同人唔同命，SONY 發佈會 趣事分享 (Part 2 #22)

chrisfd7695

快d....啦！定師兄

ming226

waiting yr part 2

Type-R

waiting your report.

ming226

WAITING PART 2

iceberg99

飲住水等睇戲
下集呢

law1987

小弟好有興趣想知記者點鬧 PR~~X2
wildwolf007 發表於 2009-8-20 10:26 AM

小弟好有興趣想知記者點鬧 PR~~X3

jimmy

定兄，唔好賣關子啦！

阿定

好啦，MC 講完野，就到 dancer 跳舞，d dancer 著d衫，正正就係LCX前身10蚊店賣緊果d 祭典衫，10蚊貨仔，跳跳下就當然開始走光啦，都唔知有心定無意，作為道德之士，我當然無影相比大家睇啦，呢d自己睇左就算啦，反正打晒底，無野睇就是，哈！

介紹完，成推人爭著影相，迫到發神經，所以我地一行三人決定先去 SONY SHOW ROOM，睇下有咩八，去到Show Room，見工作人員封左Show Room，隔離有位記者哥哥，問佢入唔入得去又唔知頭唔知路唔答人，大家就決定唔理果工作人員，咁人地都撞左入去，無理由我企出面架，所以我地都走埋入去啦！

入到去，人唔多，可能大部分人都係下面影緊Model，見到有兩條友係度set緊部PS3 Slim影相，又白底紙，又打燈咁，一個影，一個set，好鬼專業，咁我當然唔好執輸，行過去影埋一份啦，點知影唔夠2分鐘，都唔知係佢睇我唔到，定太過投入，佢要移位時，一撞就撞開左我，識得我的人都知，要撞開我都唔係易事，但係無辦法，我都係比佢撞走左，咁我唯有去影果外盒，佢有佢影機，唔阻住佢啦，(注:另一邊有兩部機連LCD，一部已經比d影音雜誌feel記者準備播Blu-Ray，另一部仲set緊) ，影影下，開始人多，之前位哥哥仔後面就多左好多其它記者，大家都好有禮貌，企左去度等佢影完，打算跟著影，PR 就好識做，出聲叫哥哥仔讓比其它人影，點知哥哥仔就話啦，你唔係咁多人咁多記者，得一部機比人影下活，係呢個時候，亦好老實講，果哥哥仔又講得幾正確，無理由得一部機比一推人影，佢果function仲要得果一個鐘，有大半個鐘用左來講野，話就話講完野任影任玩，都無理由得果一兩部機，有人投訴，有人鬧，當然就有反應啦，轉眼間就多左幾部PS3 Slim出來，有d比model姐姐抱著四圍走，有d就放係度比你亂咁玩，難得有PR，我當然準備飛去問 bitstream問題啦，當我正想問的時候，另一位記者就問PR PS3 Slim可唔可以換Hard Disk，PR 就好老實咁答佢，我都唔知啊，不如我比本說明書你研究下，然後就係袋到變左本說明書出來比左果位記者啦，係呢個時候，我知道我唔需要問 PR 啦，我肯定問佢都唔會知，又為免問佢要說明書會反問我要卡片，要填Form，你知啦，之前要份新聞稿都say no，今次我再比人say no，我咪好無面，所以我決定等記者哥哥睇完後，問佢要唔要，唔要的話就比我慢慢找資料，而記者哥哥睇完點換HDD後，已經打算拆開部機，說明書亦無用啦，就咁比左我，而我當然豪不客氣，人地比我的野，我當然照單全收，帶埋走啦

行左果圈，見到頭先位專業記者哥哥仲影緊部PS3 Slim，仲有部PS3放係側邊，成個場就只有佢有兩部機，所以我就試下問佢可唔可以比我影一兩張，阻一阻佢啦，而呢位之前訓示PR的哥哥亦好好人讓開左比我影兩張，不過我真係唔明，點解佢地可以影同一部機，影咁鬼耐

之後d人走左唔少，我地就專心拿起其中一部PS3 Slim來玩啦，玩下影下，由於電視得兩部，都比一推大哥長期圍著，玩到無野好玩，決定提早走人，返去寫帖！

[youtube]TdzjxXplbHM[/youtube]

魚腮人

SCEH 個 marketing 係咪 cut budget cut 得好勁？o的 PR 攪個發佈會攪成咁，而o的 model 個樣又......

阿定

SCEH 個 marketing 係咪 cut budget cut 得好勁？o的 PR 攪個發佈會攪成咁，而o的 model 個樣又......
魚腮人 發表於 2009-8-20 16:18

其實都未必，可能SONY總公司保密得好高，所以香港呢邊做野超趕吧，相比台灣，唔計女女的質數，香港算唔錯架啦，最少有機比你玩！