黑仔事陸續有嚟........

Raphael

小弟近來黑過墨斗, 一早已經知; 本來以為最近黑氣已經開始減褪, 重見光明.........
點知最慘絕人寰既事, 偏偏發生咗喺小弟身上!!
小弟一部 keep 得好好, HDD 又只用一年多既 PC, 居然突然唔 WORK!! 最大鑊既係, 載有小弟多項重要資料既 HDD, 居然死咗!!!!

內裡重要資料有 :
1) 小弟同太太既結婚相原檔
2) 小弟同太太既結婚 VIDEO 原檔
3) 小弟攝影生涯所有既心血結晶
4) 多年旅行所拍既照片
5) 小弟及太太既畢業照片
6) 儲咗好多年既電影, 小說, 及漫畫

天呀~!!!!!!!!!!!!!!!!!!!!!! 點解你要咁對我??????
前一晚熄機時, 都仲係好好地架..................

lskthomas

ching, 真係不幸
好似有d公司可以recover harddisk入面的資料..., 但小弟未試過

阿定

一般來講，檔案讀唔到唔等於唔見左，可以交比專業的修復公司幫你解決，千萬不要使用一般的軟件修復工具，除非資料對你來說可有可無

一般修復非人為破壞、火災、Virus 等情況的 HDD ， 4千元內已可解決，一般會把你的HDD碟片取出，新Model 的話會裝上同Model的HDD上，太舊model 的話會用專用機器幫你讀番資料出來，如果好彩用前者的方法能解決，又或者只係維修HDD的針腳，可以1500內解決！

情況嚴重，可以寄去美國係抽真空室，當然價錢就過萬了，911期間的HDD只要未變灰，好多都還原到，問題只係成本而已，千奇唔好比黃金整機佬搞，佢地為求賺你錢，一定先用軟件試救，你每用一次軟件搞果HDD，你救得番的資料就越少！

Phoenix

定兄講得岩, 真是重要資料, 呢d錢一定要洗. 資料無價.

同時又一例子, 世事難料, 做好備份好好好重要

lolopopo

咁都算唯一的解決方法,
不過依家d HDD 真係靠唔住,
我都唔知壞過幾多隻...

Raphael

而家暫時唔理 HDD 住, 買過另一隻返嚟, 起返部機先
小弟最近真係已經莫財, 所以都係唔敢亂駛錢住

希望黎明快啲嚟到.......小弟真係頂唔住最近咁黑嘞.........

阿定

在此提一提大家，有d野可以幫到大家無咁易無晒d資料的！

1. OS 同 DATA 分開兩個HDD，一般OS唔駛用到500G/1TB，大家買電腦時最好一個320G裝OS，一個1TB裝Data，喜歡BT的就買多隻專用來BT，不過當然緊記BT時的Buffer都放係隻準備受死的HDD度，否則最後都係死OS果隻

2. Backup 除左緊記要經常做外，超緊要的Data緊記用英文名存檔，能力許可的話，最好用 DVD/BD 呢類可以放幾十年的媒體，唔好用HDD做Backup，一來用HDD Backup 太耐唔用係會出問題，二來唔係好多人識得或有能力做到 backup 同 source 係唔同location，水浸又好，火燒又好，你 source 同 backup 放同一 Location 等同無做過Backup，燒碟的好處係可以放保險箱，甚至放銀行保險箱都仲得！

wildwolf007

在此提一提大家，有d野可以幫到大家無咁易無晒d資料的！

1. OS 同 DATA 分開兩個HDD，一般OS唔駛用到500G/1TB，大家買電腦時最好一個320G裝OS，一個1TB裝Data，喜歡BT的就買多隻專用來BT，不過當然緊記BT時的Buffer ...
阿定 發表於 2009-7-27 10:00

dvd都要用一d高質素dvd,我之前用d普通dvd backup相,結果2年都唔夠,隻dvd已經play唔到.

阿定

dvd都要用一d高質素dvd,我之前用d普通dvd backup相,結果2年都唔夠,隻dvd已經play唔到.
wildwolf007 發表於 2009-7-27 10:24

其實會唔會Day 1 已經讀唔到 d File？ 我見好多人燒相，用40x，燒完好多讀唔到，係Day1 的事，唔係兩年後的事！

kkchau

DVD/BD 呢類可以放幾十年的媒體，bd就未知，燒dvd＆cd放倒５年已經偷笑