（新手）Sony XBA-H1偽開箱

keigo912

jasonLai

以下是本人以H1和um1比較的感受
第一首係David Guetta ft. Nicki Minaj的turn me on。
Um1: 人聲較前，好似係你耳邊唱歌，音樂一開始時，每一粒音都好清楚。鼓聲較弱。
H1: 人聲較後，好似係隔離房唱歌，人聲和背景音樂音量差不多，鼓聲比um1好
音樂去到中段，大約1分鐘到，因為背景音樂太多樂器，加上人聲，聲音好複雜。兩隻耳機都模糊，但um1人聲清D。各位師兄都可以試吓聽依首歌。

第二首係王詩安返唱skinny love。
首歌一開始有粉筆寫字的聲音，um1聽得比較清楚，H1比較模糊。聽完首歌，我終於知道甚麼是冷聲和暖聲。um1可以話係show緊唱功，H1係賣感情。高音部份H1好收，可能未run夠，而um1高音就比較放。

佩戴感就當然um1贏十條街，H1一開始戴幾舒服，但戴左一陣就好似有舊硬物實在耳內，好吾舒服。但一戴um1就不得了，太太太太過舒了。加上我習慣瞓覺聽歌，戴h1只可以頭向天花板看，否則頂到隻耳仔好痛。而um1就可以360度碌來碌去都無問題！

總結: 其實h1和um1無得比，前者係圈鐵，後者係動鐵。講低音一定係h1好D，但買哪個真是睇來個人口味。

如果都睇唔明或決定唔到，Um1就好似一杯平價用透明有耳杯裝住的凍檸茶，鍾意飲凍野的人覺得佢真係好正，但如果你鍾意飲熱野，講唔多啱你胃口。用透明有耳杯裝住，人地一看就知道係檸檬茶，仲好方便帶出街。而H1就好似用精緻無耳杯的檸檬茶，吾熱又吾凍。鍾意飲凍野的人又覺得佢吾夠凍，鍾意飲熱野的人又覺得佢吾多熱，就好似一杯室溫的檸茶。個杯好靚，比透明杯好，個個杯好大又無耳仔，戴出街吾係太方便。{:9_408:}

以上為個人感受，請各位多多指教，不喜勿插！

sohma01

今日上去試左 H2 同 H3
h2 d bass 打到頭都痛埋
反而h3有少少心動
不過個樣實在太....{:9_406:}