想環球繼續保留週年金碟系列

lovingmusic2014

近日接二連三聽到有師兄講環球不會再繼續週年金碟呢個系列，我心裡真的感到十分無奈和可惜。

我真的好唔捨得週年金碟呢個系列呢！首先，好喜歡佢以慶祝該碟幾多週年紀念呢個主題來掛帥，很有心思，令人期待著下一次會出哪些啱心水又啱年份的正碟(例如去年11月個批未出之前，我都有希冀過會唔會出《心聲》的，結果，《心聲》真的出了，個種心情真是叫我好興奮的呢 )；此外，個外盒又別出心裁地以閃閃生輝的模擬放煙花的效果設計來包裝，真係好似同你慶祝緊自己一直鍾愛多年的唱片幾多幾多週年紀念咁，令人看得賞心悅目；第三，隻金碟未聽，齋望落去都已經好靚，好有收藏價值，而且音質又不賴，好聲得來又恰到好處，不慍不火，令人聽得好舒服。

去年環球在此網站為呢個系列搞左個類似一人一票的投票活動，讓樂迷跟隨返自己的意願選出心目中渴望會推出的金碟；而事實上，當時的反應都很熱烈(可惜我當時未發現到呢個網站，無份參與 )，可見呢個系列其實都很受樂迷歡迎呢！我還抱住滿腔熱誠的期待下一次投票活動的出現，希望有份參與，心裡還諗定今年希望會推出哪些金碟。如今若是為了迎合其他新計劃而斷了這個系列，真的太可惜呢！

所以懇請環球，可唔可以繼續保留返週年金碟呢個系列呢？在眾多環球推出過不同類別的發燒碟系列中，我最喜歡的就是這個系列了；如果SACD真的將會大肆推出，而真的點都要摒棄其中一個系列的話，我寧願唔要K2系列了。  

請環球再三考慮一下。  

laaa

我也十分喜颧 環球金碟，希望能繼續有新碟出。支持 c-hing 的post.

laaa

Duplicate reply.  Plz delete

max!!!

應該起碼出埋今年, 2010年開始，週年版至計埋今年先剛剛好5年。

porkballs

最好加埋EMI 啦

teddyng637

支持你講法

細路祥

Support !

lovingmusic2014

max!!! 發表於 2014-3-11 11:44
應該起碼出埋今年, 2010年開始，週年版至計埋今年先剛剛好5年。

係呀，我也有諗過呢點，但唔知環球是否都咁諗呢......

lovingmusic2014

porkballs 發表於 2014-3-11 11:58
最好加埋EMI 啦

係呀，我都好期待，尤其是好想好想彭羚的專輯可以好似王菲、陳慧嫻咁keep住推出發燒碟版，如《未完的小說》(只出過97年天龍版)、《如夢初醒》、《窗外》、《完全因你‧彭羚精選》(只出過97年天龍版和後來的LPCD1630版)等，呢D當年咁大賣又咁好聽的唱片，加上亞Cass把聲咁靚，唔出返多D發燒碟版(最好會出金碟版啦)真係好浪費呢！！  

ben002918