|
|
如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
最近一直係度等緊對SE846…百無聊賴…某日閒逛MK既時候俾我發現左D野…
Headphone Conditioner?! 乜東東黎架? 一問之下原來佢係一舊唔洗用電, 而且可以改善音質既玩具…好奇心驅使下一問原來唔算好貴…所以二話不說買左舊黎玩…順便整番個開箱都好!
首先講番外觀, 佢個樣真係幾靚仔, Made in Japan所以手工好好, size可以自行對比下我幅圖 (由於太過反光所以D相好抱歉…多多包涵, 小弟非專業開箱者…)
望番D配件先…其實得個盒, 一條3.5對錄 (望個樣都知唔太洗點試), 同埋一舊白色唔知乜…
OK講重點, 首先我用番近期最愛既組合黎測試下先! 大合照..1..2..3..smile! 
首先老闆話條對錄線對比出黎既聲音有非常重要既影響 (即係暗示我唔好用原裝果條囉…) 先介紹一下測試成員:
最上面: Piccolino
中間: 16絞螺旋方芯單晶銀
最下面: Uber
首先試下經部Amp再出NIP-01 (以下簡稱N仔)先!
Mass Kobo 385我唔多介紹啦, 都係近期既最愛之一, 佢其中一個缺點係
底噪大, 最適合用黎測試!
經過N仔既調節…佢既底噪…都重係大! 哈哈, 不過改善左, 呢部野真係幾神奇…
同埋個volumn相比直出細左小小…開始好奇究竟舊野入面係乜黎…
AB左幾次之後, 佢最明顯既提升如下:
1. 背景安靜左
2. Bass實左小小 (真係小小only…)
3. 延伸度長左小小 (真係小小only…)
4. 套設備大舊左…
不過我記得老闆又講過話呢舊野都要runin…同埋如果直出個效果先會最明顯, 咁我又試下E8直出先, 大概講下聽感…
Piccolino: 呢條係我以前成日用既, 整體感覺華麗, 略帶齒音但可接受
方心銀: 佢個樣就最有霸氣啦! 不過要讚下佢既高頻, 空氣感好強而且好通透, 其他兩頻都算平均
Uber: 呢條大家可能比較陌生, 佢係Tralucent Audio出既, 我當初都買左條黎自用, 佢既聲音比較平均, 無話三頻邊個比較突出, 全面既提升
果然齋用E8直出N仔會比較明顯,
最後, 無聊一試, 用左我部Xperia Z黎玩下, 一聽之下…終於明白左D野…
就係呢舊野原來係針對用電話直推既用家!!!
因為我上面所講既提升係電話直出N仔既時候最為明顯, 而且佢既減噪能力真係幾強
我會推介俾D唔想帶舊炸彈出街, 而又想平平地提升音質, 尤其係減噪既玩家們, 佢好似有幾隻唔同顏色…好似係黑粉藍灰, 我自己就因為無紅色所以無奈揀左藍色…好啦報告完畢, 多謝收看!
|
評分
-
查看全部評分
|
因開始賣野所以封口啦
發表於 2013-8-19 14:38
樓主
