請教擴音機與喇叭配搭的問題！

hin5509

話說小弟一年前入手p記lx86擴音機，用左五個月左右便出現了問題，剛看完一部片後突然嘀撻一聲關左機，面板燈閃下閃下，
咁之後當然係去著番部機睇下咩事，無幾耐又嘀撻關機，三次自動關機後便不能再開機，只有那mcacc燈閃下閃下，按什麼都無反應，
咁只好入廠維修，維修完話幫我reset左部機，跟住用到幾曰前又發生那情況，又係三次後便lock左機，打去p記同個師父傾，
佢話應該係我d喇叭火數不對，導至部amp over loading而cut機，佢話睇番上次記錄我部amp有過載記錄，
我真係唔明白，我用過好幾部擴音機都未壞過，d十多年舊amp而家都重係正常運作，
反而依家d新款amp咁低能，咁新款既amp竟然不能適應匹配d喇叭！
講番部amp，4歐輸出每聲道係250w，6歐係190w，8歐係140w
小弟用緊既前置係b&w 603 s1，係8歐(最低4.3歐)，8歐負載25w-120w
中置係b&w cc6，8歐(最低6.4歐)，8歐負載25w-120w
側環繞係misson mv-ds，8歐(最低5.6歐)，25w-100w
後環繞係jamo a102，6歐60w/80w
前環繞係b&w ds6，數據暫不清楚
想請教各位師兄師姐！小弟的喇叭是否有問題！？
那師父說如果以6歐喇叭計，要找190w以上才可以，是否真的要如此？？
唉！保用重有幾日到期，今次整完返黎再係咁都唔知點算好...對p記無晒信心了...

billy3310

既然師傅都甘講

ching都應該好安心甘換機加轉會

bigcow_li

ching, 我都遇到同樣問題，我係用lx85，5.1 front speaker bi-amp setting。之前睇睇下《白宮淪陷》，係一幕戰機轟炸就突然自動熄機。再開返機之後，大聲少少就會自動熄機。

我自己試過攞其他戲試，一d之前冇問題的戲，用返一路用開的音量去試，都會自動熄機。咁我就再逐條channel試，試出右前行bi-amp，大聲就會熄機，其他channel冇事。再試落去，用右前輸出插去左前喇叭，都係行bi-amp，又係跳，咁即係一係左右前喇叭一齊有問題，一係就部amp的問題。再試，淨行返5.1唔行bi-amp係冇事的，大聲都唔會熄機，咁我就覺得係右front high呢組輸出的問題。

咁我就拎去整，擺低咗2個星期，師傳check完話check唔到有問題，又係話有record overloading，可能對喇叭燒咗 (我對前置spec係寫8ohm 150w的)，又叫我唔好行bi-amp。咁好喇，拎返去，唔份氣，都係set front bi-amp，係mcacc setup度出test tone已經熄機。唉，咁我放棄了，set返5.1唔bi-amp，冇事。

本來都諗住算了，接受現實，唔玩bi-amp，但係第二日一開機，右前明顯地細聲很多，又試下用右前輸出接左前喇叭，一樣係細聲，左前輸出接兩邊喇叭都冇事，正常音量，咁即係唔係喇叭問題，係右前輸出問題，又拎返去整。師傅用佢地對喇叭即場試，又冇事喎，吹脹... 咁都照擺低俾佢check，過咗個一個禮拜，就打嚟話係右前輸出接觸不良，維修咗。

成單野前前後後搞成個幾月，拎返後都未得閒搞，唔知仲會唔會自動熄機，亦唔知到底係lx85的問題定係喇叭的問題。我係用蕉插的，應該唔會係接觸到後底板短路。我木耳聽一對前置，又唔覺有異樣。

我都好想搵到問題所在，請各位大師指點！

hin5509

bigcow_li 發表於 2013-10-31 17:51
ching, 我都遇到同樣問題，我係用lx85，5.1 front speaker bi-amp setting。之前睇睇下《白宮淪陷》，係一 ...

師兄，你都算好過我了！你不會熄三次便lock機，都有機會去試問題，
我部86熄三次便lock機，想試都無得試！！
上黎收機的都暗示話都收過好多部這系列既機入廠，亦話有客投訴，
聽聞都係無故熄機同開唔到機，而家多了師兄你說也有同樣問題，
我更加深信問題不在我這邊了！
有乜理由佢部amp出190w便要用190w以上既喇叭先用得咁低能！
如果係我d喇叭難推而令部amp頂唔順而熄機我就無話可說！
市面普遍規格既喇叭話唔用得真係無法接受！
咁師兄你上次維修後到現在已無再有那問題了嗎？

hin5509

諗諗下都係覺得不會係喇叭問題，
第一，係喇叭有問題的話為何睇成套戲都無事！
第二，我兩次熄機問題都係剛好睇完套戲後在靜止狀態時才突然熄機！
第三，再開番機後不久又再自動熄機，(說可能是溫度過高都可說得通)
但個師父說是喇叭頂唔順而熄機真係點都唔順氣！！
保用又到期，整完翻黎都唔知用唔用好...

bigcow_li

hin5509 發表於 2013-10-31 22:48
師兄，你都算好過我了！你不會熄三次便lock機，都有機會去試問題，
我部86熄三次便lock機，想試都無得試 ...

第一次拎去check，師傅話check唔到有問題，乜都冇整過就拎返，師傅話應該係係喇叭問題。
師傅話佢地係攞d儀器去check 每條channel嘅output power，我部機佢地check果時音量已經開到+12，都冇熄機，所以check唔到問題。
第二次整完，未有時間搞，不過我都唔敢抱有乜野期望…其實我到宜家都唔肯定到底係amp嘅問題定喇叭嘅問題，但係我不專業地自己試，試出嚟令我覺得係amp嘅問題，但係師傅又話部機冇問題，咁我唯有信…

hin5509

bigcow_li 發表於 2013-10-31 23:12
第一次拎去check，師傅話check唔到有問題，乜都冇整過就拎返，師傅話應該係係喇叭問題。
師傅話佢地係攞d ...

我諗我整完翻黎都唔會有咩好結果！
最討厭係熄三次會lock機！一定要返廠才能reset！
師兄你部85不會lock機的嗎？

bigcow_li

hin5509 發表於 2013-10-31 23:32
我諗我整完翻黎都唔會有咩好結果！
最討厭係熄三次會lock機！一定要返廠才能reset！
師兄你部85不會lock ...

我又未試過lock機

gikifk

bigcow_li 發表於 2013-11-1 10:07
我又未試過lock機

唔怪得先峰D机賣得甘平喇，跌價又快

YYSKY

gikifk 發表於 2013-11-17 11:56
唔怪得先峰D机賣得甘平喇，跌價又快

佢地啲維修好唔掂，我部55都有同樣待遇。

呢種情況換轉HP，Canon會換底板，傻問題好難攪的