如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
首先我唔係蔡瀾, 我唔識得食完隻雞然後就同你講話依隻雞一定係山西黎既。
我唔識分動鐵動圈咩單元, 我就算買左返黎都唔知佢係動鐵定動圈定有幾多單元。
我唔識分高中低頻, 其實係未高音就高頻, 中音就中頻, 低音就低頻?
我只係一個平凡食客, 就用我最平凡既聽感, 讓大家知道, 依四隻耳機帶比我既感覺。
4隻耳機都係無乜點煲過, 亦無換過線, 原因如下
- 煲左我話隻耳機識飛都得
- 個個人煲既方法唔同, 最後成品唔同
- 最主要原因, 我係唔識煲機, 平時正常聽下算唔算係?
測試器材 - 就一部AK240
排名已分先後。
IE800 - 價值$5,000既法國菜
精緻, 細膩, 浪漫, 都係我對IE800既感覺。
每個COUSE之間銜接得好好, 層次豐富, 令人細味, 回憶。
每樣配菜, 頭盤, 甜品, 都係為著主菜而生, IE800叫你願意細緻品味每首歌。
IE800係我最鐘意既耳機, 感動到我, 亦帶動到我。
但係IE800係一定要靚紅酒配, 如果唔係唔夠力推, 即時變得好難食。
AK240都推得幾難食下。
另外依隻耳機都真係同法國菜一樣, 會令你覺得食唔飽, 聽完一首歌, 係好ENJOY, 係好RELAX, 但係就食唔飽, 即係點講, 你會覺得唔夠喉, 你會覺得唔夠音樂感, 好聽係好聽, 感動亦感動, 但係就係唔夠激情咁, 即係你食完法國菜同你打完邊爐過種感覺一樣, 唔係唔滿足, 但係就係唔相同既滿足。
仲有一個大問題, 雖然空間夠大, 但係D座位好唔舒服下, 又無其他凳可以換, 成日都跌出黎, 同埋好似隔離屋裝修緊咁, 條線一撞就好應聲。
雖然係我最鐘意既耳機, 但係唔多用。
原因有三個
1. 要帶耳擴出街, 唔方便
2. IE800係要用心慢慢聆聽既耳機, 急急腳咁食法國菜只會食之無味。
3. 耳膠戴得唔舒服, 成日都甩出黎, 好麻煩。
性價比:
值得, 因為每一次食完我都會再三回味, 佢會不斷係你腦海中徘徊, 貞子咁, 陰魂不散。
SE846 - 價值$7,800既海鮮酒家
最高級既材料, 山珍海味, 全部擺晒係你面前, 任你食, 每樣菜式都烹調得洽到好處, 令你大飽口福, 一味接一味, 有D有味精, 有D食鮮味, 令你食過唔停, 依隻耳機, 我會話聽得過癮。
每個角色都做得好好, 每樣菜式都好特出, 空間大, 環境寬敞, 隔音設備完善, 多凳你揀, 緊有一張岩你坐
推力要求唔大, 啤酒夠做, AK240難唔到。
但係問題係, 芝士局龍蝦, 有人話好味, 有人話蓋過龍蝦鮮味, 睇你點諗, 但係勝在聽既時候唔洗用腦, 聽得我出奇愉快。
總之就BILIBALA, 好熱鬧, 同飽飽滯滯。
但係食完, 你唔會記得自己食過D乜, 只係記得自己乜都塞過落肚, 唔會感動, 但係會滿足, 對我黎講IE800同SE846比我既感覺係截然不同既耳機。
同埋另一方面每道菜亦都唔係銜接得好好, 有時仲會個別發展, 分析力高, 但係分得過份左d, 道道菜都好獨立, 不過勝在擺晒係你面前, 雖然整過個程並唔連貫及一氣呵成, 但係亦唔會出現太溜既感覺。
SE846帶唔到回憶比你, 佢就好似一套荷里活電影咁, 娛樂性十足, 足以令你對劇情要求不大。
係我最常用既耳機。
性價比:
食中餐通常到最後你會發覺有一樣野你不知不覺叫左好多, 搞到最後埋單要比多幾舊水, 依樣野就係可樂, 你會有少少覺得唔係好抵既感覺。依隻野略嫌貴左少許, 我會認為佢同IE800應該同價或只高$1,000。
H3 - 價值$2,800 既意大利菜
大件夾抵食, 味道濃郁, 有鑊氣, 惹味, 不過偏酸, 但係依個價位黎講真係叫抵食。
意大利菜易入口, 多人鐘意食, 不過主打雖然唔係鮮味, 係賣醬汁, 但係亦唔會話太影響鮮味, 配合得幾好。
都食得飽, 但係會容易溜, 因為唔係PIZZA就意大利粉。
空間夠大, 係個位唔好坐, 三尖八角, 加上觀感麻麻。
算係本人都幾鐘意但係較少用既耳機。
性價比:
抵玩, 真係抵玩, 絕對比到相對價錢既享受你。
UM PRO30 - 價值$3,000既日本野
依三叉野係真係食魚生, 新鮮, 堅係新鮮, 好味, 亦好真。
但係悶, 淨係得魚生, 層次太少, 不過好平均, 唔會有野過火, 亦唔會話帶唔出鮮味, 無功亦無過, 不過不失為一隻原味好耳機,
作為測試應該唔錯, 作為平時娛樂, 又未免太過認真。
空間唔大但係勝在佢係咁多間餐廳裡面最好坐既一間, 坐足一日都唔覺pat pat痛。
少用, 不過週不時都會拎出黎聽下。
性價比:
太真實所以失去激情, 唔係話佢唔好, 原音既要求好高, 但係唔係我杯茶, 價位平一千會更好。
總結:
四國菜色, 不同口味, 根本難分高低, 中餐係日日食都得架啦係未先, 我認為每隻耳機都有佢既優點, 亦有佢既缺點, laughing gor 有句名言: 我唔想揀呀, 揀左一樣野, 就要放棄另外一樣野。
下期上演:
AK240最終回/ AK10+IPT / PHA-2 大測試
|
[複製鏈接]
發表於 2014-2-18 17:20
