|
|
樓主 |
發表於 2013-11-27 22:00
|
顯示全部樓層
第一次寫報告, 由於係超新手, 我只係講出個人感受, 有錯請指正.
諗左幾個月，終於把心一橫一次過買左 YAMAHA RX-S600 + Scandyna Cinepod + Scandyna Minipod.
眼見d AV amp咁大座，香港彈丸之地邊有咁大地方玩丫，咁啱睇Yamaha新出呢部d Amp, 簡直係為我度身訂做出黎咁, 乜鬼功能都有, 勝在夠曬簿嘛(111mm / 4-3/8")
計埋尺吋去IKEA買的電視櫃, 未買Amp時都擔心放唔落, 因為傢俱睇spec總會有少少出入。買完放入去剛剛好，正!
再睇睇Scandyna呢個咁得意嘅Speaker(主要係因為cute先會得到批文)
前置係一對屎，中置係一隻猫頭鷹, 外型趣怪有攪笑, 三件野共4個5" speaker, 在一個120"空間內應該卓卓有餘....掛
你會問我點解冇subwoofer和後置, 因為錢囉，冇錢冇得講.....或者過多兩三個月回回氣可能會加對micropod.
同埋我唔想後面多左一對speaker架，又或者係鑽上牆(地方係租的，要外露線我覺得唔靚)
subwoofer因我本身有的12" 8 ohms 400W bass-guitar amp頂住先(http://www.markbass.it/product_detail.php?id=97)
線材就用鴨記10蚊尺的線, total用左15尺, cut頭cut尾再直插入去, 冇用咩蕉插呀果d pro野.
攪左半點鐘，終於駁好曬所有野, 而我用的電視係Sharp LC-46LX540, Player用Sony S5100,
以上都係冇3D效果，是關我地都唔太鐘意3D的, 就萛去戲院都會選2D優先. (原來冇3D....會平超多)
小弟本身係玩音樂，對樂器音色要求都幾高，雖然我個headphone只係幾舊水（因為我太粗用用半年左右就壞一邊）
所以我估我都識聽.....掛....haha攪笑!
言歸正轉~
一按power制，有"卡"一聲，我心諗好型喎，好pro，正喎，乜都抵曬(真心的),
之後反而先按radio制，因為之前聽講過話呢D amp播收音機會好清, 但....唔識tune,
諗住睇說明畫，得幾頁紙加隻碟...但我部macbook冇rom喎，咁我試下放入bluray機, 又read唔到 (=_=)
chur....上網咪有Manual囉, 攪左成10分鐘原來先要auto tune一次先.....成功！
聽903節目，嘩一聲，乜果D DJ把聲咁實，鼻音又低，笑聲立體，拍手聲直頭好似喺你面前拍咁。
節目之後播D歌，好似真係聽緊CD咁，完全唔覺得係聽緊收音機。(100分)
手頭上的Bluray只有Les miserables, 荒失失奇兵1,2,3, 東京事變3隻bluray演唱會, CD得幾隻都係久石讓和陳奕迅。
高音: 先試東京事變演唱會....林檎把聲都萛尖音，對Scandyna都真係唔錯，比起平時在band房聽的，有set yamaha monitor好，可能RX-S600加左味精掛。(80分)
低音: 再聽聽龜田d bass聲, 如果以一對喇叭黎講都萛厚(現在試的冇用bass amp), 如果加埋bass amp or subwoofer應該會再實d (50分)
環繞: 始終冇後置係試唔到，不過Yamaha amp佢內置好多preset俾你, 其中一個"Hall in Munich" 又真係有d 在hall 嘅feel, 回音比較大, 所以睇呢隻演唱會就最啱feel (80分)
唔覺唔覺，睇睇下又試下d function咁就坐定定睇左半個鐘, 果然音響的質數好壞對影響觀眾睇影片的投入成正比，我覺得已經值回票價。
再試Les miserables，第一眼看上去....乜清過戲院咁多嘅，再睇開頭果part，高清立體感强再加上3隻speaker好出, 而我又開到好大聲，真係好鬼震撼。(80分)
之後緊係即刻飛去唱"I dreamed a dream"果part, 嘩一聲，再加上感動，毛管都起曬，聲音好透，D聲好似分左幾層出黎咁，中高音都好實在，又係好似喺你面前唱咁，咁得彈。(100分)
再用macbook試airplay, 非常好用又方便，本身重諗住買對好d 嘅藍芽喇叭用，而家唔需要了，正！(100分)
試用iphone yamaha apps去控制，可以播放iPhone上的mp3, 又係好實用，
後記：用了幾日，感覺部amp好實用，而家主力係聽收音機多過睇電視，訓覺時或上班前用apps關機，感覺好型冇得輸。
有幾位朋友上過黎新屋坐，對Scandyna的注目度係100%, 聲音又實又正，外型又特別，
當然呢個水位可以買到更多更好的喇叭組合，但我覺得俾人話"好攪笑喎"乜都值返曬，而且佢的確係唔差喎。
寫住咁多先，日後再加上後置之日，再給大家一個報告吧！
|
|
[複製鏈接]
發表於 2013-11-24 10:25
