被偷走的那五年…J J小評 (含內容)

lkljason · 發表於 2014-2-13 10:55

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 lkljason 於 2014-2-13 11:48 編輯

[YoutubeHD]6gqZiR7rMHM[/YoutubeHD]

有時某d戲鐘意就鐘意，就算劇情老土，男女主角外型唔吸引，但只要劇情能夠引起觀眾有共鳴我覺得已經叫成功，本人對黃真真執導既電影不嬲無乜信心，但呢套真係拍得唔錯！

故事一開始係講男女主角好sweet咁去旅行，但因為交通意外令女主角昏迷，醒翻之後就發覺完來已經同男主角離左婚，聽落係咪好懸疑feel呢？其實只係女主角因為交通意外導致無左五年記憶，咁女主角因為只有Honeymoon既記憶當然想盡辦法同男主角和好，故事發展到呢度仍然存在喜劇成份，到男女主角重修舊好，急轉直下黎過韓劇最喜歡用既橋段女主角有不治之症，套戲當堂180度變成一套慘戲，女主角因為男主角最後選擇而做手術導致半身不遂 (開頭仲諗住一係死，一係就醫好，點知整多個第三選擇)，姑勿論外間評語認為結局使唔使咁煽情催淚，但我覺得如果happy ending既話，反而套戲唔會令我印像咁深刻。

[YoutubeHD]nfgBm4bSHnE[/YoutubeHD]

[YoutubeHD]7dYDFje7GWo[/YoutubeHD]

[YoutubeHD]jc4tAXa_klU[/YoutubeHD]

總結：雖然呢套戲唔可以成為一部愛情片既經典，但能夠令到我感動同有共鳴對我黎講已經係一齣好戲，白百何初望落講真非常唔順眼，但越後越覺得佢原來都幾好戲，仲有d氣質添 (哈哈~~通常唔太靚既女仔都形容為有氣質) ，而套戲裡面既歌亦都貫切台劇，即係幾好聽果隻同埋d歌詞亦都好切合劇情。最後好鐘意男主角同佢個fd係最尾既對話。大致上既意思係講：佢唔需要見証你任何重要既事，但只需要你重要事既時候心裡有佢已經足夠，好簡淺但幾好feel，bookmark佢先！

補充多小小如果結尾講女主角選擇做手術而已經離開，可能個感覺會無咁拖，相信影評唔會咁一面倒比人話好壞參半。