分享一下小弟的家用系統(新手) 21/10更新part2一半

loadinglove

系統

以下所有比較 都係以同價位的設備作對比

ultrasone pro2900(單端)：

ultrasone pro2900

pro900可能好多師兄都試過
我都出過小小的試聽心得http://post76.hk/forum.php?mod=r ... 9&fromuid=80368
但係pro2900真係係香港唔常見 所以我都講下啦
目前我的2900買左3個月 幾乎日日聽幾個鐘 我相信已煲好
先講素質方面
分析力. 當然好 有些錄得差的碟真係聽得好痛苦 但當搵到好的碟 真係乜都聽到 每一下打鼓的力度不同、打鈸位置力度不同都唔難聽得出 對比番之前的iem，真係感覺聽多左野 有d好易被忽略的三角鐵 都出現番。

定位. 同我之前的評價一樣 2900的定位係好準的 睇+聽演唱會就知 我既聆聽位置大概係鼓手個位 樂隊的偏後方 drum set明顯感覺近過其他樂器 冇頭中效應 如果未推好人聲好大可能會係頭入面(pro900似乎唔會) 而且聲音係同我在同一平面(即係唔會聽到樂器飄左上天)成件事立體晒。冇頭中效應，聽歌舒服好多。還有，2900的定位係包括我的身後，有時人聲突然係身後出現，以為真係有人係我後面唱 次次都會回頭一望- -

音場. 大概同pro900一樣 一個中型hall的感覺 有d歌太多樂器、混音e.g. Sound Horizon的歌 感覺上樂器的定位受音場大小限制左 遠d的聲音會亂左。
用過phonitor推 都差唔多 似乎單端就係得咁多 睇下之後改平衡會唔會大d

高低頻。低頻，ultrasone強項 量雖少 但好似仲潛得深過900 彈性也是比較好 而且速度快 bass drum快速連打都唔會痴埋一堆 每一下都係完整的。高頻，比較明亮，雖然都算係比較黯然，冇pro900果種酒吧、暗燈光feel，似係一個音樂廳。

再講下音色。
樂器，因為三頻2900比900平衡，每種樂器都係正常的聲（900的大提琴d聲幾怪下），不過高頻真係硬，敲擊樂、鋼琴就好爽，小提琴的表現就比較失色。如果配唔岩amp，仲有一種特殊的染色，真係染色，成個畫面好似偏藍咁。低音域的樂器表現主要根據錄音質素而定，有下潛就潛到足，有彈性就QQ，量多就比番足你 唔多唔少 忠實反映錄音質素
人聲，初時（用phonitor同la-100）我真係以為佢直白、冇900的甜味、冇感情、唔甜唔厚。簡單d講：好悶、唔耐聽。但一加左mjolnir之後我知道我誤解左佢。Eason、學友的男聲真係好聽到震 夠沈穩，LiSa在LOVER’S’MILE -- oath sign(acoustic version)的感情表現優異、令人中毒。牧野由依的甜聲終於出番黎。人聲有人味，唔係機器。但係會聽得出人聲唔會係主角、反而係同樂器平起平坐。

包圍感。Pro2900同900完全唔同，前者的包圍感是由準確的定位所凝造的、後者主要是由特多的低頻、氣氛所造成的。兩者冇話邊個好、有時我都會想買埋pro900聽氣氛。

最後，亦係最重要的，就係冇/極低音壓。即使開大聲、你都唔會覺得吵耳、刺耳。我真係好中意呢點，有時為左聽high歌、聽bass爽d，扭大聲d都唔會頭痛，而且長時間聽歌亦冇問題。不過因為我隻耳太立體, 會頂到塊s-logic金屬片, 聽太耐就會痛.

Part 2 LA-100 + schiit mjolnir (用gotham 11001做rca,電源冇處理,原裝黑線)

schiit audio mjolnir

lead audio LA-100

點解我會放埋一齊寫呢? 因為…我冇其他amp同dac比我同場做對比.
呢次主要的對照器材係audiolab 8200cd/ accuphase不知名cdp + phonitor
簡單d呢講就係星際DNA套setup 同 金猩總店的setup
耳機都係用pro2900(單端)
由於mjolnir我係收二手的,所以唔知煲好未(上手話用過幾次only),聽感可能有出入.同埋上網睇review話rca同xlr input有分別,我係用rca的.基本上今次分享mjolnir係當佢係單端amp咁用.

質素部分. 基本上除左層次感外係輸晒的. Dac質素差太遠,冇辦法.不過都大概講下啦.
分析力+定位: 如果話果2 set對照器材係正常的視力,咁我呢set就係有大約200度的近視(我本人冇近視,聽其他人講大約係咁). 近的、單獨的樂器/人聲質素差唔多,但遠d的樂器就覺得有d朦.

音場. 其實分別真係唔大,因為pro2900個音場都唔係話好大,如果有機會借到HD800先有比較. 不過令我覺得我果套輸的原因係 因為我覺得耳機所凝造的聽覺空間 唔夠位放晒d樂器入去 最遠果d好似重疊左咁 前面又正常wor= =. 反而其他果2套就冇呢個問題. 不過我聽過的所有live concert同pop and rock都不在影響的範圍. Mjolnir的音場是圓形的,不過左右闊dd. 大約係20mx18m左右.

層次感. 呢樣真係贏左. 之前聽果2set覺得首歌好似一幅3D畫咁. 雖然是3D的,但終歸只係一幅畫. 但係mjolnir就係將首歌變得立體, 聽音樂劇的時候, 就好似你身處於台上, 睇住d歌手、樂手、發聲源係你身邊唱、移動, 個感覺幾有趣下.

推力.我諗應該幾大的, 7點係冇聲5點係最大, 我聽普通歌開到9點, 聽classical 10點, 極限只係各開多一點. 咁仲要係因為用左轉接線而觸發左機內保護線路的情況 相信行平衡應該會開得更小. 對照器材冇試

底噪.基本上平時聽歌係聽唔到的, 播靜音都冇. 不過係冇播歌的情況下, 開到4點就有. 我相信所有headphone都應該聽唔到有底噪. 對照器材冇試

音色(重點):
之後再補上…zZzZzZzZzZ….

GaryNew

我都想試下行XLR Balanced嘅毒性,

loadinglove

GaryNew 發表於 2013-10-19 18:25
我都想試下行XLR Balanced嘅毒性,

我e+係行緊單端- -
感覺上除左細節同定位外 冇大分別
pro2900要改平衡太煩 加上冇晒錢
不過之後一定會改
到時再比較下單端同平衡

jaffeinism

雷神! 小弟集緊氣上呢台AMP 餵飽800! 等緊師兄出雷神報告, 正野!

jaffeinism

但一加左mjolnir之後我知道我誤解左佢。Eason、學友的男聲真係好聽到震 夠沈穩，@即係雷神比2910有感情?

henryctw

恭喜師兄有新玩具。

想問吓相中掛耳筒果件夾夾响邊度揾？

loadinglove

henryctw 發表於 2013-10-20 17:55
恭喜師兄有新玩具。

想問吓相中掛耳筒果件夾夾响邊度揾？

star city DNA
不過我最近去好似冇左

loadinglove

jaffeinism 發表於 2013-10-20 16:16
但一加左mjolnir之後我知道我誤解左佢。Eason、學友的男聲真係好聽到震 夠沈穩，@即係雷神比2910有感情? ...

我認為是的

jaffeinism

J兄, 用雙XLR插出6.3 同單一個4芯XLR轉6.3出力有無分別? 同埋呢個轉接線邊度有?

sennbeyer

師兄,即係mjolnir好過phonitor?比phonitor強?

事關我未聽過mjolnir,好多網友都話佢好,幾有興趣知佢既平衡出聲音係點。