請教電源線問題~

Koss

請教閣位師兄, 如果用係AV amp, 電源線係單支銅好定係散苾好?
小弟都明白唔能夠單就呢兩樣去比, 但只係想搵個方向去考慮...

Flagson

D樣野講唔埋噶喔，如果AV機噶話優先選擇線心橫截面積大噶線，其實單心線同多心線都繫有風格差異，以下只係我個人觀點，單心線偏向結實，中低頻會比較食力，多心就偏向兩頭，低頻超低頻會霸氣D，上頭就飄逸D，總o既黎講，前者樸實，後者華麗，希望對Ching你有幫助啦〜

bd727049

認同2#回复

ropresident

其實要睇師兄套器材同環境而定.
因為單支既聲音偏向中低頻, 而高頻伸廷多數唔夠散花好, av amp又係需要平衡, 缺一不可既器材, 所以小弟建議用散芯好d.

不過唔同牌子有唔同取向, 可以好大差別, 師兄事前最好做多d功課先買, 以免後悔.

Koss

ropresident 發表於 2013-12-18 14:38
其實要睇師兄套器材同環境而定.
因為單支既聲音偏向中低頻, 而高頻伸廷多數唔夠散花好, av amp又係需要平衡 ...

咁想請問師兄比拖板用單支係咪會好D?
力水好D係咪適合D??

ropresident

Koss 發表於 2013-12-19 22:44
咁想請問師兄比拖板用單支係咪會好D?
力水好D係咪適合D??

我個人認為拖板電線係非常緊要, 因為以後既機可以有幾好發揮, 都好睇佢既表現.
問題係要有質素定有力度, 呢樣真係要取捨.
但係有時力度會因為聲厚左而有錯覺, 所以單支比人好好力既感覺, 但事實上有好多散芯既線都可以好好力.
有分析力, 高低頻伸廷, 空氣感, 細節......得黎, 又唔會失去力度.
因此小弟覺得應該用一條貴少少既散芯線會係較好選擇, 而且一步到位可以免除日後換線既煩惱同金錢and精神.

Koss

ropresident 發表於 2013-12-20 09:25
我個人認為拖板電線係非常緊要, 因為以後既機可以有幾好發揮, 都好睇佢既表現.
問題係要有質素定有力度,  ...

多謝師兄分析同解答~
咁小弟長氣問多一條, 呢條拖板線如果得果兩尺甚至一尺, 又怕唔怕太短?
因為線實在太太太太多! 櫃籠真係爆得七七八八九九十十~
而且拖板唔會郁, 就係牆蘇下面...
買靚D既話短D重可以節省小小
係咪可行呢師兄??

ropresident

Koss 發表於 2013-12-20 15:04
多謝師兄分析同解答~
咁小弟長氣問多一條, 呢條拖板線如果得果兩尺甚至一尺, 又怕唔怕太短?
因為線實在太 ...

唔緊要, 多發問係代表師兄你有真正思考過問題, 知道產品既分別, 咁係好事黎

小弟剛剛開始玩既時候, 條拖板線都係得1.5尺長, 質素上同5尺既唔會有好大分別的, 只可以話少左果條線既味道/質素轉變.
好聽既就話直接左, 中性d. 唔好聽既可以話得物無所用, 發揮唔哂條線既優點.

其實電線同其他線材唔同, 理論上無訊號線/喇叭線過長而有好多既訊號流失; 反而一條好既線, 小弟覺得係可以做到還原更多應有既質素, 令之後既電器受惠, 所以電線正常情況下都有5-6尺長.

而師兄既想法理論上可行, 但實際上有幾大分別, 就要睇其他線材同器材而定啦~~~~ 始終一套器材係計整體, 而非單一~~~~

不過線材太短, 一定影響換位既可能性, 同埋2手承接能力, 師兄最好考慮清楚, 免得因小失大.



以小弟家居環境同器材既表現, 電源線之中以拖板線影響最大, 其次係CD機.
因此小弟建議師兄都係投資大D落條拖板線到, 始終一個拖板都成4-8個位, 真係一家大細靠哂佢.
最好就6尺長, 一步到位, 減少日後升級而買賣既損失, 又可提升享受質素同時間, 好好享受音樂吧~~~~

Koss

ropresident 發表於 2013-12-20 17:01
唔緊要, 多發問係代表師兄你有真正思考過問題, 知道產品既分別, 咁係好事黎

小弟剛剛開始玩既 ...

多謝師兄詳盡教路~
小弟而家其實用緊ww金色果條係拖板, 3尺長
因為想張呢條free出黎比部膽合併用
所以就心思思想整條短短地再靚D既比番拖板
本身都重有條ww既銀色比avamp...呢條4尺...
如果師兄咁講, 真係要轉落去比部bdp試下先得...

ropresident

Koss 發表於 2013-12-20 17:24
多謝師兄詳盡教路~
小弟而家其實用緊ww金色果條係拖板, 3尺長
因為想張呢條free出黎比部膽合併用

反正有係手，試下無妨，又唔洗比錢