終於都買咗部CD機

garranho · 發表於 2013-8-29 03:25

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

小弟一路都只係睇各位ching的帖子，因為唔太識得用文字表達，只有一次開post問買咩訊號線同cdp，首先多謝係度發過帖及比過意見我既ching先。
之前小弟一路都係用飛記既 BDP9500 連接部cheap cheap 國產mini前後級聽歌，諗住用5000蚊買部cdp，爬咗好耐文。
好多CHING都有各自推介，歐洲機、日本機，真係越睇越唔知應該買邊隻。
咁啱睇完Jadis兄之前講隻spark Cayin M-50CD既文章，就發現有人放，雖然比原來銀碼多咗小小，但得大人批准後，今日去試機後就抬咗返屋企。
話說部機都幾重吓，整個下午都唔得閒駁線要夜晚先有時間，當我拎隻最常聽的日版The Star Wars Trilogy放入去聽時 (各位ching請唔好笑我，STAR WARS係情意結)，比我第一個感覺係，樂器定位比之前細緻及有層次感、動態強咗，背景靜咗、包圍感強咗好多，以前覺得混亂既感覺冇咗 (唔係跨張，係真係有咁既感覺)。
跟住到同大人一齊聽張德蘭既︰願君心記取 (普通版)，大人本身係一個對音樂一路都冇要求，有聲就覺得OK嗰種，但佢一聰都覺得同之前爭好遠，聲音聽落去有感情咗，最重要連佢都覺得好有層次感。由於太夜明天先試其他碟。

我一路都唔係咁喜歡買二手野，但今次都覺得自己冇買錯，POST此文只係想同各位ching分享我的喜悅。