有無師兄買咗 "領都" 呀?

Raphael

領都近沼氣區相距不足250米

【蘋果日報】將軍澳堆填區新盤領都，發展商長實再被踢爆誤導買家。有領都準買家日前落定後，始獲職員告知屋苑旁邊是沼氣排放設施，質疑長實刻意隱瞞，憤而退定。環保署證實有兩個沼氣排放設施距離日出康城不足 250米，業主更須支付「防禦措施」費用。學者警告該類危險設施一旦出事隨時爆炸，跟住客「一鑊熟」。

聽聞所謂「防禦措施」, 其實只係發展商同相連既物業管理公司巧立名目, 提高管理費既一種手法而已.......... 如果真係爆, 點可能防禦得到吖?

http://hk.apple.nextmedia.com/template/apple/art_main.php?iss_id=20090727&sec_id=4104&subsec_id=11867&art_id=13031634#TB_inline?height=&width=&inlineId=imgDiv&modal=true&imageUrl=/images/apple-photos/apple/20090727/large/27la5p1.jpg

Raphael

另外, 網上搵到過往唔少發展商賣樓呃人既技倆 :
http://www.greensense.org.hk/densebuilding/press_release_20090712.pdf

來源 : 環保觸覺

micta

領都真係唔係咁睇好...其實真係都幾近個堆填區...

小龍

之前TVB財經有講...重有人奶野

mas_cat

有同事既同事講, 響將軍澳工業村成日都聞到好勁既垃圾味, 領都就響附近, 咁咪都中晒招?

阿定

唉，我都好怕d地產經紀，試過睇新樓比經紀圍，講真唔係唔想買，但唔係咁迫法，d Sales 為求目的，亂咁來，邊有理由，我想買8樓(貪佢8字發發聲，反正budget內)，係咁迫我買六樓(最底果層)，死都唔肯幫我問7樓8樓幾錢，搞左成個鐘先同我講8樓貴30萬
迫到我成家人走番出去茶餐廳，打算飲杯茶，計下數點買法，500尺單位低層差兩層差30萬點講都唔通，即時找朋友打比發展商問價，未報到價就有經紀走去茶餐廳向我發難，問係咪玩野，真係超神經的！

Raphael

先前小弟買樓, 本來都有考慮將軍澳中心, 覺得嗰區其實都頗潮濕.......
如果濕氣加上垃圾味...........

阿定

先前小弟買樓, 本來都有考慮將軍澳中心, 覺得嗰區其實都頗潮濕.......
如果濕氣加上垃圾味...........
Raphael 發表於 2009-7-28 14:20

咁你真係好好彩，將軍澳800尺，高層5公升抽濕機 x 2，一個上午已經抽爆要倒水！

Raphael

咁你真係好好彩，將軍澳800尺，高層5公升抽濕機 x 2，一個上午已經抽爆要倒水！
阿定 發表於 2009-7-28 14:28

定兄住將軍澳?
小弟去睇樓時, 見到唔少家庭既天花都有疑似 水"積", 結果無買到佢

aegysd

堆填區...垃圾味...........