舊歡如夢之三寶

giseegoobi · 發表於 2013-8-15 13:31

本帖最後由 giseegoobi 於 2013-8-15 13:35 編輯

先講明今次絕對係推廣(讀者自己留心)
今次想分享既係舊歡三寶其中一寶舊歡如夢黑膠

先看看封套設計﹐全黑没任何圖案文字﹐只得一張寫明HQ180貼紙﹐樸實得有點單調，但更顯它的特別﹐特顯它賣的是音樂﹐不像其他唱片只得外表花考﹐但不重內涵！

這張唱片用上一面33轉另一面側是45轉﹐絕對係對音質既追求﹐說明好之上可以更好！

正如上面提及﹐即是外表點做到天花龍鳳都冇用﹐用家肯比錢買﹐要既係內涵即是音樂！
先說33轉那面﹐無論選曲同音色方面﹐已經絕不失禮絕對可以用好好來形容(雖然都係口水歌，但相信各師兄都係比較喜歡舊歌)

今次我主要想分享係45轉那面(只有兩首歌)
歌者如夢一開聲(我感覺到，她唱的不是口水，是一種期盼一種夢寐)
「望著海一片　滿懷倦　無
淚也無言……」

相信大家都知這首是梅姐既｢似水流年｣
講回音樂部份，樂器方面每一下琴音清翠得有如流水在耳邊響起，
聽得好舒服絕不刺耳 ,鼓聲可以用利害形容，每一下你都感覺到佢係由遠而近一浸浸咁湧過來，
絕唔會有打心口另你唞唔到氣既感覺，原來呢d先至係鼓，真正完美既低頻！
還有一些叮叮噹噹既樂器，不絕響起，都係清翠順耳~唔會過盛搶左主角(人聲) 既風頭〈音樂部份都係一貫Tis作風"好", 但今次係更好〉

終於到戲玉，就係主角部份(人聲) 當你聽時，唱對好咬字音準絕對唔洗懷疑，你更加唔會覺得歌者只是鸚鵡學語她是唱出對梅姐既一份仰慕一種情懷，感覺到她對梅姐既尊重！有一份唏噓既感覺(可能就像小明星夢想變成大明星既感覺) 流入你耳中腦海，聽畢這首歌已有一種久違了的感動！

再估不到是接著的另一首歌
「情愛就好像一串夢　夢醒了一切亦空或者是我天生多情　方給愛情戲弄」

當"如夢"唱著'夢', 更有一種內人尋味既感覺
「同妳　在追續一個夢　夢境消失歲月中」

唱到這句我終於明白，她不是在唱著愛情，是唱著一個當歌星既夢！！！ (聽到這裡我眼也紅了)

通常一張唱片有一首好歌已好多人會買，這張唱片有一首似水流年已算超值，再加濃本多情，這次賺番了！
PS:開頭說是推廣，但你不用問我，我是絕對唔賣，也不知在那裡有賣，得到這張好唱片都是較一位高人幫手，十分謝謝！
後話：照年份推算，這張唱片灌錄時兩位偶像應該未離開，但聽著這兩歌，帶比我無限懷念！