如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
小弟真係好少寫食評, 其中一個原因係POST76太多食神, 小弟唔敢顯醜, 另一個原因係小弟最鍾意食日本菜, 但係香港食到既一係貴到唔恨, 一係就唔況好食, 如果唔係就唔會年幾2年都要去一次日本食吓日本菜.....
但係今次真係唔寫唔得, 因為實在太好食, 仲要班師傅太有heart, 個人唔係食遍全香港, 唔敢講係咪全港最好最抵食, 但感覺上元朗有呢間咁既檔次咁既質素既日本料理店, 真係唔表揚下都唔得~~!!
寿司の神
http://www.openrice.com/restaurant/sr2.htm?shopid=156880
位置大約係呢度, 因為開業大概個幾月, 所以google map未update:
呢間料理店主理既四位師傅(佢地稱為四子)都係嚟自見城日本料理, 見城出嚟既師傅好多都喺唔同既日本料理店做主理, 喺質素上一定有保證, 但係佢地唔會好似見城咁貴, 又或者見城實在太出名, 你唔係名人熟客根本唔會比最好既嘢你食~~!! 
佢地呢度主打師傅發板（omakase）, 價錢由$350起, 當然你可以比個價錢佢再由佢地去發板, 同時你可以講出你鍾意食乜比師傅知. 但係小弟經驗係, 你最好乜都唔使講, 因為師傅會同人傾偈同留意你有咩反應去再因應食材去整比你食~~!! 小弟平時唔會食三文魚子, 就算去到日本都唔食, 但尋晚小弟就食咗2種唔同做法既三文魚子.....{:9_408:}
另一樣嘢寿司の神好嘢既地方就係食材, 佢地每日除咗星期日之外都有飛機貨返, 而返貨都係原條魚咁返, 小弟入去坐低之後就係壽司枱睇住班師傅點樣切啲魚, 切完又會問我地想食邊部份, 真係即開即食好很的新鮮~~!! 
呢舊吞拿魚toro拎出嚟既時候係一大舊未切牛肉咁, 我哋話想食最肥部份, 師傅就切開嚟比我地揀:
除咗魚生壽司, 其實佢地都有做好多日本料理, 你講得出佢地識整都會整比你食, 小弟話喺日本金澤見過呢種超好味既蛋卷, 佢地真係即場用咗一粒鐘整出嚟, 好味到呢......
小弟都唔係好記得食咗幾多款嘢, 我諗無30種都有廿幾種, 仲要樣樣都好食到爆炸, 手切吞拿魚容, 北海道海膽, 富山蝦, 白子....總之佢尋日有咩飛機靚貨都比我哋食晒.....
尋晚真係食到超飽, 最後師傅拎咗個蜜瓜出嚟, 切完再放少少XO上去, 嘩~~!! 真係無諗過咁樣整係好食到咁.....
我地2公婆由7點去食到10點幾先走, 飲咗2支日本清酒(有1支係師傅送既, 佢仲一齊飲一齊吹水), 真真正正既飲飽食醉, 返到屋企已經貓咗.....{:9_434:}
因為今次太開心, 我地都無比價錢個師傅發板, 總之有咩最好食就整出嚟, 結果賣單連埋酒水等等2個人食咗2千頭, 但係真心講, 好耐都無試過喺香港食日本料理食得咁開心同咁好食, 小弟個人就覺得好很的抵~~!! {:9_426:} 當然大家驚貴, 都可以點$350既omakase, 但係食材當然唔會有咁名貴既嘢啦~~!! 
下個月老婆生日, 小弟已經訂咗再去食喜之次, 正~~!! 
多謝觀看~~!!  |
[複製鏈接]
發表於 2014-1-6 11:08
樓主
