特工 AV Show 2013 小小分享

muffy

好啦...又係我, 話說一年一度既AV SHOW梗係必到啦!
今年相對往年黎講, 隨身耳機, 耳擴既booth可以話係多左好多, 見到咁多師兄都分享左唔少野, 我自己都終於按耐不住啦!!!
其實場內好多正野, 真係無可能講得曬, 不如我今次分享下一D我認為大家想知既產品, 同埋部分我同友人既意見啦~

Cardas Inear:
首先我認為新產品相對比較吸引, 所已第一樣想講既係Cardas新出既IEM
見到有好幾對有得試聽真係好興奮, 未試前已經見到網上有其他師兄既評論好似一般, 但抱著耳聽為實既態度我一定要親自試試
我自己全程都係用E8+385呢個組合, 講出黎以供大家參考, 因為套套組合唔同, 出黎既表現都會有分別
首先我覺得手工幾好, 好有份量, 配戴就正常, 會場都幾細心, 有單節同兩節膠版本俾大家試
我一聽落去發覺比較矇同埋厚聲, 分析力幾好, 明顯聽得出無乜煲過...
呢個時候我個朋友聽左一陣就話點解咁dull既? 講真我又唔覺wor, 所以試左佢既setup, 發覺真係超級dull (佢用緊ipc+solo db+mk3)
之後俾佢聽我既組合, 佢就話人聲好毒, 但BASS 一般...
再一次證明個個耳仔唔同, 而唔同組合都有唔同強項
我對呢對野既評語係其實都唔差, 起碼對得住佢既售價, 但如果聽開好野或者同過萬既旗艦相比, 佢都肯定比下去


SE846:
首先利申先, 呢對野我已經係早前既時候訂左, 應該9月到貨,  今次陪朋友去試無理由自己唔試下~
首先係某個M攤檔試左, 由於好多人等緊所以我試左15秒, 我個朋友試得10秒, 另外一位比較幸運試左1分鐘...
之後去到M攤檔, 好似少D人, 我有機會試到幾首歌....既intro....
再聽發覺比之前第一次試要好左, 用我呢個組合佢既人聲接近535既表達方式, 但仍然未算係好毒...
bass一如以往地靚, 但我個bass head朋友都係覺得唔夠...但bass quality我真係幾喜歡, 新科技果然係唔同D
另一位友人就話好arm佢, 應該會入手
但有一點我都幾肯定既就係SE846出黎既聲音比較平衡同埋無味精, 如果不喜歡平淡音樂既師兄們未必會喜歡, 同埋長期聽開有音染既耳機既師兄們亦都會覺得佢有D悶, 我入手純粹係想試下換線後佢既表現, 但MMCX頭既線...我好似真係無乜...大部分都係CM頭...呢點真係有D頭痛!!!


ASG2:
首先對ASG2我早前係旺角地庫已經試過, 講番真係慘不忍睹...我有朋友話似$10既貨仔, 有朋友話似UM1...而我自己就比較forgiving, 覺得可能係壞左...今次係AV show證明左我第三個都係正確的!
去到E攤檔二話不說, 拎左套setup黎推ASG2...會場呢對雖然係透明但係D字係紅色既, 我問過sales哥哥就話係HK version, KS果對demo又係全透明...搞到我都有D亂...
anyway今次聽真係好聽左好多...仍然同ASG1既聲底有D似, 但算係全面升級版...佢既中頻仍然好突, 但bass好左超多, 人聲既演繹雖然唔係我我杯茶但講真唔差, 可惜既就係...佢條線真係太雞.....就係呢個時候我另外一個友人出現左! 我二話不說馬上問佢借左條好屈機既S線, 成對野馬上有30%以上既提升...
最後我既決定係...入番對玩下先 :) 可惜會場已經無曬貨...我又想要Stealth版本...而加重15 16緊...


HDVD800+HD800/HD700:
唉講起呢部野真係有慘痛既經歷...
話說森海吹左好耐話會出呢部野, 係2012年9月 (你無聽錯幾乎係一年前...)我已經問定呢部野, 同埋叫做預定左...
但之後一路都無消息...終於過左半年我自己都頂唔順, 加上果排又等錢洗所以放埋對HD800...雖然最後買番HD700...但佢居然成年都未推出...今次去到森海攤檔見到我都去左試, 果然推HD800有料到, 重要唔係用靚線, 自己就好滿意!
即場AB左HD800&HD700, 發覺雜食都聽POP都係HD700更好, 而HD800聽Classical真係無敵...佢遼闊既音場真係令到我嘆為觀止...
不過可惜我有D耳機已經俾到呢種感覺我, 所以唔會買啦...
總括黎講我會推薦俾HD800既玩家, 至於HD700用家其實未必要去到呢個等級既amp...


最後第一次純文字分享....因為太多野玩所以無時間影相...呢點真係萬分抱歉...
其實我唔只試左呢d, 不過估大家會對以上幾樣野興趣大d, 所以分享左部分先, 歡迎大家多多交流意見! 不過因為試左唔係好耐所以聽感部分好少...只係粗略形容下, 請大家多多包容呢!

muffy

番外篇之偶遇hiyori

話說係E攤檔試玩完ASG2之後, 忽然感受到有股龐大既氣場係我後面...
成個人即係標曬汗...我望番去後面居然俾我見到板主大大
佢俾成班人圍住左 (希望我無認錯人), 好似分享緊某D野...
最後我鼓足勇氣...都係熬底無去打招呼...因為佢地圍左一個圈咁...我怕樣衰...

果日應該係第二日...
hiyori兄唔知我有無認錯人呢 :)

午餐肉

下次影幾張相女相就夠 , 其他玩具大把相 .

muffy

午餐肉 發表於 2013-8-12 11:37
下次影幾張相女相就夠 , 其他玩具大把相 .

Post76既大佬們影左超多...
但講真今年既一般...

PCMM1

想問問muffy兄
Stealth版價格是多少
因為Stealth版本和普通版本聲音看了很多評論是一樣
如果Stealth版本貴普通版很多
不值得上Stealth版呢   

我也send email問了Aurisonics
看到他們的cm有很多不同的面板
一問之下
Dale說所有面板的聲音是一樣的
特別面板只為了外型有需求的朋友而設
對聲音有要求的人
只要訂購最平的version就可以了

午餐肉

muffy 發表於 2013-8-12 11:45
Post76既大佬們影左超多...
但講真今年既一般...

師兄你指咩一般先?  生物定死物呢?

PCMM1

紅字AS的行貨版本
其實應該用黑底襯才正
半透明底紅字真的有點怪怪
反而我希望行貨
可以在BASS PORT調校位的刻度上填上顏色
方便用縲絲批調校低頻

makoto

多謝分享, 846可能係條線問題攪到我帶得唔好,SO聽感冇咩驚喜..又可能我同SHURE 8字唔夾...

反而聽左咁多.個人LIKE IE800多D

1964 V6,一聽咁似WESTONE既--"

第一次帶傑仕X10 @0@咁舒服既,試左幾首慢歌都不錯.

ASG2,自己感覺都不錯,係高頻有D尖,有待慢慢試._.

以全部都係用HPP1推的.

muffy

PCMM1 發表於 2013-8-12 11:49
想問問muffy兄
Stealth版價格是多少
因為Stealth版本和普通版本聲音看了很多評論是一樣

其實我係會場問過Dale, 佢證實左D聲係一樣架
點解Stealth會貴D因為上面用左戰鬥機既油漆...
價錢我記得KS好似去到6字頭, 但會場哥哥仔話貴過透明 (佢地標價$5180)小小only...

muffy

午餐肉 發表於 2013-8-12 11:51
師兄你指咩一般先?  生物定死物呢?

生物一般, 死物幾好