你記得五年前用邊部手機嗎?? <被偷走的那五年> (含好內容)

ryan2012

近年台灣電影的水準真係好正!!!
荷里活片興玩特技CG, 港產片興玩動作飛車, 台灣片就玩劇情故事
今次呢套 <被偷走的那五年> 完完全全無(乜)特技, 無(乜)CG, 無(乜)動作, 無(乜)飛車
純粹一個問題+一個等待解開的答案, 將整個故事串聯上來

從各戲院的編排睇, 呢套應該唔會好耐命 ,
所以我今晚睇完忍唔住要馬上分享, 希望有興趣的人真係好襯未落畫就去睇

5年, 差不多2千日, 2千日的記憶無哂, 當一覺醒來仲以為係2007年的女主角何蔓來到2012年 (劇本設定)
所有野都同佢的記憶唔同哂, 上一刻仲記得同剛結婚的老公趕頭趕命去享受蜜月旅行, 2個之間只有甜蜜 & 愛,
下一刻就被告知離左婚, 仲要前夫已有新女 俾著我我都會崩潰

老實說, 白百何真係好正 有少少張鈞甯的影子, 又有點似吳佩慈,
當白百何(何蔓)為找回記憶而搬去同前夫謝宇(張孝全)果到後, 佢的個性, 佢的行為,
通通都係令人忍唔住愛上佢的, 所以之前謝宇都果斷地飛左現任女友, 同何蔓重新黎過
而白百何演返過去成為女強人時, 又演繹到果種冷靜硬朗的一面, 可以話完全係有四川藝術----變臉咁
遲下, 白百何可能成為中國最出眾的女演員之一

然而, 呢套唔係一套甜到爆的幻想故事, 無HAPPY ENDING,
女主角逐步找回過去的點點滴滴同時, 亦發現點解佢一下子無左5年記憶, 通常黎到呢到, 女主角下場多數都係果個......
一天一天咁流失記憶, 一天一天咁買住同一樣的東西, 幸好身邊人仲不離不棄
男主角亦再次堅定左佢對佢老婆的愛, 其實從來無變過, 過去只係被一些工作一些妒嫉所影響

再講多少少

近日手機界其中一件大件係NOKIA被MS食左, 唔知黃真真(導演兼編劇) 係咪有先見之明, 當大家手上部手機唔係iphone, 就係三星, 又或htc lg sony等smartphone時, 仲有冇人記得nokia 5300?? 仲會有人覺得好想有呢部手機嗎?
其中男主角是其中一位 "曾經" 好想擁有, 但係5年前.........女主角逐漸失去記憶時, 偏偏記起男主角當年好想有呢部機, 搵得好辛苦先搵到呢部 "史前手機" 作為禮物送俾男主角, 果刻真係好感人



幾乎每個講主角有絕症的電視劇電影到最後都係咁設定, 做唔做手術!!????
做就博一舖, 唔做就等死, 而主角多數都揀博 (咁又係, 唔做邊有咁多野寫, 同埋可以將情感推向高峰)
點知今次開個第3結局, 死唔去的植物人..... 編劇決定將生定死呢個波交俾男主角決定,
而男主角決定........................




完場

係, 係無一個明確的結尾, 但我反而覺得仲好, 如果你同我一樣好投入個故事, 相信你都好難做決擇
拍女主角唔死又有人會覺得佢好痛苦而唔鍾意, 拍佢死又覺得陰陽相隔好慘, 而家無講明係點, 可以留返俾觀眾選擇, 幻想自己鍾意的結局, 都唔錯吧




本人絕非打手, 而係真心好想推薦呢套戲俾各位, 故事十分吸引, 雖然我不太喜歡張孝全....(可能佢太camp camp地.......<男朋友女朋友>所影響 )
成日睇CG動作打鬥飛車片呢D濃味電影時, 台灣的小品愛情電影就好似一碟可口的青菜咁, 可以清一清滿口複雜的味道

在此感謝高登先 (Golden Scene) , 高先成日都搵到d唔係大路但又好好睇的電影黎上畫, 狂舞派都係多得高登先, 先至有今日, 希望日後有更多台灣電影黎上映就好了

teddyng637

多謝分享 !!!

ChocoMM

呢套真系好好睇阿T^T 我喊左成包紙巾 認真 我個男性朋友都流左滴眼淚 哈哈勁樣衰