停歌) 都是經 APP (MPDroid) 又或者 Web UI 進行, 只需要經自身router 的WIFI network 便可以做到! 用智能手機 / ipod touch / ipad / android tab 都無問題! 平時出街就一板過放落袋, 一切操作可以無線進行! 
(聽感) So what is the f….king sound?
因為正式使用呢套SETUP 只有短短兩三日, 加上小弟的新耳機和Hugo未有作任何正式run in 所以只可以略評一下作小參考, Hugo 在呢一套 SETUP 可以利用 USB IN 發揮的到佢對DSD等高質音樂檔的解碼實力,認真使用下聽了兩三日我對Hugo DAC部份的感覺是: 音場好闊, 寬度和層次定位好好, 包圍感一流, 小弟認為Hugo DAC的聲底是中性偏些少冷, 比較明亮 (有貴氣的那種), 樂器線條好好, 人聲表現不錯但唔係強項, 低頻算快, 有質但量唔多, 動態一流! 分析力我個人覺得好強, 強唔係強在detail 出唔出, 而係Hugo 出黎的弱音很自然 , 質感好好, 唔會一味sell 信息量高但所有野衝住你而黎咁, 整體來講, 好中性 無咩味精 但好高貴大器, 而且細膩的聲音!
而AMP部份我會話佢正正就是忠實反應番DAC部份的質素和調音, 因為目前大部份時間小弟都係用Hugo作一體直出推IEM / LCD3, 所以純amp部份的聲音有待測試 / 等其他師兄既詳盡聽感! 整體黎講作為portable系統Hugo出來的聲音我絕對收貨有餘!!
(感想) So what the f….l do I think?
睇到呢度可能你會覺得咁玩法好癲 / Silent Gas ,但對我個人而言都總算完左一個小夢想! 雖然套setup 仲有幾個小問題要改善, 但整體黎講我真係好滿意好開心! 今次呢個Project 好過癮好開心, 首先好多謝Muffy兄全力支持和參與, 先至令雨果農夫種植的樹莓 MK.1 可以咁快完成! 另一位要多謝既係Biid 兄, 其實佢係呢套Setup 既始創者, 而且佢提供左好多技術上的支援同幫忙比我, 先令我唔洗撞板撞到頭破血流! Anyway 以上所有都只係分享一則, 歡迎所有既支持和建議! 不喜既麻煩高枱貴手, 笑完就算….! 今次分享到此! 多謝閱讀! 後會有期!
|
[複製鏈接]
發表於 2014-3-12 11:03
