如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 Hon 於 2013-12-5 01:04 編輯
 近排工作比較忙碌, 今晚決定一個人落旺角輕鬆下, 本來行過幾間碟舖都無碟啱入, 但又真係咁啱得咁橋, 俾我見到呢盒野....
大家就算唔熟佢間公司有咩歌曲/歌手都好, 但你點都會聽過心太軟, 對面的女孩看過來...任賢齊, 周華健等等掛, 佢地就係出自滾石既歌曲/歌手啦.
其實我都對滾石唔太熟識, 但一望個盒背既歌曲....
原來都有起碼一半以上係聽過同唱卡拉OK時唱過既, 好值得懷念
好啦, 講返今次隻BLURAY先
佢係2BD既包裝, 其實同黃偉文個CONCERT差不多, 但佢就將76首歌濃縮到1隻BD25同1隻BD50入面...
我無打錯, 你無睇錯, 的確係76首歌, 比YMAN個CONCERT出BD時仲要小一隻BD.
如果大家有睇/聽開BD CONCERT既話, 應該都有一個同感, 就係...盡好就唔好換碟LA, 一口氣唱到尾, 咁就好有現場FEEL LA, 所以今次呢隻只係用2隻BD就裝晒, 對我個人黎講係賣點之一, 再加上包裝精美, 同埋仲要有呢個咁窩心既貼紙....
可能好多人話..."車, 貼紙一張加句老土說話等你買咁解啫", 無錯, 的確好老土, 但講真尤其是台版碟既CONCERT, 佢地對呢方面都好細心, 整個感覺就等同睇現場聽到歌手問同大家講"多謝大家黎睇今次個CONCERT"一樣咁鼓舞, 希望港版可以用黎作借鏡就好啦
跟住就開盒....
除左畫冊外, 首批限量仲送多個紙膠帶, 裏面寫左....
"加入滾石, 創造歷史"
好有霸氣既一句說話
接住落黎就係睇下裝碟既包裝LA....
打開後...
再打開後...
雖然入面無話歌手既圖案, 但用黃色既兵乓波再寫上30呢個字後, 再將一整堆影出黎既效果的確一絕, 好靚.
至於畫冊方面我特登唔影既, 如果大家鍾意既話就去入返套, 慢慢欣賞同回味返以往歌手既風采同靚樣.
價錢上就一定係4張紅衫魚以上, 平貴抵唔抵值唔值就見人見志啦, 不過我想加句個人意見, 就係CONCERT唔同電影, 最好就唔好將佢雙提並論啦.
今日未有時間開黎欣賞呢個CONCERT, 希望黎緊呢兩日可以聽到就好啦.
多謝大家欣賞.
下次再買到好野會繼續出POST同大家分享.
|
發表於 2013-12-5 01:02
樓主
