分享設定ONKYO TX-NR 5010 & SUNFIRE HRS-12過程

wadee

同各位師兄拜個年先!! 恭喜發財!! 祝大家心想事成~身體健康~

自己13年尾全面UP DATE AV器材, 買隻HRS-12回家, 用黑雞電源線和AQ SUB-X CABLE, HRS-12向前擺在右前置旁, 我先將十仔分頻設BYPASS, 相位設0, 跟住用ONKYO隻收音咪先來一次AUTO SET UP~

5010在第一次AUTO SET UP時, 個十仔後面個VOL開了不足1/4己經是75db!! 咁少就夠? 而AUTO SET UP後個喇叭設定成前置-4db, 中置-3db,環繞-3db, 十仔就0db~

跟住搵隻老變2試機, 覺得細聲, 畫面好多聲冇左, 我就教大AMP的VOL(約60), 又覺十仔冇乜料到, 甘我咪將十仔個VOL扭到1/3, 跟住一開機, 出TRANSFORMERS個幾隻英文字D低頻己令成屋震晒, 個窗花超震, 喇叭聲又濛又唔出, 好似冚住張棉被咁!! 試功夫熊貓重衰, 打拳頭交冇聲, 死氣沉沉!! 聽演唱會重大鑊, 低頻超勁!!

跟住自己不斷微調D設定, 都是屋又震, 喇叭聲又濛, 都唔知發生咩事, 咁我就上網四圍睇教學, 請教朋友, 又加Auralex Subwoofer墊，仲買埋音壓計, 又換條SOMMER 4MM電源線和QED REFERENCE CABLE~

用音壓計同用80hz mp3 FILE找相位, 相位找到約是180度, 而我將AMP裡喇叭設定前中置80hz, 環繞100hz, 十仔100hz, 用音壓計量所有音壓75db, 音壓方面前置-4.5db, 中置-3db,環繞-2.5db, 十仔就0db, 這次設定後, 好似重衰過AUTO SET UP, 都是喇叭聲濛唔出, 諧震超勁, D聲好似是發在身後!!

我又不斷研究Dynamic EQ, 細節聲音開左多左, 但環繞和低頻好多會OVER左!! 跟住又試下十仔向側牆玩BACK FIRE, 測試結果是低頻較柔和冇甘震, 但變得冇力!!

跟住我又將十仔擺番前向, 個VOL制教到向天12點是80db, 而AMP裡是十仔是-11db, 結果是冇咁震, 但整套喇叭的聲都是唔出, 好肥好濛!!

搞左成兩個禮拜, 音效都是又濛又震好唔舒服!! 重衰過之前部607!! 救命!!

最後, 朋友出馬, 試強戰世界, 一聽話背景聲冇晒, 連狗廢聲都聽唔到, 佢己知問題所在!! 即講:『D聲都好似有野冚住, 低頻在前, 音效在後, 越大聲就越辛苦!!』

跟住朋友用耳仔搵相位同調節db, 相位是170度, 和我即時用音壓計量一樣, 十仔VOL開一半以上, 而個AMP喇叭音壓設定成前置+6db, 中置+7db,環繞+7db, 十仔就-6db~

跟住開碟再試!! 一試下, 畫面聲音豐富, 應有都有!! 和之前比真是差天共地兩個世界!! 之後再調節下, 關晒Dynamic EQ, vol都是開55-60左右, 感覺完美!! 十仔勁得黎又唔會蓋過D喇叭, 溶為一體!! 終於發揮到5010同HRS-12的威力!!

再次感激朋友相助!! 令我可安心過年爆碟!!

這篇超長氣的Post志在分享自己搞機過程, 冇話邊種方法啱或錯, 要多試多聽, 書本和數據是死, 唔同環境器材需唔同設定調較佩合, 最緊要自己耳仔收貨!!

ming005

happyjoe

jason1969

Congratulation

akira11092

我俾個 Tips 你, 而家玩 AV AMP 唔好再信果隻賣幾百蚊既 "測音咪" 呢隻野其實誤導左好多師兄
將各聲道音壓一致已經係十幾年前玩 Dolby Pro Logic 年代既標準喇, 當時祇係 5 聲道系統, 現已不合時而
先將中置同後置都設為 75dB,  我問下你果隻 "大力士運輸機" 由左前到左後呢下 Surrond Sond, 似隻 "模型飛機" 多定"大力士運輸機"         
到最係睇戲果個係人, 唔係果隻 "鴨記測音咪" 如果你認為 將各聲道音壓都設為一致, 咁先夠標準其實問心祇係自我感覺良好居多
橫掂都係自我感覺良好, 咁我信自已耳仔多D咯, 部 AMP 已經送左個 mic 俾你, 雖然都唔係咩專業野, 但最少用作測距離係信得過
何必仲要幾舊水買隻野返黎搞亂自已之餘, 仲要好似查謀殺案咁 最係咪又係手動各聲道唔同音壓   

bbq1668

bigair

依家d av amp有好多變數，已唔係十年前個d，一插起就可以用啦

toysonline

sunfire hrs12  刀幾易移位、師兄要諗下点收服佢至得。

wadee

akira11092 發表於 2014-2-1 13:00
我俾個 Tips 你, 而家玩 AV AMP 唔好再信果隻賣幾百蚊既 "測音咪" 呢隻野其實誤導左好多師兄
將各聲道音壓 ...

自己乜都唔識，所以參考下人地的設定和數據，雖然每個人聆聽空間唔同，但估唔到同75db都相差好遠下～

現在完全明白什麼叫耳仔收貨

wadee

toysonline 發表於 2014-2-1 13:12
sunfire hrs12  刀幾易移位、師兄要諗下点收服佢至得。

在post內，講漏左，隻十仔我已加左吸音墊，現在郁都唔郁