設為首頁收藏本站76Youtube 頻道

Post76影音玩樂

搜索
查看: 9758|回復: 3

[教學] Playstation 4 / XBOX One 及其它家用機 入手前需知 (Feb 2018更新)

[複製鏈接]

938

主題

9988

帖子

23萬

積分

行動組版主

Rank: 8Rank: 8

積分
234375

76 榮譽版主勲章76 榮譽VIP勲章76-FC 黑鑽石勲章76 精選榮譽會員勲章

發表於 2013-12-23 15:53 | 顯示全部樓層 |閱讀模式
本帖最後由 阿定 於 2018-11-26 10:39 編輯

作者: 阿定 (最後更新日期:2018年11月26日)

恕不接受轉貼,想分享的叫人來Post76睇就是了

Playstation 4  - 市面上有水行貨,水貨多來自美國或日本,行貨水貨均是 100-240v,理論上無需另購變壓器 (請直接查詢賣比你的鋪頭),而美國水貨除了 X/O 決定/取消是調轉外 (日版則一樣),完全沒有分別,一樣有繁中介面,BD區碼方面,美國、日本同香港一樣都係A 區,而遊戲則為全區碼,香港PS4 Slim行貨定價為HKD2380(500GB)/HKD2680(1TB),  PS4 Pro HKD3180(1TB) (除藍店外,一般Game鋪買行貨都會比定價更便宜) 如不打算買PS VR,鏡頭可有可無,Playstation 同時有提供手機App操作PS4主機,可以用來打中文,部份遊戲亦支持延伸到手機/平板的畫面作支援用途,另外亦可透過PS Vita (1000/2000/TV) 或 電腦(Win/Mac)進行Remote Play,遙距遊玩,但並不是全部遊戲都支援,需特別留意,而於街外使用4G網路Remote回家玩也是可以的,但要注意並不是每一個人的網速都夠快夠穩定及是否懂得設定Router的DMZ功能,只能當額外附加功能,官方只建議於自家WiFi (家中區域網) 環境下使用,PS4 並不直接支援 PS3/PS2 遊戲,官方已於海外地區提供雲端服務支持PS3/PS2遊戲,但個人不建議有所期望,一來要重新購買遊戲,二來無推出日期,三來香港Store(香港服務仍未上架)一向有版權問題,舊Game不多上架!

個人推薦直接買PS4 Pro,不要買Slim版,就算無4K 電視,Pro版亦會係聲畫上面有所提升,以Full HD(1080P)遊玩時亦會有不少畫面優化,如FrameRate或Object都會有所提升,而且Pro機行SATA3,換上SSD的話,載入速度比Slim版PS4快上不少
有關PS4 Pro 換 Hard Disk 減少 Loading Time 事宜

XBOX One - 最新的已經來到 XBOX One S (HKD2180 500G) 及 XBOX One X (HKD3880 1TB),S型號經常做特價,有時官網約1800已可購入,X則比較少減價,(第一代XBOX One完全不建議買,一來機能相比下太弱,二來機身相對極大又外置火牛,亦讀唔到4K碟),市面以行貨為主,好少見有賣水貨,而美版水貨BD區碼同香港一樣,均屬A區,歐版則屬B區,無法睇香港/美國銷區的BD碟,而4K UHD BD基本上是全區碼,主機界面一律可使用中文,遊戲屬全區碼,部份遊戲如NBA2K等內置中文,可到Option把Game Language轉為繁體中文,XBOX Live A/C 方面,可直接使用香港之XBOX A/C,無需再開新A/C,第一代部份套裝機有跟Kinect二代,來到最新的S及X型號,要加Adapter才能用(Adapter已停產),不過Kinect基本上已經變成廢物了,特別係不支援廣東話聲控所以不建議額外比錢購買,Microsoft同時有提供手機App操作XBOX One主機,部份遊戲亦支持延伸到手機/平板的畫面作支援用途,Win10電腦亦可遙距遊玩(Win7/8及Mac不可),XBOX One支持部份XBOX 360遊戲,S及X型號均可睇4K UHD BD碟,一樣可以玩4K畫面的遊戲,主要分別係機能強弱,簡單點想就是高階電腦和入門電腦的分別,XBOX One X 自稱係真4K遊戲,不過未出X時,S亦係自稱玩4K遊戲的,所以說到尾,都係睇遊戲公司點設計隻Game,一般新作,都係X畫面更好亦是事實,如果只係當碟機睇戲,間唔中才玩遊戲,S型號已經足夠,睇4K電影來說,兩部機功能同效果可以說是完全一樣也不過份。

第一代XBOX One 水貨的美日版為110v,需要加變壓器,而歐版為220-240v,香港使用時無需變壓器,(部份鋪頭會有原裝220V火牛賣,不建議使用非原裝火牛,因已有人試過燒機,如使用變壓器,建議500W或以上,300W都會有風險,200W等同自殺)

Nintendo Switch - 行貨HKD2340,水貨亦間唔中會見到有賣,行水都係100-240v世界牛,不過水貨多數係日版兩腳牛同埋無保養

因為Switch比較多古怪野要注意,所以獨立寫了另一篇文章,請參考 Nintendo Switch 入手前後 Q and A

舊機篇

Wii U - 香港未有行貨推出時間,水貨以來自日本及美國為主,兩者均是110v,需要加變壓器,但直至本文出街之日,火牛都是標明110v,實際100-240v,我自己就無用變壓器,新入手的或已入手的,用唔用變壓器就自行判斷吧,如真的使用,請最少使用180W或以上之變壓器,Wii U遊戲同Wii一樣,鎖區,美版機只能玩美版Game,日版機只能玩日版Game,買前請三思自己的喜好,Wii U跟機只有一個GamePad Controller,部份遊戲可單獨使用GamePad上的畫面遊玩,稱為Off TV功能,而部份遊戲則以GamePad畫面作附助畫面,Wii U兼容 Wii 遊戲,但需另行購買Sensor Bar 及 Wiimote/Nunchuk手掣

PS3  -  現在買的都是 PS3 Super Slim,PS3遊戲無區碼限制,只有Blu-Ray要跟區碼,所以買美版Game都玩到的,PS3 的 remote 係 Bluetooth的,如果要用齊Blu-Ray的所有button,只有原裝同Logitech可以做到,其它一律只能當DVD Remote用,而Logitech果個係要加接受adapter先用到的,果adapter要大約500蚊,PS Move 係類似Wii的體感,距離電視最少要米幾,SOFA太近電視的朋友要三思先好買,緊記買完機上網登記才會有多90日保養!

XBOX360 - 現在買的都是 XBOX360 Slim,有 Arcade(4G) 及 250G/320G 的主機套裝,部份遊戲要求安裝後才能玩,由其以2013年後出的大作就一定要,所以購買4G版的用戶,可能最後都係要買外置儲存設備或HardDisk才能遊玩,遊戲方面有鎖區,除左行貨Game外,大部份日版都玩到,但並唔代表一定玩到,而美版的話,大部份都玩唔到,但唔代表一定玩唔到,所以買Game時,如果唔係行貨Game,緊記多口問多句鋪頭行機玩唔玩到啊,XBox360 Slim 同以往XBOX360不同,Slim機沒有三紅的問題 (因為LED只有一粒),所以只有主機一年保養,以前的三紅三年保養已經不再適用,由於XBOX360有出貨記錄,所以無需登記保養,當然Keep單亦有著數,有時如果出貨日後即刻比你買到,主機保養的電子記錄會多過一年的,所以萬一真係過左365日死機,都可以試下登記check機,可能電腦仲係當你保養期內的,而保養一經登記,萬一要用到維修服務,必需提供登記的姓名、電話、地址,缺一不可,一律當二手機處理,並不受保,所以不建議用假資料登記,而買二手的朋友亦要注意呢一點!

Wii - 行版Wii support 日版同行版Game,美版Game只有美版機可以玩到,韓版機只能玩韓文Game,日版機同樣玩到日版同行版Game,所以除非只玩美版Game,否則都建議買行貨,行貨機有一年保養,如果都係想買水貨機,緊記加變壓器,因為日版同美版都係110v的,當然坊間有不少代用牛,但代用牛的質素係會直接影響盡面的質素,線材的大家應該比我清楚吧,而且不足火的火牛甚至會燒Display同底版的,所以我個人建議加變壓都唔好用代用,買機唯一要留意係小心比人抽起左跟機送的RESORT Game,同埋唔好比人換左假手掣,因為原裝packing無封死,無奸不成商,小心為上,跟機只有紅白黃線(480i),推薦使用色差線(480P),或購買第三方的HDMI轉接頭!

評分

參與人數 11威望 +140 金錢 +140 收起 理由
hoikei + 10 + 10 正到爆
alexming0101 + 10 + 10 非常有用資料,感謝定哥
lkljason + 10 + 10
小寶老豆 + 10 + 10 精彩報告
lego_cyris + 10 + 10
gorrick + 10 + 10 精彩報告
Raphael + 10 + 10 一定要加分
trango + 10 + 10 精彩報告
DVD迷 + 10 + 10 精彩報告
@肥狗仔@ + 40 + 40
沙煞比 + 10 + 10

查看全部評分

198

主題

1866

帖子

12萬

積分

鉑金大師

Rank: 10Rank: 10Rank: 10

積分
122400

76 榮譽VIP勲章76 精選榮譽會員勲章76-FC 藍寶石勲章

發表於 2013-12-23 22:30 | 顯示全部樓層
擁有過好多主機, 最鐘意係 Mega Drive, N64 同 WiiU
印像最差係Saturn, 當年成日都標榜街機移植, 但係畫面差幾倍

Playstation 玩左咁多年都未有吉祥物, D主題人物又成日都係古古怪怪, 失敗
xbox one 我可能會為左隻 Forza而買

1496

主題

1萬

帖子

15萬

積分

副版管

Rank: 9Rank: 9Rank: 9

積分
158629

76 榮譽超級版主勲章76 榮譽版主勲章76 榮譽貢獻勲章76 榮譽有禮勲章76 榮譽忠義勲章76 榮譽VIP勲章76-FC 黑鑽石勲章76 精選榮譽會員勲章76-FC 綠翡翠勲章

發表於 2013-12-24 13:43 來自手機 | 顯示全部樓層
精彩分享! 返去加分!
(Post76 Android 手機版送出)

115

主題

1992

帖子

4萬

積分

銀級大師

Rank: 8Rank: 8

積分
41789

76-FC 藍寶石勲章

發表於 2013-12-25 08:39 | 顯示全部樓層
非常有用,睇完再同版主通電,了解行情,Wii U ZELDA同綑版已成功入手
多謝CHING
Oppo93  -  Cary 11v HD Video Processor  -
Lexcion RV5  -  Victor SX-500 Spirit - JL Audio F110
您需要登錄後才可以回帖 登錄 | 成為會員

本版積分規則

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。
快速回復 返回頂部 返回列表