膽機恐懼症！

beechan118

各位師兄好，其實小弟不嬲都用開avamp聽歌既，但最近就想試下挽膽機，所以就膽粗粗買左部2手既昇藝既845番泥挽下。

其實起初都冇乜問題既，但最近就間5中聽聽下歌會有好大聲嘶嘶聲，想請問下大家到底係咩問題呢？

直到岩岩想開機聽歌，一開機，每邊喇叭各自拍左一聲，因為平時吾會咁，所以都驚有事而即刻熄機，到底係正常定係部機有問題呢？

原本打算開開心心買番泥聽下歌，點知而家對膽機好似有d驚，連機都吾係幾敢開

希望大家幫幫手，我真係好苦惱 吾該大家

sealteam4

要去整整檢查一下，就咁睇你形容一定有問題，但放心膽機是有得整，甚至成部同你mod過裡面唔同哂都得
純我個人吹下
假如你唔懂電路唔識基本理科概念，唔喜好DIY ，只求百忙放工有歌聽下
請避開二手膽機 大陸膽機等需要掌握基本知識的玩法，玩返石機or 買大牌子膽機(有保養)
我就是從膽機轉返石機，我怕怕膽機的恐懼感，唔玩大陸膽又貴，大陸膽用到貴價高端大陸大廠膽，成二千幾蚊一對大陸膽半年就燒一支膽，燒一邊另一邊又配唔上膽值 ，買膽都買到怕，結果就算當時我部膽機幾靚聲玩得幾好聲都轉
結論：膽機唔係個個適合玩，但玩得好可以好好聲又抵玩

tomtomsuccess

唔驚架， 唔會燒喇叭架， 我聽聽下燒膽fuse 都燒埋， 喇叭都冇事。

可能膽死死地， 蚊晒d膽去膽鋪度度數值先啦

beechan118

吾該兩位ching既意見

其實因為上網睇話845膽機好高壓，所以我都吾敢自己攪佢，拎去比人check又重到死，又驚比人昆到一頸血，真係好煩

有時上網又見人話爆火花同出煙，而家真係好怕部野會咁，真係想放棄挽番石機算

Koss

唔係呱師兄~咁驚~？！
小弟都係岩岩跳左落呢個堅毒既毒海~！

radhk

>> 其實因為上網睇話845膽機好高壓，所以我都吾敢自己攪佢，拎去比人check又重到死，又驚比人昆到一頸血，真係好煩

師兄你講既野都係事實. 唔熟就唔好自己搞. 熄0左電部機D CAP都仲有電. 我都係唔識, 我覺得要玩一係有朋友識 (係識整果隻), 一係同鋪頭熟 (有咩頭暈身㷫都唔會被人暫到一頸血.)

師兄既情況, 無辦法, 拎出去整. 如果費用太費, 只好放棄你部二手機.

玩膽機D膽的確幾貴, 我部soundmaster入門機用得年零所有膽都燒晒. 一換就半部機既價錢.

obee

radhk 發表於 2013-12-8 08:21
>> 其實因為上網睇話845膽機好高壓，所以我都吾敢自己攪佢，拎去比人check又重到死，又驚比人昆到一頸血， ...

膽會燒? 仲要一年度? 無可能掛! 師兄的是否已經用了很多年?

zoneaudio

845屏壓1000v左右啦，是市電五倍咁上下，
我建議你唔好打開攪入面，一不小心除時可以收皮，
用幾十蚊買架車仔拖去比人整啦^^

ADA

買咗幾耐?
如果不太耐, 試試同賣家傾傾可否退回.

另一方法是拎去畀人整, 網上有位叫小徐的老實人可找他維修的.

Tomy

sealteam4 發表於 2013-12-8 02:26
要去整整檢查一下，就咁睇你形容一定有問題，但放心膽機是有得整，甚至成部同你mod過裡面唔同哂都得
純我個 ...

成二千幾蚊一對大陸膽半年就燒一支膽  <==      

我以前玩科寶,啲原裝膽用咗四年都未換過 .