一個很特別的家訪

Einstein

勁人, 勁機

pinkspider

今次真係要多謝pac兄的邀請，可以參加到呢個咁正嘅家訪。


首先個場地已經贏晒，正正方方400尺嘅獨立影音室，全9.2都有十足嘅空間放於黃金位置，場地仲要遠離住宅，真係點爆都冇問題，呢個環境因素已經贏晒！！


AV方面，138”2.35:1 嘅孤形幕真係好正，令電影感提升，令大家可以好投入咁睇每一套戲。另外咁大地方嘅低頻都可以做得好好，完全包圍成個影音室，呢道真係多謝pac兄嘅特別安排，預早一日搬隻120磅嘅DD15+嚟令是次家訪生色不少 ，仲要多謝4位壯士嘅搬運同調教！！



到2ch 方面，pac兄特登一早攞部MF前級嚟真係唔話得，配合金仔後級推一對802D，高中音同空氣咁都做得十分好，好耐聽，大家都好陶醉嘅欣賞音樂。


比較3部501嘅分別都幾大，原版冇摩果部就完全平面，無論音場，結像同高音伸展都比下去 ，學bigair ching 話齋，摩改版同原版分別有50%以上改進，睇嚟摩改嘅501係冇得走架喇..... 另外改咗鐘對比有限改裝嘅501都有一定嘅分別，總之呢部501真係越改越有！


到馬仔頂級cd player 改鐘501 比，只能說一句科技日新月異，新解碼都贏得好輕鬆吓...


最後，真係要再次多謝戶主嘅熱情招待仲有同咁多位師兄嘅交流，又下午茶又有靚紅酒，好快樂又充實的星期天，希望好快又能同大家見面！！

giseegoobi

我首先要講一件事，呢個post 係呃人既，主題跟本錯晒，絕對唔係家訪post,果度係一個超級夢幻影音室！試問邊有一個屋企會有咁既設備，試問有邊一個影音室，有咁靚既紅酒咁正既食物同咁好招呼！主人家又熱情，又好客！首先要係到多謝主人家昌哥招呼，再多謝PAC大師攪個咁正既節目，更加多謝一班會員早一日去辛辛苦苦去做setting 搬野為我地鋪路，我地先會玩得咁開心果引！講住咁多先，晏d再講影音！

pac

pinkspider 發表於 2013-10-21 17:04
今次真係要多謝pac兄的邀請，可以參加到呢個咁正嘅家訪。

睇黎要玩501就要改硬架喇,我十分同意師兄的分析,第一次接觸這部改鐘後的501,感覺力感足,分析力及層次感都很好,音場闊,人聲很明顯前左,各樂器分得清清楚楚,在這個影音室中更甚.

pac

giseegoobi 發表於 2013-10-21 17:12
我首先要講一件事，呢個post 係呃人既，主題跟本錯晒，絕對唔係家訪post,果度係一個超級夢幻影音室！試問邊 ...

我禽日見倒你腳浮浮咁喎！ 系咪飲左好多靚紅酒先

chhanthony

嘩!!!超正嘅環境

hit87761

正過好多戲院多多聲

kifflau

三個字講晒 , 冇得輸

tst123

小弟亦有幸參加這個敘會，多謝PAC大師的安排及主人家昌哥的盛情招待。


主人家的環境一等一，空間不止400呎而是500多呎(實用面積)，最難能可貴便是主人家放棄全海景而放置大銀幕。主人家的高燒情度可想而知。

小弟去家訪大大小小數十次包括國內行，以video層面，這次絕對是No. 1，可与AV show 的demo 比美。

效果方面，以上師兄都已詳細報告，小弟冇墨水，不再補充。

會後，相信主人家又會大灑金錢，為器材升級。

bigair

pac 發表於 2013-10-21 17:28
我禽日見倒你腳浮浮咁喎！ 系咪飲左好多靚紅酒先

環璄咁好，飲多兩杯都唔奇