廿年既音樂雜誌~全部去晒循環回收

takeishi

  在某天 ~ 因工作的需要. 行經觀塘的工業區, 兩眼無意地看到馬路邊的一埋舊雜誌.
嘩呀下~  眼前一亮呀. 竟然全部都係RECORD COLLECTOR音樂雜誌黎架.
全部齊晒咁多期. 我求其番起幾本黎睇. 全部都係199幾年既雜誌. 不過睇左一陣已經有人想問候我啦.
所以都唔敢再睇啦.  即刻Whatapps俾個朋友睇下啦. 諗住問下佢要唔要. 要的話我諗辨法問下佢賣俾我得唔得啦.
不過最衰就係, 當時我又無準備亦都唔可能拎到咁多本舊雜誌走. 而且我朋友做緊野唔得閒覆. 最後我朋友見到
話好想要既時候已經事隔2個鍾頭, 於是我就卜番落去睇下重有無啦. 唔駛講~已經去晒廢紙機摺碎晒準備送去循環回收囉.
唉~廿年既音樂雜誌. 就咁就.........付諸流水.

   我只有這本, MADONNA 封面這本. 以前沒有上綱的資訊時候. 要知道音樂潮流同埋最新動向呢.
都係要靠呢D音樂雜誌先知道世界各地既收藏. 呢家當然唔駛啦. 所以好多音樂雜誌都生存唔到啦. 只有呢本RECORD COLLECTOR 還有發行至今. 已經算是奇蹟架啦.














  嘩~ 成車都係呢本RECORD COLLECTOR舊雜誌. 呢度只係一部份昨.
我眼見起碼有百幾本呀. 拎起左幾本黎睇. 全部都係199幾年既野. 成廿年前. 即係話呢度無廿年都有十年既音樂雜誌呀.
真係唔知邊個掉出黎既呢. 佢又捨得唔要和.





  唉~點講都無用. 本來我想拾晒佢地架, 但因為實在太多. 而且. 都唔知人地俾唔俾我買.
最後呢批珍貴既音樂文物. 下場就係.............咁樣囉.  循環再做.

nikenike

可惜可惜.....娜姐永別喇 !

文次郎

垃圾都係寶，真係個人需求！

jcttt

垃圾只是因人而言，有D垃圾對某些有興趣啲人而言，其實喺寶黎架！好似絕版CD都有人當垃圾掉呀，我都執過啦！