Post76 用家試玩分享 讓你提升家庭影院 贏取 Pioneer SC-LX87

wil-wil

一年前 Post76 破天荒與 Pioneer 齊齊搞搞新意，合辦一個網上遊戲【全城首試由 76 開始 ... 用家試玩分享 贏取 Pioneer SC-LX 系列】遊戲。結果除左冠軍可以贏到部全新 AV 擴音機，就連入圍既參賽者，都可以以靚價換取到部 SC-LX 系列返歸好好享受。

今年我地再接再勵，再搞一個【Post76 用家試玩分享 讓你提升家庭影院 贏取 Pioneer SC-LX87】遊戲。大家除左有機會由 Pioneer 香港提供一部全新機王 SC-LX87 係自己既影音小天地，用上自己喜歡既 CD 及藍光軟件，全天候慢慢測試呢部機王 SC-LX87 9.2 聲道 AV 擴音機外，更可以清楚試到 SC-LX87 最新兩項功能，包括 SABRE 32 DAC (支援 9.2 聲道)  及 USB-DAC 192kHz/32-bit (支援 DSD Native 播放)，令 SC-LX87 升格至不只是一部單純 AV 擴音機，實現聽歌睇戲兩佳宜既全能影音系統 。

今次活動同樣要求終極入圍既 76 師兄，玩完部機之後出埋測試報告，又分享得最精彩個位玩家，即可贏到一部價值兩萬多元全新頂玩 Pioneer SC-LX87 9.2 聲道 AV 擴音機。

係有興趣玩既你 ... 請於 8 月 31 日或以前報名參加 la!!!




參加方法及相關詳情:
1. 會員必須於 2013 年 8 月 23 日 (星期五) 至  8 月 31 日 (星期六) 於本報名帖內申請參加
2. 報名會員須先於此帖內，以回覆帖形式上傳兩張相片，要求如下 ...
    a) 須於 旺角西洋菜街 51 號友誠商業中心 6 樓 影音天地 一拍攝張 SC-LX87 真身相片
    b) 自己家居影音天地既相片，並提供相關喇叭系統及藍光影碟機型號等資料
3. 同時於該活動帖尾段內點擊「我參加」選項，於『留言』一欄填入『聯繫方式』，
    包括手提電話及電郵地址，最後點擊「提交」選項，才算完成報名
4. 於 2013 年 9 月 2 日 (星期一) 公佈最少三位 76 玩家可各自安排一部 Pioneer SC-LX87 作測試
5. 該入選 76 玩家於 2013 年 9 月 6 日 (星期五) 安排送貨
6. 該入選 76 玩家可利用約兩星期時間試玩，並個別聯絡於 2013 年 9 月 19 日 (星期四) 安排收回
7. 分享測試報告必須於 2013 年 9 月 21 日 (星期六) 中午 12 時正或以前電郵至 games@post76.com
    - 電郵主旨:【Post76 用家試玩分享 讓你提升家庭影院 贏取 Pioneer SC-LX87】
    - 測試報告內容須包括不少於五幅相片、不少一千字及測試器材清單
    - 報告內容必須為參賽玩家自行撰寫及該報告亦未曾於任何媒體或網上發布過
8. 結果於 2013 年 9 月 28 日 (星期六) 「Pioneer x Post76  SC-LX87 激試活動」內公布及
    頒發 Pioneer SC-LX87
9. 優勝者必須出席「Pioneer x Post76  SC-LX87 激試活動」領獎，否則當放棄得獎權利
--------------------------------------------------------------------------------------------

報名程序
*************************************************************************************
會員報名須點擊本帖頂部「我參加」選項，並須填入相關資料，最後點擊「提交」選項，之後以回覆形式
上載於【影音天地】拍回來既 Pioneer SC-LX86 照片、自己家居影音設置相片及相關器材資料後，才算完
成整個申請。最終截止後被又抽中為終極玩家，見到自己頭像出現，及後收到 Pioneer 香港致聯絡送貨，
並簽妥試機協議書後，參賽者資格才正式被確認。
*************************************************************************************

(以下是報名範例)


完成以上 3 項程序後，請於此帖內以回覆形式提交相片及器材資料才算完成整個報名程序
(以下是回覆範例)




--------------------------------------------------------------------------------------------
注意事項:
1) Post76 與 Pioneer 香港職員及其家屬不可參予此網上遊戲；
2) 所有申請參加會員，必須完成上述報名程序，才會被視為候選參加者；
3) Post76 先公佈最少三位 76 玩家試玩、測試報告評審由 Pioneer 香港負責；
4) 最終被安排試玩該三至五名玩家，必須同意 Post76 可轉交其聯絡電話及電郵址給 Pioneer 香港，
    如有任何異議，將被視作方棄有關權利，該名額將由其他報名會員補上；
5) 入圍版友必須提供身份証資料、試機住宅地址及簽妥 Pioneer 香港提供的試機協議書，方可安排送貨試機，
    有關安排由 Pioneer 香港直接與相關會員處理，Post76 不作任何參予或跟進；
6) 是次活動由 Pioneer 香港全權策劃，Post76 只作網上協辦，如有任何爭議，Pioneer 香港保留最終決議權；
7) Post76 及 Pioneer 香港有權按情況需要，更改相關內容及取消參加資格，並不作任何通知或解釋。
8) 會員提供之個人資料，只予該活動負責的相關工作人員，於是次活動聯絡之用，網站絕不會利用相關資料作宣傳銷售用途，
    更不會轉移或轉售至第三方公司或渠道。
--------------------------------------------------------------------------------------------
有你既支持，就係我地最好既推動力，齊齊參予
「有玩、有 FUN ... post76.com」

pac

小仲

雖然機會不大，參加先

tennishk

我覺得而家既AV AMP轉款快既程度而經去到不負責任！
以前ONKYO係表表者，而家就大部份牌了都係咁！

Einstein

ellen

睇完呢篇o野之後，都唔知點算好，心情忐忑，我部 86 outdate 要告老歸田了。

bigair

av amp都係平平地玩好，年年轉新款

mtvbb

攪咁多野........我都係等REPORT, 先諗諗,

阿定

今次我一定要參加了，我家部3808A不支援 HDMI 1.4，年尾出PS4 同 XBOX One前換AMP係必需的了，而且換得機，當然要升級上去，唔可以求其了，Pioneer一向好多師兄讚，但就無機會試，點都要試下！

vcom

我都係企停停，等睇報告好D。