各位師兄估下呢舊係乜東東（較大的那一部）

ctmk

Tomy 發表於 2013-12-16 02:40
電源處女器 ~

電源處女"振盪"器

HOHOHO

UFO

Parco

好啦，開估啦！ 好多師兄都估岩左一半了！


無錯！呢部野，原本就真係你地所講咁，真係一部 oscillator，係瑞士度係用來幫你地果d富貴的瑞士名錶做校對調整的， 而且佢係真係瑞士貨，你地都知一對瑞士喇叭閒閒地講緊既都係過百萬。  

不過，咁同音響有乜關係呢？

當然啦，唔關音響事小弟都唔會貼係呢度啦，
個 oscillator 本身對音響係無咩用，所以呢部野已經經過大幅摩改，原本的 oscillator 有關的所有晶片、電容、插口等線路已經被徹底移除剪走。而剩返落來的就只有火牛部份及開關掣。

所以無錯！其實佢而家只係一隻火牛，不過係一隻瑞士火牛！ 係用來供 12v DC 電俾部 audio interface (ADC&DAC) 用的。係部野的火牛的 12v DC 輸出俾原本 oscillator 度勾出來俾條 DC 線再篤落部 interface 度。

入面有一隻瑞士製的 EI 牛，一堆「骨牌仔」仲有兩粒大水塘，整流器等等，仲有瑞士的穩壓器，
不過，由於再想佢如虎添翼，我同「搭棚」大師 Tony Wan 又再 parallel 多兩粒堅既大水塘上去原本果兩粒度，其中一粒仲要係 30uF 的 metal film cap，而家D水塘可以推十部八部同樣的 interface 都仲得。

有一點的確好厲害既地方係，佢電壓的確穩定得好鬼定。  規格係 12v DC out，idle 空載時錶度出來係 12.1v，平時出面有好多火牛係 full load 緊扯緊用緊播緊歌果時，如果你再係佢 12v out 對腳度再駁出來度 (即係佢接出去 interface 的 DC contact 腳 on PCB 版度再用 voltage meter 果兩支針 parallel 落去度勾出來去度) 的話，由於佢供緊電工作緊，好多時能剩餘俾你度到的電壓已經剩返 9v 左右。不過呢隻瑞士火牛，係佢工作緊 full load 緊時咁去度，竟然仲能夠剩到 11.7v 俾你度得到出來， 真係穩定十足源源不絕，瑞士的穩壓工夫果時驚人！


最後，當佢一開聲播出音樂來時，我同 Tony 兩個都忍唔住「嘩」左一聲， 空氣中的高音， 佢既低頻有時我心臟都真係幾難頂得住。   瑞士音響同工業係世界一絕，喇叭同 amp 機全世界最貴同最靚，而家總算日日都有D瑞士聲可以聽下， 正！

Parco

拆開機殼後的內部，由於所有原本的 oscillator 有關零件已經被廢被剪除， 所以這其實只係一隻瑞士線性火牛， 各位師兄可以見到很多原本的 oscillator 晶片已經被拔走，只剩下一堆堆的空 chips 座





瑞士的 EI 牛





裡面再加的補品：parallel 並上去的一件 30uF metal film 大水塘，由 Tony Wan 大師親手搭棚搭上去





另一隻 extra 的大水塘補品，及其隔離八支二極管做全波橋整流