六速 互訪

Stanley5387

其實寫咗啲感受，但内容略長，亦 save 咗喺公司電腦度， 聽朝就 post!

MarkMak

寫小小報告先

第一次聽Martin Logan 靜電喇叭，成副人甘高嘅靜電網發聲，重要玩一套，包圍感十足，整個音場包住你，根本無需理會邊隻喇叭出聲

但有包圍唔代表無定位，末世天書街頭鎗戰嗰一下冷鎗，聽到子彈由我左耳邊擦過去咗後面，好過癮。而且D手鎗聲好狠勁，中咗鎗一定向後彈起再瞓低嗰隻，但又唔會手鎗變大炮

而借東西的小矮人聽到又細緻又有質感嘅聲音，聽得到套機嘅高分析力

低音一聽就知道經神Q調過，狠、快、實，包，三隻 KK、JL、ML 融為一體，睇戲簡直示範級數，但可能我習慣咗concert 少D低音, 感覺有少少over咗 (個人喜好)

多謝Felix熱情款待，費心為我哋揀碟，好正，可惜攞得半日證，期望下次你換咗 Sony 1000 後有機會再見識下， thank you

felixk

MarkMak 發表於 2013-8-20 01:21
寫小小報告先

第一次聽Martin Logan 靜電喇叭，成副人甘高嘅靜電網發聲，重要玩一套，包圍感十足，整個音 ...

我仲欠你 演唱会 下次 比你指較下    

多謝光臨 六速 对 Mark 有種 特别情懷 畢竟 以前一支持和明白 我地理念。    在此 say thank you

Stanley5387

講返禽日到飛兄嘅家訪嘅感受，真係可以用 “不亦樂乎” 嚟形容！

理由係難得有十多位嘅影、音愛好者，可以喺假日一齊聚首一堂，加上飛兄對大家嘅熱情款待，同埋最重要 - 係呢班人對影、音呢個興趣，  都存有一團火喺度!

喺整個晏周，飛兄就抽取咗十多套 bluray 猛片， 以1 set 7隻MartainLogan喇叭、 3隻唔同品牌嘅 Sub仔 (JL, KK & ML)、 神器
MSB Universe Player Set再配搭 Krell Amplifiers， 輪流去播放精華片段供我哋試聲，試畫。 其中一對身高超逾 1.5 m嘅 MartainLogan 前置靜電式喇叭同另一對相同牌子，但體積細一啲嘅後置靜電式喇叭，佢哋嘅聲效表現絕對令小弟異常難忘同興奮。 皆因佢哋可以喺影片播放當中，以鋪天蓋地嘅音場去感染你，令到觀賞者不自覺就完全投入各個電影故事裡面，固此喺氣氛營造方面，呢個組合堪稱一絕。

至於喺兩聲道音樂重播方面，呢款前置靜電式喇叭嘅表現亦令各人喜出望外!  縱使飛兄曾提過套MSB Universe Player Set 返家只有很短時間， 喺未 run –in 加上 PC 都新嘅情況下都未在最佳狀態， 之不過喺數段音效檔案經 USB或 CD播放後， 其重播能力就如 mantam121 C Hing 喺前面一個回覆所講: 當真係“ 高音甜美、中音準確，低音強勁”! 尤其諗到播放 “十面埋伏” 一曲嗰陣，音樂中嘅鼓聲清脆凌厲，音場立體，置身喺皇帝位時聽感超佳，故相信飛兄除咗喺前置喇叭擺位度落過一番功夫外， 有此良好效果應必歸功於呢對前置喇叭下方嘅八吋低音單元，的確叫人一聽難忘！

總括嚟講，今次嘅家訪本人認為攪得非常成功。 而至可貴嘅係今次幾位攪手，喺整個過程中都從來無同其他師兄作層壓式推介或兜售佢哋用緊嘅影、音產物。 攪呢幾次家訪聚會嘅目的，佢哋都只係想去同多啲影、音愛好者作技術交流， 交換心得， 就喺一片融洽同互相尊重嘅環境下， 大家高高興興消磨咗五個幾鐘頭後就依依不捨咁離開飛家嘞。

(PS: 今次家訪唯一美中不足處，就係我偶像Q姐病咗，所以喺當日佢成個人都落唒形，就係呢個原因，我當日未有刻意打擾你請教 set up Sub 仔 嘅秘技，家吓喺呢個回覆約定你，下次見面請自動過料俾小弟啦! 最後，要再一次多謝六速四子，包括: 主人家飛兄、穌哥、波凸哥、Q姐同一眾今次出席嘅師兄 ~ 後會有期! )

kid

Stanley5387 發表於 2013-8-20 10:36
講返禽日到飛兄嘅家訪嘅感受，真係可以用 “不亦樂乎” 嚟形容！

理由係難得有十多位嘅影、音愛好者，可以 ...

Nice to meet u Stanley 兄！！

Stanley5387

kid 發表於 2013-8-20 10:49
Nice to meet u Stanley 兄！！

Nice to meet you too ~ 手瓜起展嘅健美 Kid 師兄！

kid

Stanley5387 發表於 2013-8-20 11:52
Nice to meet you too ~ 手瓜起展嘅健美 Kid 師兄！

笑我

Stanley5387

kid 發表於 2013-8-20 12:00
笑我

讚你型仔都炳？！

kid

Stanley5387 發表於 2013-8-20 12:43
讚你型仔都炳？！

講笑Haha !!

felixk

Stanley5387 發表於 2013-8-20 12:43
讚你型仔都炳？！

我公道D一句。kid 又真係好鬼大隻。