如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
致各電玩同好: 事緣小弟見到肥狗仔師兄送出記念品 ,但條件係寫一篇關於電玩嘅文章 .所以先斗膽阻阻大家打機時間 ,喺度亂噴口水 ,首先謝過 ^^ 我當然同大家一樣咁鍾意打機 ,同收藏一d特別版嘅game及主機之類 .即使幾窮 ,幾少時間打機都好 .個個月都總會喺個丐兒兜荷包度夾硬買d,買d咁 .但唔知大家有冇同感 ,就係現時好多所謂特別版 ,限定版之類 ,往往都可能係膠鐵之分 ,或者多兩個 ,遲一頭半個月就全世界都有得下載嘅code ,攪到收藏度大減亦不珍貴 .到一d真係特別,產量少,入手困難嘅game/週邊 ,就往往拍得住甚至貴過部主機 .我清楚明白業界嘅苦況 ,亦了解做game同做電影唔同 .出碟只喺該電影嘅部份收益 ,但做game的話 ,成品就幾乎佔佢地收益全部 .所以佢地無所不用其極 ,響呢d地方搵錢 .可能暫時對我地呢d死士冇乜影響(其實我同你都見唔少身邊嘅人,已經行動上唔支持 ,有d上網打嘅咪買隻正版囉 ,普通玩下嘅 ,直頭買多部機專玩平碟或者好少少買隻二手 ,玩完即放) ,但吸引唔到更加多人買全新game ,實在又係死路一條 .不竟現在商業味太重喇 ,重到令人反感 .而此等惡性循環 ,亦只會做就更多冇靈魂嘅游戲或一路抄冷飯....抄冷飯......直至永遠 .我尤其覺得反感嘅係 ,一出新game我地即刻支持 ,但完本做好哂嘅嘢 ,要你係網上面要逐d逐d咁買返,起初我都買(好多時咁買法仲貴過隻game) ,跟住到時到後整隻年度版您嘆 .我明白早買早享受嘅道理 ,但此舉不但令一d邊沿支持者 ,情願等你出年度版先考慮買(到時過咗度氣可能已經唔想玩) ,就連支持開嘅一群 ,都可能一改以往買game嘅習慣 .可能買家手頭上仲有d game未玩哂 ,橫掂早買往往只喺[唔完全版] ,除非買嚟儲 ,不然對業界可能又是一種流失/損失 . 以上都係小弟近年對游戲業界嘅一d睇法同感受 ,值得討論嘅地方當然唔止咁少 ,但終歸大家都係想開開心心打下機 ,享受業界各團隊嘅努力成果啫 .不過眼見近年經營不住嘅廠商 ,倒閉嘅倒閉 ,合併嘅合併 ,再咁落去我地關心嘅游戲業界又會變成點呢 ? p.s 肥狗仔師兄 : post相我有待研究 ,作個簡單利申,好嘛 ? id: step913 (psn&xbl) 主機:ps3 x3 ,xbox x3 ,will x1 & ps2...gc...dc....xbox.... 周邊: hori LVX....djdao res... |
發表於 2013-10-9 22:36
樓主
