整機谷x氣

lkljason

話說老細部ip5個開關掣接觸不良邏去整，之前都問過人大約$100-150整，先達某鋪報價$250費事格價咪整囉，點知個靚仔拆部機時搞到粒電池唔知邊度short左自己發熱，整機條靚仔聲都唔聲就換左第二舊，咁我地見到咪出聲問佢做乜換左舊電，條靚仔聲稱話換果舊係原庄電，佢話唔好彩整衰舊電而家都無額外多收你錢，我老婆當時都已經谷x住，佢仲話你想換翻之前舊電無所謂，不過真係發熱有咩事就唔好，但當時都拆開晒整又唔係唔整又唔係，雖然最後裝翻好晒所有野試過都正常 (佢地話包一個月有壞包整)，但老婆都係擔心唔之換左舊咩電，最後轉頭炸炸林走去衛訊trade左部ip5s，所以以後再有壞機都唔會整，直接放左佢買過部無咁嬲！

之前聽其他forum d人講，如果過保裸去apple整都要比2k換部機，而家補2k2換部5s好過！

邊間鋪就唔開名啦，但呢次整機既經驗絕對唔好啊！

teddyng637

我自己覺得先達啲鋪整機好壞差半

lkljason

teddyng637 發表於 2014-2-12 18:20
我自己覺得先達啲鋪整機好壞差半

幾年前幫個囡整過部爆mon LG都無乜野，諗住今次仲簡單d，點知就賴晒野，寧願直接trade比衛訊比佢壓幾舊仲無咁嬲

lkljason

最Q慶就係條靚仔一路整一路同d客吹水 (停晒手)，又行過隔離鋪逗利是，比個更junior既收左幾口螺絲，之後又埋翻位叫個Junior行開接翻手，全程我地係o係度等緊，足足9個字至搞掂！

danny-2000

好壞差半!

lkljason

唔整唔知時運高，無相熟唯有睇彩數！

danny-2000

lkljason 發表於 2014-2-12 18:38
唔整唔知時運高，無相熟唯有睇彩數！

無相熟,風險大!  

lkljason

我用左咁耐電話，touch wood 好好彩通常換機都未壞！

阿定

先達整機真係好晒氣，試過幫朋友去整，佢部機落左水，Touch無反應，打算去換Mon，整番好賣左去，我都同朋友講，唔好整，當無左算，咁佢堅持，我都照幫佢去先達整，整完係用到，好正常，因為換左塊新Mon，但第二日去賣時，因為開過機，收機佬要開機檢查，咁呢個收機佬都同佢交易過幾次，而且都好合理，所以比佢開機check，一開機，收機佬就話已經發緊毛，叫我睇，我一睇，真係發晒毛，收機佬話呢d情況唔玩得耐，正常唔會收機，係因為都叫相熟，當零件收，睇下我放唔放，結果叫好好彩，放得番果維修費，唔駛蝕，仲有餐飯仔食，如果唔係一開始打算放機，只係自用，分分鐘用多兩個月就Total Lost，明知發晒毛，有少少道德都應該叫人唔好整或換過晒d發毛的零件，跟本佢地整機好求其，果一刻開得番，收左你錢，件事就叫解決左！

Kantosee

先達整機得一間信得過，大家小心d
(Post76 Android 手機版送出)