建議環球推出<復刻王>系列！

jcttt

    環球當年推出復黑王系列大受歡迎，非常成功，因為幫助很多樂迷重拾黑膠碟回憶，小弟建議環球公司再接再歷，推出<復刻王>系列，就是跟足頭版CD重新復刻，黑膠碟固之然珍貴，但當年啲頭版CD就更少更珍貴了，只要跟足封面封底，相片歌詞，碟面印刷跟返舊版，用返膠盒等，這樣樂迷又可以重拾首版CD啲回憶了。就算當年沒有推出CD都可根據同一原理重新復刻推出，這樣啲系列，一定會更受歡迎，更加吸引樂迷，不過定價最好不要太貴，跟復黑王差不多，這樣就更能普及廣大樂迷了，不知這個想法可行性大唔大，希望各位師兄都研究下，更希望有與環球公司联系啲師兄能向環球提建議！

lamwaikit007

機會好微 , 但都支持你的想法.

jcttt

lamwaikit007 發表於 2013-9-25 13:33
機會好微 , 但都支持你的想法.

近年好多唱片公司都有復刻翻D舊專輯推出，好似華星華納咁，反应都唔错，如果跟足头版出，仲更加受歡迎，其實有得諗架。

文次郎

佢要出嗰啲都出咗啦，重有甚麼出？請列表看看！

lamwaikit007

你講開，其實發覺到近年本地歌星出的cd都已經少有再用古老膠盒了，除了新力出的復刻版。

jcttt

文次郎 發表於 2013-9-25 14:16
佢要出嗰啲都出咗啦，重有甚麼出？請列表看看！

環球既然收購咗EMI，咁喺可以重新推出EMI啲大量舊專輯啰！

jcttt

lamwaikit007 發表於 2013-9-25 14:21
你講開，其實發覺到近年本地歌星出的cd都已經少有再用古老膠盒了，除了新力出的復刻版。 ...

其實古老膠盒才是最受歡迎啲包装！

文次郎

jcttt 發表於 2013-9-25 14:33
環球既然收購咗EMI，咁喺可以重新推出EMI啲大量舊專輯啰！

EMI 真係好多寶藏，重出返嗰班其鷹老版歌手，都有排出，有如生金蛋，至於七八十年代的國粵語歌曲，最接近年過四十幾的擁躉，等待等待………

teddyng637

希望你的建議能實現

icefatgirl

舉腳贊成！復黑王絕對係碟迷的恩物，平靚正！！不過環球呢期比較鍾意出d所謂「發燒」碟，可能利潤大好多！復黑王賣$49，批發價頂多$30，冇乜肉食！不過都真心希望再度推出復黑王，就算賣貴d，$60-$80都好合理！