如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 ryan2012 於 2014-1-27 03:03 編輯
先旨聲明, 不談政治
我對中國都有反感, 但我對中國電影絕無反感, 所以只要提材 / 演員吸引我都會睇
呢套吸引我去睇最大主力係白百何, 佢真係正到爆 
(請容許我不斷HARD SELL, 真係人見人愛, 車見車載)
故事內容主要係講一間公司, 4個人點盡心盡力咁去令一D人實現佢地一D不可能的夢想
佢地有句誓詞 : 成全別人, 噁心自己
加上睇埋預告片, 相信好多人都以為係套輕鬆攪笑賀歲片
但
呢個只係外表的包裝
實際上係一套諷刺緊中國現今社會上的陰暗面
整套戲主要有三個故事+一個好大膽的bonus結尾, 最後果個更令我有d擔心馮小剛同葛優仲有冇機會拍戲.....
先講頭三個故事 (之前有個短短地的, 幫助了解各人的工作)
一個替三名被查處領導開車的司機, 夢想成為領導, 仲要係清如水廉如鏡的領導 (p.s. 係夢想)
一個俗到爆炸的導演 (係咪借鏡王晶呢?  ) 想擺脫一身俗氣, 成為一個好似王家衛般的 ""藝術家"" 
一個心地善良的清潔工好人有好報, 可以有一天時間好似灰姑娘般搖身一變成千億富豪
實踐夢想過程中, 為左成全白日夢者 (客人) 所想所求(當然唔會簡單啦), 四個扮鬼扮馬, 攪盡腦汁, 精心計劃執埋手尾, 甚至三點色上陣色誘 (其實都無乜好康場面 ), 結果每個人都成全到自己個夢想, 亦帶出夢想有時未必如你所想咁好 / 要負出好多好多
而第一個故事更係諷刺現今中國官場風氣, 貪污互利色慾關係等, 第三個就諷刺中國的暴發, 多錢多到每日要洗幾百萬的生活係幾咁荒唐, 幾咁糜爛 (第二個故事恕我睇唔明, 仲要見到成龍, 真係乜mood都無哂 )
但前面d故事都係暗喻, 都係講D又唔講D咁道出現今中國的問題, 然而去到結尾, 工作完成後卻真正的黎料了!!! 
葛優提出今日定明日(戲內) 係一個叫 "世界道歉日", 更想推廣至全中國, 以逢人都道歉黎緩解一下人民心中的屈結, 於是各人各自向最應道歉的大自然出發!
白百何在北京向陽光向天空道歉, 因為城市的急速發展, 天空被霧霾籠罩, 空氣變得污濁
李小璐在一處山區向山坡上的樹林道歉, 以前係一大片一大片的樹林, 而家因為過度伐木而只餘下一小片僅存的樹木
鄭愷去左一個草原向草原道歉, 因為果到發現煤礦, 所以被掘至一個又一個的坑, 原本綠油油的草地變成像被磒石雨撞擊而成的爛地
葛優去到一條河附近向河道歉, 原本孕育生命, 清淨的河水被污染成五顏六色, 發出惡臭
4個道歉毫無掩飾地去表示中國急速發展的同時, 有幾多原本美好的東西被一 一消滅..............
呢個結尾真係好大膽, 我好佩服馮小剛同葛優呢種勇氣, 老實說, 要咁兜頭落中國面, 俾我係老闆/投資者一定驚
P.S. 白百何真係好鬼死靚
陳羽凡實在太幸福了!! 
|
發表於 2014-1-27 02:49
發表於 2014-1-27 10:17
樓主
