如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 muffy 於 2013-8-8 11:26 編輯
好啦, 話說已經好耐無寫開箱文啦, 並不是因為小弟退燒, 而是最近大家都好忙, 而新野不停出, 根本唔知寫乜好…
今次開箱呢對係私伙野黎, 係來自日本既 Flat4-Kuro!!!
照舊Spec既野大家自己可以上網search, 我都費時copy & paste啦, 呢對係一對雙動圈黎, 應該係 2 x 10mm, 2013年6月先出, 一樣係歧視其他地方既人 (因為只在日本發售), 所以等左好耐先到手, 可能冷門小小但絕對係好野黎!
廢話又講完啦, 都係講下外觀同包裝先! 佢用個鐵盒裝住, 上面又寫住間公司名 “音茶樂” 我估叫10個人估會起碼有5個估係茶葉…包括我…
打開…哇!!! 連個裝耳機既盒仔都無…都有送到一對comply foam, 同埋一塊藍色既布包住對耳機…成個新生嬰兒咁~
二話不說打開塊布, 馬上就見到主角: Flat4-Kuro (以下簡稱K仔)
造工非常靚, 秉承日本仔手工, 好滑好墬手, 呢對係Flat4三對入面最新出果對, 好似係Aluminum做, 又話兩個圈用左特別既擺位, anyway呢D野我真係唔熟, 我只係聽歌架ja~
配件其實都無乜, 比較陽春 (但個茶葉盒我幾喜歡既)…由於小弟比較喜歡用膠, 所以二話不說換左佢果對棉, 順便推介一下其中一樣2013 best buy…Ortofon耳膠L size一對! 呢對野好鬼舒服, 隔音又好又耐用, 我幾乎對對耳機 (輸出管大果D)都係用佢, 真係旅行居家必備!
一開聲: 哇! 咁細聲既!!! 原來佢比想像中要大食好多好多…齋以音量黎計難推過ER4B同IE800…我部Mass Kobo 385要扭到11點位置, 之前從來未試過…
扭番去正常音量後, 發覺佢既sound signature好特別, 我玩過咁多對耳機都未遇過! 佢既bass彈得好快而且好深, 包圍感極強!!! 我就覺得超級好聽, 聽MJ真係耳油都出曬, 比之前既top 5 Ie800更適合我口味
連個音場都好鬼遼闊, 學Hiyori話齋有”脫塞感”, 我都覺得講得好中! 真係改變左我對IEM既看法! 至於高頻我覺得都收貨, 去得好盡但有齒音, 聽男聲一般但女聲好甜美 (我估關部amp多過對耳機), 女毒我覺得幾好, 比我對Ck100pro黎得自然同埋輕鬆, 聽得耐唔會厭!
至於缺點, 我就覺得中頻唔算突出, 對耳機比較V shape (某個高人話應該係U shape), 同埋高頻有D尖+標, 但人聲距離中等, 聽得幾舒服, 但可能會有人覺得悶都未定, 因為佢無乜特別音染
其實K仔聲底比較自然, 唔暖唔冷, 分析力好高, 呢點估佢唔到. 至於樂器定位好好, 比人聲表現有過之而無不及!
配戴我就覺得見仁見智, 佢唔係westone果種, 而係銅獸果種, 你可以直插, 亦可以繞過耳仔, 我就選左後者, 但我配棉戴得好唔舒服, 配膠就幾好, 戴戴下好似無戴咁, 呢個就係版主大大所講既”脫塞感”!
阿差D唔記得左, 呢對野我上面講到話好大食, 我試過就算用AK120直推都明顯被封印住…所以強烈建議要加耳擴! 我講下自己套setup先:
窮人欣物 E8 (紅色好Sharp)
Mass Kobo Model 385 (近期自己最喜愛既Amp, 除左底噪真係幾大同埋比較大舊+重之外真係無敵)
Uber 過機線 (新線未到, 呢條係Tralucent Audio出既)
Flat4-Kuro (廢話…介紹緊呢對囉!)
我之前對”音茶樂”呢個品牌無乜認識, 就算而家都係…只知道創辦人之前係SONY做, 最後自己出黎開左呢間野 (有錯請師兄糾正小弟), 佢出既產品我以後一定會密切留意, 因為呢對K仔俾左我大量新鮮感! 佢既SS真係好特別, 清新脫俗, 會俾到煥然一新既感覺你!
總括而言, 因為最近小弟玩到有D迷失, 呢排好多新target: 1Plus2 (手已入瘋狂Runin中…) TG334 (因為買線無錢所以放左) ASG2 (試左覺得好一般但又有好多人話得…迷思中…) SE846 (訂左但要9月先有貨)…其實重有好多對我都好有興趣, 但係咁混亂既時候呢對K仔真係俾到我一份好強烈既新鮮感! 由於咁arm見到板主大大開左個post 講 flat4同埋呢對野真係唔錯, 所以特此向大家推介呢對!
我自己就真係好鍾意啦, 唔知大家又覺得點呢?
|
[複製鏈接]
發表於 2013-8-7 18:31
樓主
