次世代主機售前最終銷量預測: PS4 大勝 XB1

@肥狗仔@

仲有一日SONY的次世代主機PS4就會於北美地區發售。全球最大訊息策略公司IHS的電玩部門主管Piers Harding-Rolls最近就發表了該公司對次世代主機最終銷量預測。預測結果顯示在2017年PS4的全球銷量將可以輕鬆擊倒XB1。

Piers指出，截至本年年尾，PS4將會售出240萬部，而XB1則售出220萬部。但基於北美地區比較鍾情XBOX品牌，所以報告亦預計最終XB1仍然可以稱霸北美市場，PS4就會在歐洲等地持續領先。

最後到咗2017年尾，PS4全球銷量將有4900萬，而XB1就預計只會有3800萬左右。至於兩頭唔到岸嘅老任最新主機WiiU，Piers表示WiiU的人氣低迷將會進一步刺激PS4及XB1銷量上升。而擁有Wii的玩家亦傾向保留家中的Wii而放棄購買WiiU。

就喺上星期SONY向外宣佈PS3已經在售出超過8000萬部，以比起對手遲一年發售的前題下力壓X360。證明PS品牌在世界各地仍然有非一般的影響力及知名度。黎到次世代，喺XB1一連串黑仔的遭遇下，PS4又能唔能夠進一步將兩者的距離拉開，並重奪北美市場寶座呢?就等我地拭目以待啦!

RiceR9

以前D獨佔game好多已經兩邊出{:9_436:}
其實玩邊部都已經冇所謂！，
對我黎講xbox介面親切易用D{:9_409:}
唯一最想知，係kinect 2有可以有幾勁

teddyng637

兩間公司都鬥餐死, 對玩家都係好事

good88690

想當年ps3出既時候, 全世界都預測佢死更, 又貴, 獨佔game都跳船...................... 預測到佢玩唔到一兩年就要出ps4.......................

呢d專家同財經佬一樣.................


利申:已訂ps4

nicebeebee

我估PS4-WIN!(我都已訂ps4 )