呢度我應該比較新仔後生 , 第一隻買的碟都係九幾年...
個時真係仲係小學雞...一日在電台聽到一首歌 "男人不刻讓女人流淚" , 個時第一次聽的感覺真係如你在沙漠中絕望的時候 , 見到一支...冰凍可口可樂 , 超正 , 好易入口 , 個時仲唔太識蘇永康呢位歌手 , 只記得之前佢唱了一首從不喜歡孤單一個紅過 (想到十幾年後呢隻歌又hit番)
蓄了二星期 , 蓄到一舊水零用錢 , 第一次去買唱片 , 我仲好記得個時間野在屯門錦華 , 現在執了 , 好像變了賣電器
請問有冇蘇永康唱片 ?
你要佢邊隻啊 ?
邊隻有男人不該讓女人流淚呢首歌
個sales隨手拿了隻....
呢隻吧...新出
印象中忘了幾錢 , 買碟後立刻回家聽
第一次聽 , "主打歌"當然好聽啦 , 其次how deep is your love , the one you love , careless whisper呢三首都好正 , 其餘歌曲都好好聽 , 反正第一次聽已無跳歌 , 一碟聽哂
之後基本上日日都播 , 至今仲有開黎聽 , 聽到花哂了 ~
隻碟影響都好大 , 例如令我喜歡買歌手 live的唱片 , 同時因為隻唱片有一半有口水歌 , 也令認識george michael , bee gees , 伍佰等歌手
仲有一樣影響 , 就係令我媽都喜歡蘇永康 , 可能真係日播夜播的關係 , 佢最鐘意首 the one you love
我買呢隻歌後幾個月吧 , 蘇永康突然一首愈吻愈傷心爆發 , 個年佢真係好勁呢
之後都有買番他的新/舊唱片聽 , 最鐘意都係男人不該女人流淚 , 其次係從不喜歡孤單一個 ~
呢隻係我第一隻買的唱片 蘇永康 --- Live So Nice ~
|
發表於 2013-10-20 21:40
.. 真係撞野, 原來呢張唱片封面係無陳百強大頭相, 嚇死人咩 
好彩問左店員, 不過買左番去都仲有 D 驚, 因為真係無陳百強張相, 好驚比人老點買左老翻, 最後交左比堂大佬, 佢收貨, 咁成個人先鬆曬 
..
