獨立電安裝&喇叭線佈置

royfok88

咁多位師兄你地好,小弟新居裝修,設計師話要準備買料,
想順便做埋獨立電,有以下問題苦惱中,請教下各位師兄意見,
希望各師兄幫幫手

1. 獨立電面板位置距離電箱有約30呎,用大家經常用的p記4mm足夠應付嗎?
    (p記4mm大陸有得賣嗎?因本人在東莞工作同定居,如大陸有得賣就最理想,或者其他有咩推介呢?)

2. 本來諗住做5組獨立電於影音櫃後,分別提供給 amp, blue-ray, 電視, sub仔, 及一組備用,
    但最近見各位師兄好多都有用206-2等拖板,係咪其實唔洗做咁多組呢?同埋其實一組獨立電出個雙插口面板,
    咁就可以唔洗拖咁多組?

3. 將會有一個獨立既電箱比音響用,電箱有無特別要求呢?

4. 因為將會將所有喇叭線做喉入牆,想請問前中置喇叭線有無咩好推介呢?
    另外前上置同後置諗住用8741可以嗎?

5. 因為梳化靠牆,本來諗住玩前上置就算數,但係上得黎多見有d師兄話梳化靠牆玩後7一樣ok,
    而家又心思思想玩埋後7,應該預留位嗎....? (小弟新手一名,怕5.1都玩唔掂...)

6. 投影連接方面見好多師兄都會有blue-ray獨立出一組影像去投影,分別大嗎?
    如用此連接方法係咪要兩條長hdmi?(一組blue-ray直出,一組amp到投影)

小弟係0經驗新手一名,希望各位師兄大力幫忙,
到時等小弟寫翻份報告同各位師兄分享分享,報答各位師兄

astrid1211

1) P記唔知係咪講派拉利. 其實依家都冇乜地方賣. 可以試下PYSMIAN 4mm. 都係同一間公司但改咗名. 好似香港買平D. 淘寶都有.
2) 可以拉獨立電就唔使用拖板.
3) 可以買音響電箱或者有做冷凍既電箱.
4) 梳化貼牆玩返5.1 效果好D.
5) 如果BLU RAY 分畫同聲, 畫個條可以BLU RAY 直出去投影, 聲駁AV AMP 就OK.

YYSKY

影音分家就拖兩組獨立電夠喇，因為點樣都要加電處及電瀘散出去，拖多過兩組係浪費金錢。

keke323

YYSKY 發表於 2013-10-12 08:56
影音分家就拖兩組獨立電夠喇，因為點樣都要加電處及電瀘散出去，拖多過兩組係浪費金錢。 ...

我都認為就算有獨立電都好....最好都加埋電處

YYSKY

keke323 發表於 2013-10-12 09:31
我都認為就算有獨立電都好....最好都加埋電處

唔加就笨喇

keke323

YYSKY 發表於 2013-10-12 09:52
唔加就笨喇

所以我覺得唔需要太多組獨立電....我自己都搵人整左個小型獨立電...2組就夠了

ykluk

1. 獨立電面板位置距離電箱有約30呎,用大家經常用的p記4mm足夠應付嗎?
    (p記4mm大陸有得賣嗎?因本人在東莞工作同定居,如大陸有得賣就最理想,或者其他有咩推介呢?)

2.5MM單支做獨立電會好過4MM散芯, 宜家要買老P線可能難搵啲, 新填地未必有, 紅磡好似有, 不過小弟都係上年朋友代買, 秋姐到有不過貴. 如果真係無老P, 建議用AEI好過用新P.

2. 本來諗住做5組獨立電於影音櫃後,分別提供給 amp, blue-ray, 電視, sub仔, 及一組備用,
    但最近見各位師兄好多都有用206-2等拖板,係咪其實唔洗做咁多組呢?同埋其實一組獨立電出個雙插口面板,
    咁就可以唔洗拖咁多組?

個人建議, 做獨立電係為咗個源頭唔受其他組電既干擾, 如果能力許可最好做晒5組, 第時CHING升呢時都有得用. 至於電源處理有好多種方法, 拖板FILTER電源再生電盒地盒等等乜都有得玩, 但點樣啱玩要自己試清楚啱自己先最重要.

3. 將會有一個獨立既電箱比音響用,電箱有無特別要求呢?

唔清楚大陸情況, 不過以個人經驗, 拉一個獨立電箱最重要係由一組入屋既獨立電開始, 例如小弟入屋有3組30A單箱電, 咁就留一組30A單箱比AV/HIFI用, 小弟無用獨立電箱, 由嗰組30A電分出6組電經獨立RCBO再出牆. 咁做既目的係想由入屋到牆蘇真係無經過其他嘢做成干擾~~!!

4. 因為將會將所有喇叭線做喉入牆,想請問前中置喇叭線有無咩好推介呢?
    另外前上置同後置諗住用8741可以嗎?

後置環迴前上置等用8741又平又OK, 不過小弟用多少少買SUPRA CLASSIC 2.5, 當然仲有其他選擇, 可以SEARCH多啲先.
中置喺一套AV裡面係最重要既喇叭, 建議比多少少用條好啲, 小弟用德敏603, 當然都係有好多其他選擇, 最緊要夾AV AMP夾喇叭夾自己耳仔~~!!

5. 因為梳化靠牆,本來諗住玩前上置就算數,但係上得黎多見有d師兄話梳化靠牆玩後7一樣ok,
    而家又心思思想玩埋後7,應該預留位嗎....? (小弟新手一名,怕5.1都玩唔掂...)

個人建議, 梗係玩足9.1啦~~!! 小弟都係9.1, 加上Y記既DSP 3D真係茅得頂~~!!

6. 投影連接方面見好多師兄都會有blue-ray獨立出一組影像去投影,分別大嗎?
    如用此連接方法係咪要兩條長hdmi?(一組blue-ray直出,一組amp到投影)

BDP出或者AV AMP出就視乎你AV AMP係咩機, 如果用旗艦機梗係AV AMP好啲, 小弟都係AV AMP出. 不過投投畫面幾好其實條HDMI重要過你邊度出, 因為距離太長咁LOSE會好大: 1. HDMI線既距離越短越好; 2. 搵條好少少既HDMI線入牆, 因為你好難再有得換...

以上純為個人意見, 希望幫到CHING~~!!

YYSKY

五組獨立電要用五組電處電瀘好貴喎！
造兩組，省下三組線錢夠買一隻電處喇，如做兩組無需獨立電箱，除非你用HiFi靚電箱。

HDMI線造線槽入牆，每個轉彎造生口，日後可以換啦，仲可買原裝頭穿入去免焊。
盡量走直線最短路程。

plnl88

YYSKY 發表於 2013-10-12 12:22
五組獨立電要用五組電處電瀘好貴喎！
造兩組，省下三組線錢夠買一隻電處喇，如做兩組無需獨立電箱，除非你 ...

天蛇，六爺住獨立屋，情況同住大廈有啲唔同。
入屋電線少左 部 LIFT 的污染。
但走唔甩大氣中的 EMI/RFI，入屋前一樣做左天線。

大陸 D 電壓穩定情度唔知合唔合格。
如果係差的話，樓主師兄可能要搵隻 有穏壓的電處了。

除非樓主師兄你崇尚自然，唔介意與訊噪同在。
否則，就算裝左獨立電，一樣要用電源處理。
獨立電只能減少 differential mode noise，
對 common mode line noise 的干擾是無能為力的。
有組 30A-40A 的 RCCB出 三組 MCB/RCBO 的獨立綫已足夠。

學 Keke323 師兄咁，由大電箱拖一條線去牆插位附近
先入隻細箱出線比牆插會慳到線錢的。

YYSKY

plnl88 發表於 2013-10-12 12:42
天蛇，六爺住獨立屋，情況到住大廈有啲唔同。
入屋電線少左 部 LIFT 的污染。
但走唔甩大氣中的 EMI/RFI ...

仲要攪被雷。