小型雪櫃 and Router

PhantomGTR

話說小弟某個地方有一個一立方呎左右的小型雪櫃，佢係插係一個由 wall socket 拖出嚟的拖板上。我的 mpd kit, USB DAC, pre-amp, power-amp 等都係插係另一個 wall socket 拖出嚟的拖板上。早幾個月係調動過呢電線位置後部 MPD kit 就成日自己停，可以一個鐘停好幾次，後來發現只要呢個雪櫃仔的 compressor 一起動，咁就幾乎 100% 會令個 MPD kit 停。唔止咁，好多時轉歌時都有 error 彈出嚟，但又可以自動繼續播歌。

我初頭以為唔知係 MPD kit 有事、定係 USB DAC、電腦、或Lan 線等等受到 compressor 個 EM field 影響，攪了幾個月都無進展。早兩日決心再睇過呢電線時，終於發覺原來個 router 火牛插咗係雪櫃仔的同一個拖板上！ 我諗九成九係早幾個月前調動電線位置時唔小心插錯咗。

咁將個 router 火牛插返係音響個拖板上後，部 MPD Kit 呢幾日再無停過。仲唔止，係搬咗個 router 火牛後，連無玩音響既人都即時聽得出呢聲好咗好多，背景靜咗好多等等。真係仲風水過風水，well, 真係點都估唔到關個 router 事..........(一笑)！

令我諗返起，幾十年前細個時有一個冬天，屋企因為要執位，家中有一部電腦插去一個只係供電俾一部窗口式細馬力冷氣機的牆蘇。但部電腦之後就成日 hang 機，仲要 hang 得好鬼密個隻。過咗一個星期，心血來潮將個電腦插去另一個拖版，咁就一路相安無事。其實，如果那時個冷氣機係有用過就話啫，但那個時候係冬天，那段時間部冷氣機係長關 (有個 mechanical on / off 制)，咁都有事？點都好，總算知道下次有問題時要留意電源。

edison133

Very useful sharing!!!

billylwc

brucesh

電係影響好大, 我公司套閉路電視螢光幕間中有閃動, 一直不能搵到源頭,
後來先意外發現係同一拖板既其他裝置既插蘇壞左..  兩個裝置無關連, 但就係同一拖板上用, 一個出事就真係拖埋一齊落水

bigair

電真係對聲音有莫大影響，多謝分享！

ozrayyau

我喺度又覆多次先。

我十幾年前試過 MF A3 CD 機遙控時得時唔得, 換電池都係咁, 攞去整代理話乜事都冇, 喺佢度試又真係正常   攞返屋企又嚟過, 後來發現日間大多正常, 係晚上先病發, 唔通有鬼

一直攪咗好耐, 一個偶然下, 熄燈望住啲膽聽歌, 攞起個病發緊嘅遙控轉歌, 又用到嘅?? 之前點都唔得架?? 唔通*佢*嚟咗? 咁啱仲試緊個正常遙控將啲歌轉來轉去, 我老虎一開燈佢又失常, 最後發現係 IKEA 買嘅慳電膽作怪

點知呢幾日架前級同 QA660, 又突然病發, 心諗一向冇事架? 換電試又冇用.........紅外線紅外線......呀, 架直升機仔用遙控器叉緊電, 一熄咗遙控器乜事都冇啦

你話好唔好玩

原明

多謝分享

PhantomGTR

原明 發表於 2014-3-1 11:36
多謝分享

仲有下文，呢排自動 stop 呢個老問題又出現，要我又搬又移，攪咗幾日先俾我搵到原因。

話說早排我有條超短 DIY 銀 USB 用，不過呢條線無 shielding 的。聲就靚到唔停咁聽，不過個雪櫃有乜 e 郁部 mpd kit 又自己 stop。

本來我諗住搵錫紙包住佢，點知自己及同事家企都無，剛巧有個糖盒空出嚟，咁就相安無事了。希望以後唔好再煩。

P.S. 之前用條幾十蚊的 USB3 線，仲要 heavy shielding 個隻，同埋個小型雪櫃同個 MPD kit 有成一米咁遠。
(Post76 Android 手機版送出)

schmike

PhantomGTR 發表於 2014-12-6 12:51
仲有下文，呢排自動 stop 呢個老問題馬上出現，要我又搬又移，攪咗幾日先俾我搵到原因。

話說早排我有條 ...

我整左個emi filter俾個雪櫃
立即背景黑左

(Post76 Android 手機版送出)

momolee

雪櫃咁大電流既野其實應該要獨立一個插位比佢最好