《義勇群英：毒蛇風暴》（G.I. Joe: The Rise Of The Cobra）JJ小評

lkljason

悠長假期既首日我梗係唔會嘥啦，見到《義勇群英：毒蛇風暴》仲未落畫仲唔拿拿林睇左先，之前聽啲影評好壞參半，好嘅動作場面由頭到尾無冷場、男主角型爆女主角索爆，唔好嘅CG特技比較假、爆谷電影唔好期待喺套戲可以攞到啲乜嘢走，所以有晒心理同生理準備，言歸正傳我地 let's go 去片！


之前我從未接觸過呢套漫畫或者卡通片，所以冇乜感情分同情義結在內嚟比評語，睇完後既感覺同我預期差唔多，故事好大路，男主角因為運送納米蟲嘅武器 (唔sure有無記錯)，中途比班有高科技既壞人搶劫，好彩政府既特別組織「G.I. Joe」出手相助至無失到啲武器，原來嚟搶嘢嘅就係發明呢個武器嘅人，男主角同女主角原本係戀人，因為一次任務男主角害死女主角嘅brother，所以導致兩人無奈分手，而女主角因為被「奸人」所迫至無可奈何咁幫啲壞旦做野 (果奸人原來就係佢個.........唔講，自己估)，最後「G.I. Joe」梗係排除萬難、神勇非常、超級無敵、一鼓作氣、一團和氣.....ar ...ar...諗唔到啦........咁完成任務啦！


出碟既時候都會考慮買返隻嚟keep，因為都有唔少場面幾好爆，例如巴黎嗰part追追追都幾刺激架，作為唔駛點用腦睇嘅爆谷電影我完全收晒貨，話晒兩個鐘頭嘅戲晨早流流起身都毫無睡意 (之前果晚都成3點幾至訓架，係咪算係咁呢！XDDDD) ，CG特技都係果句，已經睇得太多，好難比到啲乜野驚喜架啦，所以無乜失望。呢啲戲預左留伏線長拍長有，希望嚟緊嗰集可以原班人馬之餘，故事方面落多少少功夫可能會更有睇頭，報告完畢！

Ken704

版大!!! 我都好Like依部. 專登由TKO去Element 6號院睇! 來回差唔多2粒鐘

wil-wil

早響約埋一齊睇!

版大!!! 我都好Like依部. 專登由TKO去Element 6號院睇! 來回差唔多2粒鐘
Ken704 發表於 2009-8-22 00:38

av-boy

Ken704

早響約埋一齊睇!


wil-wil 發表於 2009-8-22 02:44

下次! 實有機會

classyking

好似都ok!

ruri

等BD..