關於各牌子保養年期及質素

chopinlau

見有幾位CHING非常滿意有五年保養…有感而發！本人經歷。

話說我都好似各位ching咁對~等離子~電視有種畫質係最好；LCD是垃圾的最初認知！等離子似CRT，LCD顏色太假，觀念問題就出在這裡，新不如舊的LCD太假色彩太濃死白；CRT似菲林感~無敵，其實CRT物理和技術所限畫質十分差(現在想起才覺，以前CRT用32HV50)，當時不會想到LCD的色調是超越CRT好多，偏偏等離子就以CRT畫質及色調為取向，當時覺得畫質好過我部HV50，色調差不多又1080P！
2009年想買大電視目標祇有 等離子 才買，走去所有電器店左睇右睇，LCD圍攻一部等離子可其壯觀呀！當時眼望明知三叔；飛記；新力；聲寶部部畫面是好過部PAN記，因主觀作緒心諗PAN記話有600HZ其它牌子重低過佢(其實當時見部等雜子係最閃既一部；飛記最定200HZ)，問過朋友；朋友已經告訴我PAN記用好渣的零件(朋友是做行業廣告)，最後個人主觀戰勝所有已知的忠告(畫質；頻閃；零件，和熱耗電400W)！好啦帶42G10H回家，等不及信興來裝機自己搞掂，著機用PS3播BD片，正~利到不得了(其實是第一代PS3的通病太利)，用Mac機來做Mon，話~好立體無得頂有蘋果專用MON咁靚！睇高清無線又好立體GOOD！接PC無問題，以上全部接HDMI睇的，但頻閃全部都存在，在設定入面校極都無改善，打機時閃到直頭想嘔(蛇叔)！真係囉苦嚟辛！這個不算最頂癮，用了三天發覺用耐咗畫面有橫線干擾？睇高清電視無問題，用HDMI的裝置全部都有問題，好了至電信興搵人來睇，我開埋冷氣等師傅來睇，睇35分鐘居然無事？師傅走了晚上再試又出返現，第二天再CALL信興搵人來，開冷氣試咗差不多成個鐘，祇出現一兩次好輕微的橫線，但個師傅話睇唔到！他就說我條HDMI線不是樂聲產品，所以會這樣？好啦簽單放佢走，之後死落樂聲門市用$270買條HDMI線，到晚上心諗無可能我自己試就頻頻出現，師傅來就無事架？我諗會不會過熱所至？當時九月中！不開冷氣再用新線試不到半個鐘就出現了！這時就知份HDMI部件會過熱導致花畫面干擾，不知是HDMI版本電流所至定零件問題？再至電信興說明問題所在，他們再搵個師傅來，這個師傅真利害！唔係佢搵到問題所在幫我搞掂佢，而係見到花畫面話PAN記電視不支援PC既1080P或I 24,50,60HZ，重找本說明書來說那裡那裡！PS3如事；MAC機如事等等…，我話比佢聽我部DELL MON接所有器材完全無問題的？他的答覆令我好唔滿意，單都無簽叫佢走，即時再同佢地維修部站長聯絡，佢說PAN記電視最終而自身產品支援為準，我話買咗不夠一個月，如試咗你地D播放機都有問題就換個部新比我？他說如係有問題緊會換部新機比我啦！他說搵同事去葵涌取機來試，由中午等到黃昏五點至有人來，一樣沒開冷氣再試，居然45分鐘都無事發生？？那部機是有HDMI的DVD錄影機，那個師傅仔話如無事他要趕回葵涌收工，有問題再找站長吧！再找那位站長說明，叫他拿回廠CHECK下~他說如無問題我們都沒辦法的！當時我都O哂咀！叫你回廠整下啫都無叫你換部新比我！連這樣都不做，把幾火收線！第二天打上信興寫字樓投訴，個寫字樓妹叫返我打去維修部投訴，咁咪即係兜兜轉轉？搵嚟玩！什麼五年保養？比夠十年都無用，有問題是用家的事不是廠方問題！將責任比返消費者，信興維修部根本就知份HDMI有問題，佢部DVD錄影機個HDMI既電流細，所以個站長一定知試都無事！有事真係要換過部新比我！最後部~等你死~用咗個聆月就賣咗(信興令我好失望亦不會再用他代理的產品)，換咗部SONY一D事都無200HZ不知幾定！係無咁立體個畫面。過了幾個月去買電視的鋪頭買東西說起這件事，他說為何不至電他們，他說可找行街換過部比你的，我說算吧當買教訓，等我知道信興是這樣服務的！
之後見三叔部D8000系列，畫面靚好立體同移動超平滑，對韓國機種完全改觀！他們已經超越日本了。
一年前轉用三叔機7000ES，個廣告朋友轉用6500ES，朋友兩個月就壞整咗三次，二次換板最後一次成部機取走，車部5000借佢用用到部機整好為止，雖然朋友部機現在還存在問題，而我部7000到現在還身體健康，真是撞手神了！雖然三叔好多人投訴易壞，但我眼見不多！但應該服務算係咁啦，會借機你用，我就不知信興會否有這種服務？
其實廠家推出產品後，多小都會知產品有否出問題，是可解決還是不可解決！但誠擔責任都好應該啊！

如有廠家敢說~我們出廠的產品沒有保養提供~因零件上剩；QC品質一流，所以不會壞的！

我第一個買！

小仲

機依家野真係人夾人，小弟有幸用左年零都好滿意(touch wood)

正如飛氣勁重既飛記都一樣有師兄用得順順利利

算師兄唔好彩吧

Anyway，三叔LCD真係不敢恭維，各人都有喜好，三叔個畫面真係利到

keke323

ching 打咁多篇字已經要加分 每個品牌都係愛好者......有時真係各花入各眼.....你問我之前都鍾情 samsung.....因為入到電器舖.....咁多部電視....第一眼望埋去 samsung 電視的確比較 sharp......外型最吸引 .....所以我連房用 32" TV 都買左 samsung .....不過好景不常 .....部電視成日都有電流聲 (拍拍聲)......已經拎過返廠整左好幾次
.....最終都搞唔掂......不過我最終都滿意 samsung 個最後方案......佢賠錢解決左問題.....而個價錢同我新買差唔多添 .....不過而家如果比我再揀.......我諗我會揀 sony w950......因為見過實物......真係靚到無朋友 .....所以呢部係我下次既目標

billy3310

最正一定係JVC 信興
當年部SVHS過保養即壞
我明白一定要上門搞，上門就一定收上門檢查費，零件另計
師傅遲左三個鐘上黎，機殼都吾駛開就一句“無得整“
跟住就想收費走人........

年尾開部Onkyo RDA7機殼吸塵，點知被我發現七聲道中
有兩道聲道用吾同零件，其中重要係印住R 與L用不同零件的
佢回答係“吾同果兩條道用起左前同右前或左後同右後，甘米右左對聲“
再嘈下佢，佢話“你知吾知你行開機殼係吾會有保養“
所以安記5010幾正都好，denon4520幾差都好
要我再揀多次，我都係買4520

chopinlau

billy3310 發表於 2013-8-3 22:18
最正一定係JVC 信興
當年部SVHS過保養即壞
我明白一定要上門搞，上門就一定收上門檢查費，零件另計

原來你重多奇遇啊！？你無用掃把送佢走咩？D行咁對你，你以後都幾少選擇了！

都係個句；睇你彩數！

ctmk

買電器真的講彩數