四大難得家訪

蒲東 · 發表於 2014-2-17 03:17

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

我知道我知道，KRELL FOUNDATION下半場重未寫，KRELL707更係遙遙無期，點解要講呢啲呢喂？其實因為我近來做咗四個難能可貴嘅家訪，所以想同各位巴打分享者，希望大家體諒，首先畀大家睇到嘅，係《音技》錢大姐屋企嘅組合，可能大家都見過草哥嘅音響組合，但大姐嘅組合大家見過未先？可恨嘅係我掛住食未認真試聽過～～～～～十分可惜。

蒲東 · 發表於 2014-2-17 03:18

本帖最後由蒲東於 2014-2-17 12:59 編輯

唔，跟住嘅係低音狂人COMA嘅組合，我聽過佢套嘢，低頻勁乾淨，聚焦非常集中，DBOX更加係過癮到爆，係有少少最低嗰陣滿足唔到我.....佢就嚟換喇叭啦，呵呵。另外佢部SONY500ES靚到爆炸，畫面升頻到4K勁乾淨，可惜我無彈藥，唔係即刻入貨吖～

蒲東 · 發表於 2014-2-17 03:21

本帖最後由蒲東於 2014-2-17 13:00 編輯

蒲東發表於 2014-2-17 03:18
唔，跟住嘅係低音狂人COMA嘅組嘅，我聽過佢套嘢，低頻勁乾淨，聚焦非常集中，DBOX更加係過癮到爆，係有少少 ...

跟住呢，尋日去咗元朗做團拜，首先係BEN哥嘅家訪，佢大哥竟然發燒到買咗兩間屋，合併咗之後利用其中一個二百幾呎嘅廳做影音室，AV方面佢已經係超級發燒友，前後級都用我認為水準最高嘅ADA，喇叭用咗TRIAD嘅前置、後置，其中一隻18吋重低音箱亦係用呢個牌子，再加上兩隻SUNFIRE，做成7.3嘅系統。玩兩聲道嘅佢更係黐線級，竟然用咗五對喇叭﹕用前級同電分去做到一對喇叭嘅效果﹕鋁帶CUT到80HZ、屏風CUT到200HZ，JBL音箱更只係用隻中音單元負責中音，跟住用兩隻AUDIOPRO龐然大物做重低音部分。唔好講相位問題，單係聲底已經好難搞，但BEN兄嘅組合，真係做到結像力準確、有貴氣，呢兩點真係好鬼難。另外佢用部RUNCO投影機，靚到阿媽都話正，雖然係幾年前產品，但只論2D，真係會WIN某啲4K專業機架（投120吋）有幾位師兄中咗毒，呵呵。

蒲東 · 發表於 2014-2-17 03:23

本帖最後由蒲東於 2014-2-17 03:28 編輯

蒲東發表於 2014-2-17 03:21
跟住呢，尋日去咗元朗做團拜，首先係BEN哥嘅家訪，佢大哥竟然發燒到買咗兩間屋，合併咗之後利用其中一個 ...

最後就係去咗HARRY兄嘅影音室，可以話呢，佢「盡立」世上嘅重低音箱名器﹕JL、MK、KK、SVS，而HARRY哥亦係ADA前級用家，我聽咗幾段我最熟悉嘅片段，例如《龍虎門》、《一代宗師》，低頻聚焦的確不俗，四隻低音箱互補不足，PUNCH效果的確十分過癮，不過高處未算高，如果加多隻雙18吋氣勢一定更加好囉，HEHEHEHE。