《Grand Theft Auto V》電玩天堂區獎勵計劃~(幫會招集中...)

marcolau · 發表於 2013-9-29 21:40

本帖最後由 marcolau 於 2013-9-29 21:45 編輯

單機流程分享︰

相信不少朋友都爆咗機了，而我就已經爆第二次機了。

其實GTA系列一向多野玩，所以我不會將重點放左第一次爆機，因為你一定會做錯好多野，如股票、改裝及武器。
因此我將主力放在第二次爆機，至少唔會買錯股票，因為食乜春都靠佢。

建議流程係，先做主線及隨機任務，直至爆機，之後買股票->投資->做副線及玩無謂野(或無聊野)。咁整隻GTA5都唔會浪費。

因為爆左機有大把錢冇地方洗，所以留晒D副線等爆機後做，畢竟主線只係69個任務，而副線及其他加埋有成百幾個任務，梗係最尾做啦。
但你爆機前做晒D副線等立雜野，咁揸住十幾億做乜春呢？唔通日日搵UFO揾鬼咩。

而想攞金牌亦係等爆機後(或夠架生後)做，如 Trevor 第一個任務如果你未夠架生(得支散彈)就不斷重玩是無謂的，因為個任務其實要有追擊槍，否則係玩到嘔血都攞唔到金牌。

買股票我之前講左。
而網上已經有好多賺錢法或無限金錢，但冇野好得過不到1小時就賺過兩億順便開埋成就。
http://post76.hk/forum.php?mod=r ... 6207&fromuid=57

另外，而今集可以設定準星(武器目標)+補助射擊，整個射擊系統都得到提升。