重分析，靚低頻 Velodyne vTrue 耳筒

ronaldlaw

本來威力登呢個名字我只會想起超低音，但朋友最近入咗隻威力登耳筒vtrue，好奇下攞咗黎試聽！

其中一個原因係朋友手上攞黎試就係比佢既外表吸引到，每邊都有一幅過金屬，頂及吸耳位就用真皮造，感覺到幾solid手工亦唔錯，跟機有兩組分離式耳機線，一組有volumn control另一組就無，原生3.5mm另可加轉插。不過線長就短咗d，如果駁amp聽相信要另換耳機線或用加長線。

一個一向出開sub-woofer既品牌一但出另一項產品，相信佢既定位報係以打心口為主，一如所料呢隻耳筒取向都係以bass為主。聲底方面其實有d似beats不過佢既分析力比beats好好多，好多detail位呢隻耳筒都出到。有個感覺我從未試過，聽王宛之隻晴歌集裡面首chotto等等，居然feel到隻耳筒震，你話佢出bass既量係幾咁足夠！  後生仔又或者心裡面後生(young at heart)應該會聽得好開心。不過如果用黎聽d soft野，女聲既話就唔係咁適合始終呢隻耳筒bass感好重。

基於我屋企環境因素(有小朋友)，我經常用耳筒去睇(聽)戲，咁有隻咁bass向既耳筒係側邊梗係試下佢。上面提到既高分析力仍在，好多弱音例如鎗擊場面金屬撞擊聲，靜態下環境腳步或風吹草動聲都好清楚，咁最正當然係d爆破場面，我試咗多段good day to diehard，真係比到d震撼感覺我！

總括如果睇戲比例多過聽歌，又或者bass head 既朋友，你又多一個選擇！

sw69

nice report

jason1969

Good report

hiyori

謝謝師兄精彩報告!
最初小弟俾呢隻耳機既巨大金屬外型震撼左，原來佢bass勁之外細節都出到呢，似乎好適合看電影同打機，想問問師兄呢隻會唔會焗同重，看兩三小時電影會累嗎?

patkwok

威力登都出earphone!會唔會俾佢係張櫈到震到跌落地

多謝樓主分享

Sceaduwe

Very solid built!

Thanks for your report Ching!

ryanytwong

精彩報告

ronaldlaw

hiyori 發表於 2013-7-25 11:06
謝謝師兄精彩報告!
最初小弟俾呢隻耳機既巨大金屬外型震撼左，原來佢bass勁之外細節都出到呢，似乎好適合看 ...

重又唔係好重，耳罩濶度比較窄，真皮夏天載始終熱一d！
(Post76 Android 手機版送出)

eric_on

呢隻本來都係我目標之一, 但一見個價錢, 就放棄咗..