又係個句........希望愈大失望愈大.........[風暴]無劇情影評

SonSon

卡士勁，特技勁，宣傳勁，加上劉華生招牌............天機除外 ，一套據聞係計寒戰後不可錯過既港產片。但又一次證明希望愈大失望愈大既道理 。因為劉德華呢舖出錢又出力，大家可見到全片槍林彈雨，動作特技埸面係港產片講算大場面，片中劉華有幾型得幾型及永遠打不死既BODY等。但一套好既警匪片係除咗以上外更需要一份好劇本，角色要有立體描寫。劉德華既亦正亦邪，林家棟既改邪歸正，胡軍呂良偉高智慧罪犯等描寫通通只流於表面，完全感受唔到過程中既變化，由其胡軍呂良偉，除咗夠狠外完全睇唔到佢哋有幾PRO ，全片只有姚晨一角較為討好及有發揮  。至於標榜既動作特技埸面，SORRY..........頭半部還好，結尾一場中環槍戰，可用失控黎形容，槍戰啫駛唔駛玩咁大，似災難片多Ｄ喎 。氣車巴士等不斷亂撞爆炸，完全為製造官能刺激而已。加上大量用上ＣＧ作後期加工，但制作人好似唔知道我哋呢一代睇慣荷里活長大既，就算一套Ｂ級槍戰動作片都有機會勝過港產大制作，咁為何要自暴其短呢 ，所以大家見到中環場景好似一幅油畫，完全感覺係廠景槍戰失去真實感。 新手導演袁錦麟睇黎做編劇還可，初黎執導就咁大陣仗點控制到？睇黎劉德華都係做反本份好Ｄ 。

同樣睇完之前剛陽味重既［掃毒］，雖然劇本有瑕疵，投資無咁大，但整體點都好過風暴扮荷里活大片，角色失控，劇情失控，場面失控。要有寒戰既水準，花時間寫好Ｄ劇本先再講 。還有，就算睇都強烈建議大家睇２Ｄ版算了，因３Ｄ版只係多咗Ｄ假子彈橫飛，爆炸埸面火焰噴前Ｄ及白鴿飛埋身..........

ctmk

好在有CHING如實包膠，可以慳番D錢睇第二套

teddyng637

好彩未睇, 不如再揀過

lw3000

ok wow , not bad so far !!

AST(Gym)

呢套同   '掃毒 ' 真係無得比   槍戰同動作場面  '掃毒'贏晒   而且人地實景拍攝  槍戰搞到要用GC特技,就好似很無謂  "掃毒" 是一套吳宇森式的英雄片,近年難得一見,加上當中完全沒有強國口味更是難得      "風暴"雖然有點比下去但也是沒加入強國口味     二套都是給香港人欣賞的電影  值得支持

RICKYMUI

AST(Gym) 發表於 2013-12-22 21:27
呢套同   '掃毒 ' 真係無得比   槍戰同動作場面  '掃毒'贏晒   而且人地實景拍攝  槍戰搞到要用GC特技,就好 ...

絕對認同

SonSon

lw3000 發表於 2013-12-22 16:54
ok wow , not bad so far !!

各花入各眼, 胡軍被捕前還可以, 可能我係小眾個類 . 不過始終抱有期望入場呢.............

SonSon

AST(Gym) 發表於 2013-12-22 21:27
呢套同   '掃毒 ' 真係無得比   槍戰同動作場面  '掃毒'贏晒   而且人地實景拍攝  槍戰搞到要用GC特技,就好 ...

唯一要讚既都係劉華出錢出力幫香港影壇

Tomotoshi

咁睇碟算

Ken704

太期待所以好失望，劉華演技大退步，去番90年代水平，整體故事節奏有問題，相信係導演功力問題，標榜臨尾20分鐘既中環災難式槍戦其實係處理方式上有更大進步空間，簡单講浪費了，如果揾陳木勝去處理依埸槍戦相信會好多了!結論係導演控制不了依套电影就是了!