廳只有100尺想買部5.1，麻煩各位比啲意見！

leo25

ymk 發表於 2013-8-21 18:51
點解吾好搵以前的旗艦機呀？你怕我吾識用？如果過氣旗艦機聲靚又吾難插線的話都ok嘅.
我之前打算用5000買 ...

當然一步到位買旗艦機可以避免日後再駛錢upgrade係好.
但你budget $5000連喇叭但仲諗買過氣旗艦機, 我只係覺得冇乜可能啫
而且就算買左旗艦機, 但其他5.1喇叭你用幾錢買呢?
同埋你之前自己都講驚買二手比人呃, 所以先建議你唔好嘥時間再諗咩LX-82,83.....

不過老實講, 雖然說平有平玩, 但如果想買AMP + 5.1喇叭, 最低消費你預1萬蚊會好少少

keke323

ching 如果要 5k 買晒所有野真係有 d 難度......相信可能得套裝機
如果 budget 可以去到 10k 既話就多好多選擇......我可以比條 link ching 參考下
http://post76.hk/forum.php?mod=viewthread&tid=116792

keke323

ching 可以再比多條 link 你參考
http://post76.hk/forum.php?mod=v ... %3D20%26typeid%3D20

ww1338

我覺得唔好買太舊型號AV機，各廠每年轉款都會將技術下放，而且AVamp講新技術，新音效，pioneer lx56不計功放設備多過85。最重要AV機損牦大由其主板，而且細行未必識修理（一塊塊同你換就死…＄），到代理如果知是水貨重死，加物加物，離不開＄。pioneer對修理水貨是最贵，加$3000登記費，零件另計。安橋加收$500，零件另計（祇接有香港型號修理）。

ilavbnm

樓主...如果真係得$5000預算(不能增加預算)
我提議你不如買5.1擴音連喇叭套裝機
例如pioneer htp-072
如果搵到htp-071/htp-610可能仲好...因為應該會更平
點解要提議你買喱類5.1套裝?

因為如果你本身已有bdp...喱類套裝係最平宜o既選擇(2000多元)
其實2000多元/5000元o既5.1套裝...將來升級要放2手...都係咁難放
所以...有平買平...將來蝕少d
放唔到的話...蝕2000幾好...還是蝕5000好?

如果你無bdp...剩返o既錢夠買s790 / lx55
喱兩部雖然唔可以算高階機...但畫質都唔差(暫時兩部都算係各自品牌o既"旗艦"機)
我相信畫質有機會比5000元o既5.1連bdp套裝機好
而且s790仲支援4K Upscaling...將來升級...bdp亦可留用
最後可以加多部DMP-BDT330都係2000元左右...一樣支援4K Upscaling
不過喱部o既開箱文/包膠比較少...所以暫不推薦(唔代表BDT330唔好)
近排76都有C兄入手BDT330...或者你可以問下該C兄有咩意見

以上只係小弟小小建議...樓主只作參考就好
因為如果樓主有要求的話...喱類套裝機真係好難滿足樓主
但係...在有限預算之內...我覺得應該都可以考慮一下...

zidanedc

amp:  Marantz NR series, <$3000
SPEAKERS: JBL CONTROL series <$1000 for second hand