[碟評] 李克勤 – 紙牌屋

alanchu

克勤出E隻碟時, 我剛巧考完試, 考完即刻去買, 一聽就不得了! LOOP左兩星期先捨得轉碟. 可能E隻係EP 所以今次隻碟其實幾完整, 一隻係希望大家可以盡力去維繫感情; 第二隻係大家都到了一個不能不分的階段, 但憧憬將來可以再一齊; 中間嘅係描寫知道過去夢中情人要嫁人, 心情起伏; 尾二係鼓勵別人唔好放棄希望; 最後一隻係叫人努力向前走 但要小心同唔好過份樂觀.  E隻碟其實係有心以2-1-2黎做篇排.  個人幾欣賞花左這張大碟上的心思

成隻碟都好好聽 曲詞俱佳, 頭3隻歌拎黎做主打都無問題, , 幾乎可以肯定克勤又會多兩隻滄海遺珠. 剩餘兩隻亦係耐聽之作, 反正係EP 所以今次五隻都會下評語:

紙牌屋: 歌詞係講一對夫婦過左甜蜜嘅新婚 兩個人開始有磨擦, 生活上亦開始遇到問題, 希望大家可以努力再一次去維繫, 再繼續努力, 有一種”百世修來同船渡千世修來共枕眠”; 第一次聽覺得平平無奇 但再細心聽將一串歌詞唱出節奏並唔容易 感情投放亦足夠.  

請你不要難過: 兩人曾經熱戀 但最後都要分開; 今日我同你要分開, 但我仍是十分愛你, 如果可以的話, 將來我想再同你一齊, 就算分了手亦希望可以繼續關心你, 如果有一日大家都更加成熟, 希望可以再喺埋一齊, 希望下次是結局.  克勤將E種不捨同憧憬好好咁表達出黎.

探花: 知道夢中情人終於嫁人了, 心想當年究竟有沒有機會呢?  心中一直把她放在心中的禁區, 但最後發現, 身邊的她和她就是當年的她, 自己一直未有放低. 一隻歌將愛情的甜,酸同苦都寫同唱出黎, 林夕同克勤都應記一功

生活大爆炸: 未來仲喺自己手上, 放棄係容易, 但仲未到放棄時候. 就算到了絕境也不一定沒有出路, 就算前無去路, 都要用自己雙手去炸一條路出一條路!  其實唔係好識表達 總之唱得好聽 聽完亦有被CHEER UP嘅感覺

前進: 第一次聽其實覺得同隻碟好似唔太夾, 但如果連續聽 其實個感覺同上一隻<生活大爆炸>係有連繫, 隻碟用生活大爆炸將隻碟由抒情慢歌轉去一隻動態強烈嘅歌, 心思並無因為係一隻EP而求其交差, 隻歌唔係叫你心口掛個勇字去送死, 反而係希望對方一步一步腳踏實地咁去行, 為自己打出一片天.  邁步向前時亦要為失敗作打算.  同合唱團合作加上編曲都係特別, 克勤同合唱團分工亦做得好, 可能有人覺得編曲唔得, 唱到好似國歌咁, 但合唱團應該都幾難唱到紙牌屋.

最後, 個人都係覺得聽CD比聽SOFT COPY好, 因為可以一首一首去細心品味一張唱片嘅制作同心思 (我聽SOFT COPY時多時都唔係順住聽 有時又飛下歌咁)

原文
http://homekyo.wordpress.com/201 ... %E7%89%8C%E5%B1%8B/

iiaabbcc

睇完你個碟評好衝動想去買返隻試聽下　（本身係重度祖兒 泳兒迷)

alanchu

iiaabbcc 發表於 2013-11-17 02:34
睇完你個碟評好衝動想去買返隻試聽下　（本身係重度祖兒 泳兒迷)

我係重度克勤迷
希望你中意e張唱片
(Post76 Android 手機版送出)