旗袍

Raphael

第一次影model都有咁既質數，無得頂喎！
lkljason 發表於 2009-8-6 09:23

嗰位 model, 真人靚過上鏡.....不過佢收費都真係幾甘...........

Type-R

靚靚, 師兄可否分享影人像相既心得呀. 例如用乜測光模式多???

Raphael

其實都無乜所謂 "心得".......
通常, 小弟影相多數都用 manual white balance, 戶外多數用 6200k (影 raw, 返到屋企一次過調較 wb)
步驟會先用 view finder 中間個 area, 對住全幅構圖中最想突出既部份 (或眼睛所見, 光度最中性既部份), 測咗光先, 然後用曝光鎖 lock 住佢
之後就變焦 > 對焦 > 修正構圖...........同其他師兄影相既方法差唔多

其實可能師兄發覺, 小弟今次呢輯相同先前 post 出嚟既幾輯, 有少少唔同
呢輯相比較近期, 小弟變得傾向於以 "光" 嚟突出重點 (而家, 多數影友都會傾向於以取景角度嚟突出重點 ; 小弟呢一方面有少少唔同)
所以, 小弟有時會注意多一樣野.........就係如果小弟想突出 model 某個部份, 但偏偏嗰個部份並非整個構圖之中最光的話, 就會用 反光板 / 閃光燈 / 手提燈箱 補光, 或者索性要 model 改變姿勢, 盡量令該個部份成為構圖內面受光最多既 area...........咁樣, 當人地睇到張相時, 就會比較容易將注意力集中喺嗰個部份, 同時小弟亦覺得, 咁樣影出嚟會較有立體感

不過以上只係小弟最近所 "希望" 做到既效果而已........小弟仲未可以話完全掌握得到呢個方法

Type-R

首先多謝師兄無私既分享, 乜影人像原來要注意咁多野家. 真係要多多向師兄學習.

hklin

Nice photos!