Q穴之Yx24P

tangcoma

qq1122yq 發表於 2014-3-9 01:16

http://post76.hk/forum.php?mod=v ... d=183400&extra=
家訪報告！

Stanley5387

雖然沖埋涼差唔多三點幾先瞓，但因為禽晚喺 Q 姐度佢服侍我哋幾位賓客實在太過舒服太過爽，攪到超時個個都賴死唔走，仲令到本人振咗幾粒鐘去到今朝九點未夠一扎醒，就即刻諗起大家之前盡慶嘅試碟情况 …………………… 真心講句: 的確賓至如歸， High 爆 Whole Night!

講返今次家訪，首先好令小弟佩服嘅，係Q姐屋企處並無用啲咩天價神器， 相反仲係一啲大部份師兄都有能力購置嘅設備，但出嚟嘅影音效果同質數，尤其係聲效，點解能夠喺一個香港典型嘅家居客廳，調教出一間迷你戲院一樣嘅聲效出嚟? 尤其人所共讚嘅低頻表現: Punch, Quality & Quantity, Direction, Infection， 各方面都做得恰到好處， 所以 Q 姐喺setting 上嘅功力， 果真去到神級水平。要知道三隻Sub 仔: MK, KK 同SVS 個個都獨當一面，大家嘅特質同取向都並非相同，而有本事可以令佢哋共同使用時完全隱形，和平相處，相信Q姐的確用咗好多心機同時間去攪好 - 衷心佩服！

再講講試戲片段! 幾粒鐘抽睇咁多bluray, 印象難忘包括起首開聲嘅 Blue Man Group ~ 幾場畫面有十幾廿人同時敲打樂器，難得所出嘅聲音毫無雜亂，條理準確，好多嘅聲音同時發出而令觀賞者追逐表演者嘅位置，非常過瘾！ 功夫熊貓 ~ 係自己睇過不下數十次以嚟，聽得最多嘢、最清晰、最震撼同有張力嘅一次，試機碟落咗喺我呢啲凡夫俗子處表現平庸，但落喺高手Q姐庶就如魚得水，發揮超班。 跟住仲有拳拳到肉，腳踢生風嘅英版龍虎門， 同埋血腥重口味，既可以感受俾機關槍狂掃穿射心口，轉頭又俾飛標、鐮刀飛插狂片嘅忍者刺客， 都令我享受到120% 嘅官能刺激!

而最有意外驚喜，係Q姐極力推介俾我哋嘅蜘蛛俠3， 原先呢套大部份人已擁有但被遺忘嘅舊戲，經Q姐播放(1).  Harry穿上裝備，喺大街小巷追逐Peter嗰一段; (2). 沙人之形成同 (3). 尾埸四子大混戰 - 沙人咆哮、Venom 怪叫夾擊兩忠角嘅一幕，都令到在場嘅我哋，重新去認定呢套戲，原來係可以咁好玩，咁多高低起落嘅變化， 一套滄海遺珠， 俾Q姐輕輕一推，成班人即想返屋企試試佢,  可以夾自己嘅架生後究竟出到幾多貨? 大家對玩影音嗰團火，就係咁俾你引到燒得又紅又烈！

Q姐， 喺度要多謝你使到我哋班玩友， 有機會經你親身教授去玩影音、享受影音。 你無私嘅指導，有問必答，知所必言嘅作風，坦白率性嘅態度，都深深令我敬服同欣賞！  Thanks so much!!!

qq1122yq

Stanley5387 發表於 2014-3-9 14:19
雖然沖埋涼差唔多三點幾先瞓，但因為禽晚喺 Q 姐度佢服侍我哋幾位賓客實在太過舒服太過爽，攪到超時個個都 ...

最重要係大家能夠盡慶而歸……

bigair

我覺得Q姐到中音密度再高d就正啦

Stanley5387

bigair 發表於 2014-3-9 15:33
我覺得Q姐到中音密度再高d就正啦

都認同 bigair C Hing 嘅睇法，喺某啲戲嘅人聲輸出係唔算突出，可略略提升一啲嘅！

tangcoma

bigair 發表於 2014-3-9 15:33
我覺得Q姐到中音密度再高d就正啦

正正是乾淨純潔嘅電源幫到手！

wadee

昨晚終於去到Q穴探秘!!
此行最大目的當然是見見Q姐的美貌 和見識YAMAHA11.3的空間感和3隻十仔的點和諧共處啦~
其次是自己想見識DALI ONWALL和KRELL S300I INT AMP~
YAMAHA 11.3的超正空間感令人睇演唱會如置身終紅館中, 包圍感超正! ! 但你又完全唔覺喇叭和十仔的存在!!
睇戲7.3就更是低頻包圍感一流!! 應打心口就打心口, 但打得黎又好舒服, BOOM足成晚, 一D都唔辛苦, 仲好舒服添~
全晚覺得最正最驚喜是睇蜘蛛俠3!! 在Q穴裡睇戲的聲效超正的聲效下竟令我好想追看這套陳年舊片~(今日在家試, 一半都冇 )
可惜唔夠時間試試KRELL S300I兩聲道的威力!!
同埋要盡快儲錢買DALI ONWALL喇叭 ~

多謝Q姐~

bigair

q姐，仲乜唔試之豬俠3俾我地搞起晒我條引

qq1122yq

bigair 發表於 2014-3-9 17:46
q姐，仲乜唔試之豬俠3俾我地搞起晒我條引

大把機會再黎添食啦！

qq1122yq

wadee 發表於 2014-3-9 17:33
昨晚終於去到Q穴探秘!!
此行最大目的當然是見見Q姐的美貌 和見識YAMAHA11.3的空間感和3隻十仔的點 ...

天若有情……華Dee！