暑期補習班~(Metro爆機~28樓小評~暑期課程完滿結束!)

@肥狗仔@

DVD迷 發表於 2013-8-11 17:46
呢隻我仲未爆，只玩左幾關，唔係唔好玩，係我想慢慢玩，所以唔急爆機，唔好話呢隻game啦，其實生化新版都 ...

玩完Fuse之後，跟住預計會打埋Metro同埋bio: Revelations。Bio興趣本身唔太大，但有時間都會玩玩。到時哩個暑期補習班就應該會完滿結束。8月有隻XCOM有興趣。9月就Splinter Cell中文版同GTA V。

其實打得唔算快，主要睇遊戲本身。有D好似戰神咁，打得投入，有令人追落去嘅吸引力，縱使流程成8, 9個鐘，但我花兩日已經爆左。相反，最近哩隻羅拉個流程都係公式野，悶又未至於，但爆機動力冇甩。我要分開4, 5日先爆。 打機我習慣都係一次過爆機，中途停下又打下感覺冇咁好。近幾年歐美作品都注重presentation，整個流程就好似一部電影咁，有唔同場面唔同故事要講。平時睇戲我都唔會分開兩日，何況遊戲。

近來個人揀遊戲都係基於興趣同口碑。有興趣好似今次暑期補習班入面果D，基本上都會買黎玩，不論評價如何。但冇興趣果D我反而會睇評論。當然唔排除會錯失好遊戲，但哩個算係個比較實際嘅做法。話說好多遊戲XBOX LIVE都有得down試玩。PSN冇可以上去睇睇。

@肥狗仔@

可能打得多~哩家有D審美疲勞= =

@肥狗仔@

點算~隻FUSE~打左三關~想放棄= =

@肥狗仔@

經過斷斷續續嘅10小時奮戰，終於完成咗Insomniac Games嘅多平台作品《Fuse》。過程都算辛苦，一來遊戲與市面上嘅TPS相比並冇太多特別之處，二來關卡並非十分刺激。遊戲的賣點在於特殊武器還有4人co-op。特別係特殊武器，四個角色各有不同。有生物盾連散彈有箭有爆破有石化。相關武器對一般敵人都係必殺類別，而死狀同死法好多時都會帶俾玩家無限快感，情況就好似《Crysis 3》雖然武器唔少，但玩過都知道弓箭係no.1之選。係單人遊戲下，玩家可以選擇自己嘅角色進行戰鬥賺取經驗，但除左要用錢買嘅裝備係全team受惠外，由於每個角色都有自己嘅能力，而且經驗值不能共用，所以玩家一個人玩嘅時候必須逐個人升。哩點係比較麻煩的。

戰鬥部份和普通TPS差唔多。但有D敵人需要特殊武器去破壞其FUSE護盾先可以被擊殺。有關系統由中段到最終BOSS戰都有出現，但個人覺得若果哩個設定成為類似《Shadows of the Damned》中的常規系統，咁戰鬥部份可能會更有趣一點。另外遊戲都唔係得個打打殺殺。有D地方要攀爬，例如某D高地或者敵人嘅紅外線驚警報等。雖然過程容易且單一，但又未至於去到"多餘"嘅地步，不過同上述問題一樣，若果開發團隊懂得去深究哩類合作攀爬或者用於解迷的話相信會更好。至於其他什麼手感，音效都算唔錯。成個流程整體亦稱得上多野玩(以一款硬派TPS黎講)，而且仲有持久戰的模式。若果有fd係度的話，本作要爆兩三次唔係問題。


個人評分: 7.9/10


下次可能就係打Metro~

原明

Cyrsis3 我都無心機⋯爆一次算。

@肥狗仔@

God Damn it~大病中 ~希望暑假完之前可以爆埋哩隻佢!

FKC_Tony_1024

@肥狗仔@ 發表於 2013-8-23 22:44
God Damn it~大病中 ~希望暑假完之前可以爆埋哩隻佢!

Take Care~
Metro Last Light系統上冇乜大變化，但射擊手感有進步

@肥狗仔@

《Metro Last Light》 岩岩完成。流程唔算短，內容亦十分精彩。感覺佢係行《The Last of Us》果條路，將怪物同人類戰鬥進行平衡。而各種遊覽關卡亦都為遊戲的背景及劇情進行充足描寫。遊戲以迫真光源為賣點，個人的GTX560用GeForce Experience最佳化，FPS達到30~40左右。係黑暗嘅地方，光暗極之分明，光源的GI，HDR及模糊亦十分到位，與BF3相比可以話更強。但最令人驚喜係日間場景的渲染都極為出色，與TLOU還有Crysis3唔同，本作日間渲染係屬於寫實風，被核爆洗禮的莫斯科叫人感到一種無形的壓迫。

至於系統，如Tony兄所講，手感不錯。特別係步槍開火的每一發後座力，發射的聲效，還有子彈擊中銅鐵的火花，效果極之帶感。早個月玩過Army of Two, 同樣都係射擊感出色的作品，但論真實同特效，本作無疑係稍高一級，若果當年的二戰COD做到類似的質素，遊戲肯定會令人更投入。本作美中不足在於遊戲挑戰不足，雖然開發組明顯想為玩家提供打殺以外的各種挑戰，但到頭來，玩家唔洗花幾多力就可以過。而最終戰感覺和之前的遭遇戰冇太大分別，情況和當年Crysis 2一樣，分別在於本作整體難度都係比較低的。不過論一款單機主導的FPS，《Metro Last Light》 以"互動電影"方式呈現一部精彩的科幻小說，並收錄左成功FPS的一切元素。但精彩流程嘅背後隱藏住平淡如水的挑戰。


個人評分: 8.2/10

FKC_Tony_1024

Metro系列d 畫面真係幾靚，制作商又唔係咁出名，只係一間烏克蘭的studio
但單係畫面已經令人咋舌，同Crysis系列有得fight

@肥狗仔@

FKC_Tony_1024 發表於 2013-8-31 20:51
Metro系列d 畫面真係幾靚，制作商又唔係咁出名，只係一間烏克蘭的studio
但單係畫面已經令人咋舌，同Crysis ...

遊戲畫面令，最大得益者都係顯卡製造商。之前Crytek有講哩家遊戲畫面已經比遊戲性更重要，某程度上都係岩。玩家對隻game一頭霧水，買唔買主要都係睇預告片睇畫面。我地成日話舊陣時D遊戲好玩，但到玩上手嘅時候，果種畫面...我地仲會唔會咁起勁又係另一問題。但從另一角度，打機唔同睇戲，去戲院睇戲，儘管有時可能套戲本身好狗血，但觀眾都會覺得值，因為幾十蚊就可以睇兩粒鐘精彩特技。但打機唔同，一隻game幾碼二三百蚊走唔甩，而且遊戲時數往往都係10個鐘甚至更長。若果隻game內容唔夠吸引，分分鐘未爆玩家就已經會放棄。所以由始至終遊戲性先係令玩家滿意嘅唯一要素。

哩隻《Metro: Last Light》媒體之間有高度評價好大程度只係因為佢presentation做得好，冇左哩樣野，其實隻game就冇咩可玩性可以有咁高分。相反，同樣畫面有返咁上下，《Crysis 3》系統上內容上都比前者黎得豐富，但因為欠缺好的presentation，最後就只獲得中等評價。近期的《The Last of Us》都有類似情況，雖然絕大部份的媒體都比滿分，但我地唔難發現好似gamespot等媒體會打出相對低的8分左右，講白D隻game除左流程同故事之外，遊戲系統方面就係一般遊戲的等級。觀點與角度，究竟遊戲性緊要D定presentation緊要D，貌似廿一世紀嘅媒體同玩家都傾向後者，但亦從中可以印證，畫面絕對唔係反映遊戲質素的關鍵。

哩個課題個人覺得值得幾得意，次世代主機，畫面好令，但D人包括我都會話相比畫面，玩家更期待次世代主機會對傳統玩法作出點樣嘅變革。不過事實上，好多人一早心入面已經有一款出機大作，通常係王牌續作，佢地唔介意遊戲有冇革新，只要有得出就會入機，但若果畫面有強化就會最好不過了。若果開發商係注定要做大作的，畫面的確係重要一環。當然若果你喺畫面上有少少成就的話，Nvidia或者AMD可能會有一日搵你幫幫手^^