唔覺唔覺.... 原來二戰軸心國已經再次入侵.....

Raphael

真係好痛恨德國, 意大利同日本呢個邪惡軸心!!
當年企圖攻佔全球而失敗後.....居然仲死心不息!!   又嚟入侵小弟家園......

早前德國特務 (編號 mbl 7008A) , 意大利奸細 (綽號 NORTHSTAR IMPULSO), 及兩個日本兵 (名為 "哦吔二嗲" 及 "亞姑的 夏民利") 潛入小弟屋企, 被小弟捉住
於是罰佢地做苦工, 每日12小時不停工作, 誓要將佢地折磨到極速老化!

本來以為短期之內, 唔會再有奸細敢埋嚟......
誰不知今日出一出街, 呢幾個軸心國奸細居然咁 "沙POP", 夠膽跟踪小弟返屋企, 又被小弟捉到!!


一經發現, 小弟就立即首先將德國奸細毒打一輪, 再將佢剝光搜身兼收監!


小弟仲烙印咗一個終身編號呢個犯人"CAT 7", 教訓佢咁 "SEVEN" 就唔好學人做奸細!


小弟最憎日本奸細!! 成日 "恰" 我地中國人!!


日本鬼子當年凌辱我地中國婦女..... 小弟諗咗一個懲罰佢地既最佳方法!
"哦吔二嗲" 同 "科苗拿二" 呢兩件日本鬼....  我罰佢地 "拮" 住意大利佬 (NORTHSTAR IMPULSO) 既 "欏柚"!!
死未??!!!


意大利奸細欏柚痛, 不斷大叫 "C 窿 !"  
大家可以見到, "C O 1" 都浮於面上了


另一邊廂, 早前捕獲既德國特務 (編號 mbl 7008A), 佢都無好日子過!
小弟罰佢被日本兵 (亞姑的 夏民利) "拮欏柚"!!


德國特務痛到不斷大叫 "吔依.... 吔...."
大家可以睇到, "21....2...." 喺佢面上浮現


最令小弟估唔到既, 係居然仲有兩個不明來歷既奸細!
一個自稱來自以色列, 一個就話自己編號係 "ISO-8"



以色列奸細, 小弟唔知是敵是友, 暫時唔太難為佢.....
不過循例都要搜身!


"ISO-8" 呢條奸細, 乜都唔肯講! 把口硬仲過石頭!!
好! 我就一於睇吓你有幾硬........
最終佢要受 "千斤鼎" 既酷刑, 睇佢可以硬得幾耐!!



"招呼" 呢班人渣成大半日, 小弟都攰嘞.....
詳細既盤問報告, 日後再奉上~

manKi

Raphael兄套架生,線材...正 玩書架會配對腳架嗎

Raphael

manKi 發表於 2013-8-3 20:30
Raphael兄套架生,線材...正  玩書架會配對腳架嗎

腳架呢項刑具，本來都想加，用嚟招呼 Elac......
可惜真係無位擺

manKi

Raphael 發表於 2013-8-3 20:39
腳架呢項刑具，本來都想加，用嚟招呼 Elac......
可惜真係無位擺

Raphael器材,線材正,又玩墊材...唔少錢 諗諗個擺位,置對靚仔腳架

qk8082900

師兄靚機 靚線 \
但係書架冇腳 聲音始終打個折
  

obee

下一步換喇叭, 哈哈.
原來你係"德國芯"

喜喜天使

好招呼

calcal

一定玩得好開心了

Einstein

so nice........

keke323

ching 屋企咁多奸細要有排鞭策