如何檢查喇叭有否損壞

ncyaa · 發表於 2013-8-13 09:35

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 ncyaa 於 2013-8-13 09:38 編輯

小弟人生第一套家庭影院組合上週六終於送到，雖然只係入門級嘅y記575+tannoy tfx，但經過一整天嘅駁線同setup，終於有得玩，即時拿出日前喺影音展送嘅sacd放落早一星期買入嘅飛仔9700試聽，一聽之下驚覺同之前嘅平價套裝機有大幅提升，初次進入音響嘅世界，開心了一整天。

到了星期日晚上有英格蘭社區盾，終於可以用套新機來試下睇波嘅現場感。但恐怖嘅事就喺呢個時候發生：

由於now tv解碼器嘅hdmi已經駁上了magic tv作錄影之用，小弟就用色差同光纖將now駁落部amp，now有三種聲音選擇，audio 1係中文（pcm)，2係英文（pcm)，3係中文（dolby digital），我選了3畀部amp解碼，睇咗十幾分鐘一切正常，但到廣告時段，節目與廣告中間顯示節目名嘅幾秒鐘畫面，沒有放出正常嘅音樂，而係出現好大聲同刺耳嘅吱吱聲。小弟心知不妙，馬上拿起yamaha遙控，可是我仍未熟悉新機嘅遙控，y記嘅按鈕又細粒，我找了幾秒鐘才找到mute鍵，找到時第一個廣告已播出，聲音已經回復正常，到廣告播完，節目名稱畫面再出現時，以上嘅情況再出現一次，小弟非常擔心兩次嘅衝擊會對套新嘅喇叭造成損害。

小弟其後選了英文pcm，相同嘅問題不再出現了。我懷疑now嘅音響技師可能做錯了一些事令dolby嘅sound track出現問題。

其後小弟再試聽其他碟，雖然説不出問題，但心理上凝住喇叭嘅聲好似變了(不知是因為經過run-in還是真的損壞了)。因為小弟實在太新手，一對木耳根本難以判斷，也不知道喇叭是否如此化學。希望各位師兄可以教教小弟如何可以知道喇叭有沒有損壞，感激萬分。