九州自鴐數問

ozonehk

請問12月尾去湯布院,九重夢,阿蘇,高千穗峽  會唔會大雪? 如有 NORMAL TIRE 加 SNOW CHAINS 足夠嗎? 定要 SNOW TIRE 加 SNOW CHAINS 安全D?

teddyng637

12月尾去應該會很冷會下雪, 我去"湯布院"住過啲【湯布院温泉區】, 好熱鬧又多嘢睇又多紀念品買, 可以一試

ykluk

如果臨出發前1-2星期睇日本既天氣預告知道會有初雪, 最好預備用雪軚先, 初雪會比較濕同跣, 用咗雪軚起碼停車容易起步啲~~!!

至於鐵鍊就可以CHECK吓係咪大雪或者會上山落山(高斜), 因為條鍊會整到條軚好"登", 你唔可能長期用住, 係要上山落山好厚雪時先要用, 正常路面雪軚已經足夠~~!! {:9_423:}

ozonehk

ykluk 發表於 2013-10-3 12:18
如果臨出發前1-2星期睇日本既天氣預告知道會有初雪, 最好預備用雪軚先, 初雪會比較濕同跣, 用咗雪軚起碼停 ...

CHING...因為小弟未層試過雪開車,想問一問

上山落山 有漙雪  雪軚 係咪未必足夠? 是否 L / S 波 開車停車安全D?

ykluk

ozonehk 發表於 2013-10-3 14:33
CHING...因為小弟未層試過雪開車,想問一問

上山落山 有漙雪  雪軚 係咪未必足夠? 是否 L / S 波 開車停 ...

其實基本路段都可以用雪軚搞掂, 裝咗雪軚之後其實你會覺得同平時香港渣車無咩分別. 但千期唔好用普通軚, 因為你會覺得架車好似踩冰咁跣住咁行條路, 咁你就要用技術喺山路到KEEP住嚟跣住行.....

至於有啲路段比較斜既上山落山路, 喺你上之前你會見到旁邊有個停車地方有路牌畫住條鐵鍊, 嗰個位其實係比人停車加鐵鍊再上山, 不過未必會有免費鐵鍊提供, 可能要隨車帶定~~!!

呢啲只係小弟去北海道時見到既情況, CHING去九州未必會需要用到鐵鍊, 最好先CHECK天氣, 再去到租車地方問一問當地人有無需要租鐵鍊, 佢地會知道咩地方有需要~~!! {:9_423:}

不過唔係間間租車都有雪軚同鐵鍊租, 唔知CHING你用邊間, 搵TOYOTA最好~~!! {:9_421:}

ozonehk

ykluk 發表於 2013-10-3 14:59
其實基本路段都可以用雪軚搞掂, 裝咗雪軚之後其實你會覺得同平時香港渣車無咩分別. 但千期唔好用普通軚,  ...

THANKS CHING....如果雪地行車時跟前車路線會唔會好行D?? 另外煞車要長幾多?? 現家D車有ABS, 跣軚時是否一腳BREAK到底好D? 定應該分多吓 小小小小 落?

MSZ

ozonehk 發表於 2013-10-3 22:23
THANKS CHING....如果雪地行車時跟前車路線會唔會好行D?? 另外煞車要長幾多?? 現家D車有ABS, 跣軚時是否 ...

小弟有十幾年雪地駕駛經驗, 可以話你知, 既然你唔係去北海道, 你遇到雪暴嘅機會好微(即係15厘米以上嘅雪), 普通雪軚已經可以應付95%嘅路面情況, 預早一兩米剎車就已經OK, 唔駛刻意跟前面嘅軚痕行.

ykluk

MSZ 發表於 2013-10-4 04:07
小弟有十幾年雪地駕駛經驗, 可以話你知, 既然你唔係去北海道, 你遇到雪暴嘅機會好微(即係15厘米以上嘅雪) ...

果然經驗老到~~!!

小弟認識過一位白痴, 第一次喺北海道雪地渣車, 又無問租車公司換雪軚(佢以為default有, 點知間cheap cheap公司無換又唔知), 用條普通軚行咗2000公里路上山落山遇上雪暴大風雪走咗半個北海道十幾日, 仲要頭幾日盲樁樁夠膽最快行超過160上山路, 一路跣軚推車咁完成全個旅程竟然大命無死鬼咗........ 所以真係要同大家講, 雪地渣車真係要小心啲~~!!

MSZ

ykluk 發表於 2013-10-4 09:46
果然經驗老到~~!!  

小弟認識過一位白痴, 第一次喺北海道雪地渣車, 又無問租車公司換雪軚(佢以 ...

因為我住大城市, 冇山路, 所以多年嚟都冇用雪軚. 不過早幾年有一次落斜踩極都剎唔停部車, 我要即刻扭去隔離線避開前面部車. 而家諗番都有啲驚.

ykluk

MSZ 發表於 2013-10-4 10:31
因為我住大城市, 冇山路, 所以多年嚟都冇用雪軚. 不過早幾年有一次落斜踩極都剎唔停部車, 我要即刻扭去隔 ...

根據嗰位白痴佬既經驗(十幾日都係跣住去), 喺落斜時就跣去2條路中間突起既泥位以Z字行駛, 因為阻力大咗自然幫到減速, 不過又係危險動作, 要好留意對頭車同後面有無超車出現....